Ш дыбысын сөзде машықтандыру

Ш дыбысын сөзде машықтандыру

Тақырыбы: Ш дыбысы

Кезеңі: машықтандыру (сөзде)

Білімділік мақсаты: Көмектес ойынын арқылы Ш дыбысын сөзде машықтандыру, дұрыс айтуын дағдыландыру, артикуляциялық қалпын бекіту

Түзетушілік мақсаты: Зерек бол ойныны арқылы фонематикалық есту қабілетін дамыту, логикалық ойлау қабілетін, зейінін дамыту

Тәрбиелік мақсаты: оқушыны адамгершілікке, логопедті тыңдай білуге үйрету

Сабақ барысы:

1. Ұйымдастыру кезеңі:

• Қазір біз Ш дыбысын қайталаймыз. Оны сөзде дұрыс айтып үйренеміз.

• Енді тыңдашы, колонкадан су ағып жатыр, қандай дыбыс шығады?

-ш-ш-ш-ш

- Ал орманда қатты жел соқты, ағаштар тербеле бастады, қандай дыбыс естіледі?

-ш-ш-ш-ш

2.Артикуляциялық жаттығу:

Сағат жаттығуы

• Қарашы, мынау ненің суреті? – Сағаттың

• Сағаттың тілі қалай қозғалады? – Тик-так, тик-так

• Қане енді тілімізді сағат тәрізді жасайықшы, тілімізді оңға, солға қозғалтамыз, бірақ тіліміз ерінге тимеу керек.

Тәтті варенье жаттығуы

• Бала қайнатпа деп отырғанда жоғары ерінге қайнатпа жұғып қалды. Тәтті қайнатпаны бала жалады. Қалай жалады? Логопед жалпақ тілмен жоғары ерінді жалап көрсетеді, оқушы қайталайды. Жаттығу жасағанда ерін мен астыңғы жақтың қозғалмауын қадағалау керек.

Тіс тазалау жаттығуы

• Тіс тазалаған кезде, ауызды кең ашып, тілдің ұшын тістің ішкі жағынан оңнан, солға қозғайды, төменгі жақты қозғалтпау керек, еріндер сәл ашық, тістері көрініп тұрады.

Ат шауып келеді жаттығуы

• Енді қарашы, мынау ненің суреті? –Аттың

• Ол не істеп келе жатыр? –Шауып келе жатыр

• Қане енді осы аттың шабысын салайықшы, атқа мініп шабамыз.

• Тілдің ұщымен таңдайды тақылдатамыз.

2. Дыбыстың артикуляциясын анықтау:

Ш дыбысының артикуляциясы мынадай:

Тілдің ұшы таңдайдың алдыңғы жағына көтеріледі, бірақ таңдайға тимейді: бүйірлері жоғары азуларға тиеді, ерін аздап дөңгеленіп, алға қарай шығыңқы келеді. Тістер не қысылған, не жақындаған кезде арасында 1-2 мм саңылау қалады. Тыныс тілдің арасынан бірқалыпты шығады: алақанды ауызға жақындатқанда, жылы дем сезіледі.

3. Дыбысты сөзде машықтандыру

• Қане, өткен буынды қайталайық

-ша – ша – ша -аш – аш – аш -ша – шо - ша

-шо – шо – шо -ош – ош – ош -шо - ша - шо

-шу – шу - шу -уш – уш – уш -шу -ша – шу

- Енді екуміз Мұқият бол ойыны ойнаймыз. Мен саған Ш дыбысы басында, ортасында, соңында келетін суреттер беремін, ал сен соларды мына 3сандыққа саласың.

1 сандыққа: Ш дыбысы басында

2 сандыққа: ш дыбысы ортасында

3 сандыққы: Ш дыбысы соңында келетін суреттерді саласың.

Сөздер: 1. Шана, шарф, шаңғы, шар, шырша

2. тышқан, алаша, алша, бұршақ

3. ағаш, тоқаш, тоңазытқыш

5. Фонематикалық есту қабілетін дамыту

- Сабағымызды жалғастырамыз

- Енді Зерек бол ойынын ойнаймыз. Мен қазір саған Ш дыбысынан басталатын сөздерді айтамын, ал сен төртбұрышты көтересің, ал Ш дыбысы ортасында келетіе сөздерді айтқанда, дөңгелекті көтересің

- шырша, шалбар, шаңғы, шар

- ұшақ, тышқан, бұршақ, алша

6. Бағалау

Оқушының сабақ барысында тапсырмаларды орындау қабілетіне байланысты бағаланады

7. Үйге тапсырма

Үйде Ш дыбысынан басталатын сөздерді ойлап кел