Мектебімізде соңғы 5 жылдан бері жас жеткіншектер робототехниканың қыр-сырын үйреніп келе жатыр. Бұл сала балаларды болашақта оқу сұранысқа сай маман болуға дайындайды. Әр мұғалімді балалардың болашағы алаңдатады. Яғни келешекте олардың алдарында қандай мүмкіндіктер ашылады? Олар бәсекеге қабілетті мамандар бола ала ма? Өйткені, бізге техниканың заманы біртіндеп еніп жатыр. Балаларды соған дайындауымыз қажет. Ал, олар мектеп кезінен бастап хобби ретінде робототехникамен айналысып, кейін технологиялардан ақырындап хабары бола бастайды. Тіпті, болашақта оларға өзінің таңдаған мамандықтарына қажет болуы да мүмкін. Мектепте ұйымдастырылған үйірмеде 10-14 жас аралығындағы балалар роботтардың түр-түрін құрастырумен айналысады. 2 тілде жүргізілетін курс оқу жылының ішінде жүргізіліп отырды. Балалар роботтардың жеңілінен бастап күрделісіне дейінгі деңгейін жасап шығуы қажет. Осылайша, олар тек мультфильмдерден көрген роботтарды шынайы өмірде өздері жасап, оны құрастырудың түрлі ә