Ғ. Махаметов атындағы жалпы орта білім беретін мектебі

« Ризашылық пен алғыс - Анашым»

(Шығарма)

Орындаған: Аманғали Диамара /5 сынып оқушысы/

Жетекшісі: Стамғазива Бану /«Жас тілші» үйірмесі/

2019 жыл

Мың алғыс саған - Анашым! ... Есейіп кетсемде, мен саған сәбимін. Көгілдір көктемдей көзіңнен танимын. «Ана туралы жыр» әнінен. АНА... Осы үш қана әріптен құралған ұлы сөзге әлемдегі, барлық жылулық, барлық пәк сезім, барлық бақыт пен махаббат, тіпті бүкіл жаһан сыйып кеткендей... Анаға қаншама ақындар жыр арнаған. Қаншама жазушылар шығарма жазған. Ана - мәңгілік тақырып. Аналарға қанша жылы сөздер мен дүниенің барлық асылын алдарына әкеп үйіп қойсаң да, осы жандардың ақ сүтін өтей алмайсың. Жер бетіндегі аналардың тілеуі бір. Ол мейірімділік, адалдық, бейбітшілік, адамгершілік. Ұрпағының аман - саулығы. Менің де аяулы екі анам бар. Олар: асыл әжем мен аяулы анам. Дүние есігін ашқаннан бері асыл анамның аялы алақаны мен жылы құшағының арқасында ешқандай қиындықты сезінбей өсіп келемін. Менен басқа отбасымды тағы да ағайын тусым бар. Әкем мен анам біздің болашағымыз үшін еңбек етуде. Біздің қатарымыздан қалмай, білім алып, еліміздің елеулі азаматтарының бірі болса екен деп тілейді. Біз үшін түн ұйқысын төрт бөлген анамның қасымызда екеніне мен қуанамын. Оның таңертен еркелетіп оятқаны, кейде көңілсіз болмас, келіп жып жылы алақанымен маңдайымды сипап, бетіменен өпкені, ауырса қалсам, қасымнан кетпей қинала қарайтын жанары бәрі маған ерекше күш беріп, сәуле шашқан күн сияқты. Анам есікті ашып кіріп келгенде, күннің нұры құйылып кеткендей, үй іші де көктемгі жапырақтай жадырап сала береміз. Осы аяулы жандарды кейде ренжітіп алғанымызды да байқай бермейміз - ау. Орынсыз талаптар қойып, еркелігімізді асырып та жібереміз. Саған деген жүрегімдегі ризашылық сезімімді қаншама сөз маржанын терсем де жеткізе алмаспын. Бұл дүниеде сенімен ғана бақытты екенімді білемін. Анашым, мен үшін дүниенің бар асыл - бір өзіңсің! Қасымда болмасың, өмірімнің сәні де, мәні де болмас. Сен - ақылшым, сен - тірегім, сен - кәусар бұлағым. Әрқашан қасымда болшы, Анашым. Дүниеде сендей асыл жанның болғанына ризамын. Мен үшін түн ұйқыңды төрт бөлгенің үшін, маған деген ыстық ықыласың үшін, аялы алақаның мен жылы құшағың үшін, мейірім толы жүрегің үшін мың алғыс саған, Анашым.