Сабақ жоспар.Адамзаттың бəрін сүй бауырым деп.

Сабақтың мақсаты:«сүйіспеншілік» ұғымының адамгершілік құндылық ретіндегі мәнін ашу.

Міндеттері:

• Өз махаббаттарынкүллі тіршілікке, болмысқа бағыттай алудың мән-мағынасын түсіндіру;

• Жаныңда жүрген адамдарға деген сүйіспеншіліктерін дамыту;

• Сүйіспеншілікке тәрбиелеу.

Сабақбарысы:

1. Ұйымдастырукезеңi. Тыныштық сәтi.

Су асты патшалығына ойша саяхат. (Оқушылардан шеңбер құрып отыруды, қолдарын тізесіне немесе үстел үстіне қоюды, аяқтарын айқастырмауды өтініңіз. Арқаларын тік ұстауын қадағалаңыз. Жайлы, баяу музыка қойыңыз).

Көзіңізді жұмыңыз және бірнеше рет терең тыныстаңыз; денеіңізді босатыңыз. Бірнеше секундтан соң теңіз түбіне саяхат жасаймыз.

Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан-жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз... бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз.

Ал қазір жоғарыға, өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.

Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.

Ресурстар: (құралдар, мәлiметтер)

2. Үй тапсырмасын тексеру.

Константин Паустовкийдің «Жеделхат» әңгімесін оқып, мазмұнын талқылау.

• Ана жүрегі нені аңсады?

• Настя сияқты адамдарға қандай кеңес берер едіңдер?

• Ана махаббаты шексіз бе?

• Шығарманы оқығанда қандай сезімде болдыңдар?

Сабақ барысын талқылау:

Әңгiмелеу (сұхбат).

Ш.Айтматовтың «Жәмила» повесінен үзіндіні талдау.

Данияр өз махаббатын қалай білдірді?

Даниярдың жан дүниесі қалай сипатталды?

Махаббат адамға ерекше көңіл күй сыйлайды дегенге келісуге бола ма?

3. Дәйек сөз.

Адамның жақсысы-адамға сүйіспеншілікпен қарағандар.

Абай

• Адамдарды жақсы, жаман деп ажыратуға бола ма?

• Адам бойына жақсы қасиеттерді сіңіру үшін не істеу керек?

4. Шығармашылық жұмыс, топтық жұмыс.

«Махаббатсыз дүние бос» тақырыбына ой толғау айту.

5. Топпен ән айту.

Айналайын
Сөзі: М.Шаханов
Әні: Е.Хасанғалиев

6. Үй тапсырмасы.

«Аман болсын адамдар» тақырыбында эссе жазу.

7. Бағалау

Белсенді қатысқан оқушыларды мадақтау.