"С" дыбысын қою

Тақырыбы: «С» дыбысын қою

Білімділік мақсаты: «С» дыбысының артикуляциясын түсіндіру, тыныс шығару жаттығуларын дұрыс орындау. Сурет арқылы ажырату, есте сақтау қабілетін дамыту.

Дамытушылық мақсаты: Танымдық белсенділігін арттыру, ой өрісін дамыту. Әр түрлі тапсырмаларды орындау барысында сөздік қорын дамыту.

Тәрбиелік мақсаты: Оқушыларды тиянақтылыққа, адамгершілікке, тазалыққа тәрбиелеу.

Көрнекілігі: кеспе сөздер, суреттер. С дыбысы.

Әдіс тәсілі: Сұрақ жауап арқылы түсіндіру.

Сабақ барысы:

Ұйымдастыру кезеңі

Мұғалім: Амандасу. Сәлеметсің бе?

Оқушы: Сәлеметсіз бе!

Мұғалім: Қазір жылдың қай мезгілі?

Оқушы: Қазір күз мезгілі.

Мұғалім: Бүгін аптаның қай күні?

Оқушы: Сәрсенбі, үшінші күн.

Мұғалім: Бүгін нешесі?

Оқушы: Қыркүйектің он сегізі.

Мұғалім: Бүгін сабақта не істейміз?

Оқушы: Тыңдаймыз, оқимыз, сөйлейміз.

«С» дыбысының артикуляциясын түсіндіру.

• Ерін жымиып тұрады.

• Тістердің арасы шамамен 1мм ашық.

• Тілдің ұшы төменгі тістерге тіреліп тұрады.

• Тілдің ортасы көтеріңкі, ортасында жырашық болады, сонымен ауа жолы жүреді.

• Жұмсақ таңдай көтеріліп, мұрынға азу тістерге тиіп тұрады.

«С» дыбысын дұрыс айтып дағдыландыруға арналған жаттығулар.

А) пойыз жүргелі тұр. Паровоз ысылдап, бу шығарады с-с-с.

Ә) «Дөңгелек жарылды». Самат велосипедпен қатты келе жатыр еді. Кенеттен дөңгелегіне шеге кіріп кетіп, жарлып қалды. Қандай дыбыс шығарады? С-с-с!

Б) «Жыланның ысылы». Балалар орман ішінде келе жатыр еді. Алдарынан жылан шыға келді де қатты ысылдады. Олар қорқып тоқтай қалды. Жылан қалай ысылдады? С-с-с!

В) «Ысқырғыш шәйнек». Әжем базардан жаңа шәйнек сатып алды. Ол шәйнек ішінде су қайнаған кезде қатты ысқырады. Қалай ысқырады? С-с-с!

Г) «Милиционер». Балалар көшеден өтіп бара жатыр еді. Бір кезде милиционер ысқырып, оларды тоқтатты. Қараса, бағдаршамның қызыл көзі жанып тұр екен. Милиционер қалай ысқырды? С-с-с!

Тілге жаттығу. «Мен бастайын, сен аяқта» ойыны.

Ба с

Қы с

Та с

Туы с

Құ с

Алғы с

Баты с

Қамы с

«С» дыбысын сөзде айтуға дағдыландыру.

Сөзді дұрыс оқы және айт: Сақа, сана, сабақ, сандық, саусақ, сайрады, салтанат, сақал, сая, сары, сапар, сарымсақ, сағым, санамақ.

Сабақты қорыту.

Бүгін сабақта қандай дыбысты айтып үйрендік?

«С» дыбысын.

Оқушыны бағалау, мадақтау.