С дыбысын қою

Сабақтың тақырыбы: «С» дыбысын қою кезеңі

Сабақтың мақсаты: «С» дыбысының артикуляциясының дұрыс

қалпын бекіту,фонематикалық есту қабілетін

дамыта отырып,ұсақ моторикасын жетілдіру.

Түзету мақсаты:Дыбыстарды анық айтуға дағдыландыру,сөйлеу

кезіндегі дұрыс тыныс алуын қалыптастыру.

Көрнекілігі: Айна,құты,шар,мысықтың суреті,жалауша,суреттер,

сіріңке қорапшалары,

Сабақ барысы:

I Ұйымдастыру кезеңі.

- Балалармен амандасу.

- Назарларын сабаққа аудару.

- Біз қандаймыз?

- Шұғылалы таңдаймыз,

- Күлімдеген күндейміз.

- Ережені ұмытпай,

- Бәріміз дұрыс сөйлейміз.

ІІ Тыныс алу жаттығулары:

- Мысық далаға серуенге шығады.

- Самал жел соғып тұр.(тілді төменгі ерінге қойып,оның ұшын үрлеу,ауызға алақанды жақындатып «салқын желді» сезу)

- Бір кезде дауыл соғып кетті.(ауызы жіңішке құтыны алып,үрлеп тұрып у-у-у-у дыбысын ұзақ айту)

- Мысық шардың желін шығарды: с-с-с-с-с-с.

- Кел,бәріміз бірге дыбыстайық: с-с-с-с-с-с.

III Жаңа сабақ

«С» дыбысының артикуляциясы:

-еріндер күлгендегідей сәл керіледі;

-тістер қысылған немесе жақындасқан қалыпта болады;

-тіл ұшы төменгі қызыл иекке тіреледі;

-ортасы дөңестеледі;

-бүйір шеттері жоғарғы азуларға,таңдайдың бүйір жақтауларына жабысады.

«С» дыбысына сипаттама:

-дауыссыз дыбыс;

-буында,сөзде,сөз тіркесінде,сөйлемде кездеседі;

-сөздің басында,ортасында,соңында кездеседі;

«Әнші дыбыстар» ойыны.

А,Ә,О,И,С әндетіп айту.

1-тапсырма. «Ойлан тап»

Шарты:Бірнеше сөздер қатары айтылады,сол сөздердің ішінен «с» дыбысы бар сөздерді естігенде балалар қолдарындағы жалаушаларды көтереді.(су,машина,телефон,сағат,сәбіз,шана,доп,сақина,қуыршақ,сегіз,сағыз,сандық,сырға,себет,қала,кітап,дүкен,сабақ,бала,салқын)

2-тапсырма. «Сенде ненің суреті?»

Шарты:Балалар бір-біріне сұрақ қою арқылы қолдарындағы жасырынған суреттер туралы сипаттама береді.

IV Логоритмика

Са-са-са ұшып келді маса

Си-си-си мына шоколад мерси

Су-су-су таза,мөлдір су

Се-се-се әдемі кесе

3-тапсырма. «Орналастырып сипаттау»

Шарты:Берілген суреттерді атап,тақтаға орналастырып, с дыбысына қатысты сипаттама беру.(сөздегі орынын анықтау,буынға бөлу,сөйлем құрау)

4-тапсырма. «Сиқырлы дыбыстар»

Шарты:Суреттер берілген,сол суреттердің атауларын атап,сіріңке қорапшаларынан жасалған дауыссыз және дауысты дыбыстардан сурет атауын құрап шығару.

V.Қорытынды.

Бүгінгі сабаққа жақсы қатыстыңыздар.

Сабақ аяқталды,сау болыңдар!