Мақсаты: Оқушыларға жақсылық жасаудың маңыздылығын түсіндіре отырып, сүйіспеншілік құндылығының мәнін ашу.

Міндеттері:

1. Білімділік: Оқушыларға татулықтың маңыздылығын ұғындыру.

2. Дамытушылық: Оқушылар бойындағы бауырмалдық қасиеттерін дамыту.

3. Тәрбиелік: Оқушыларды айналасындағы адамдарға сүйіспеншілікке, достыққа тәрбиелеу.

Ресурстар:

(материалдар, дереккөздер)

1.bilim-all.kz

2.http://bilimdiler.kz

Сабақтың барысы:

1. Ұйымдастыру кезеңі.
Жағымды көңіл-күйге ену:Орманға ойша серуен.

2. Үйге тапсырманы тексеру.

1. №30 – сабақ. «Халықтар достығы» эмблемасының суретін салу.

2. Келесі сабақ. №31, «Ел аузынан» оқып келу.

Сұрақтар:

1. Адам қалай көзін тек қана жақсылыққа бағыттай алады?
2. Көз тек қана жақсыны көргенде әлемде не болады деп ойлайсыңдар?
3. Көзді жақсыны көруге итермелейтін адамның қандай құндылықтары мен қасиеттерін білесіңдер?
4. Мәтіннен қандай ой түйдіңдер?
5. Сенің көзің әдетте қандай нәрселерді тезірек көреді? Неліктен?
6. Сен дәл қазір қандай жақсылықты, жақсы нәрсені көріп тұрсың?

5Т – ережесі:

1. Тәртіп.

2. Талап.

3. Тыныштық.

4.Тазалық.

5.Татулық.

3. Сабақтың дәйексөзі.

(Оқушыларға үш рет айтқызып, дәптерге жаздырту)

Дүниені түзеткің келсе, әуелі өзің түзел.
Ақселеу Сейдімбек

Сұрақтар:

1. Адам өзін қалай түзей алады?

2. Дәйексөзден қандай ой түйдіңдер?

4. Оқиға айту (Мұғалім сыйы).

Әшекей қыз

О.Әубәкіров

Тақияға күміс қадап он шақты,

Жасырыпты неше түрлі моншақты.

Жинап алып үйдегі бар жүзікті,

Оны-дағы саусағына тізіпті.

Қалайғана көтеріп жүр бір басы,

Құлағында–апасының сырғасы.

Танаменен тұтасыпты омырау,

Үсті-басы толып тұрған қоңырау.

Сұрақтар:

1. Адамның сырт –келбеті жылтырап тұрса оның жан дұниесі де сондай әдемі деп айталамыз ба?

2. Адамның сырт-келбеті мен ішкі дүниесі бірдей үйлесімді түрде дамуы үшін не істеу керек?

3. Адам жан дүниесін рухани байлыққа толтыру үшін не істеу керек?

4. Өздеріңнің үйлесімді дамуыларына байланысты қандай әрекеттер жасап жүрсіндер?

5. Шығармашылық жұмыс, топпен жұмыс.

Оқушылр төрт топқа бөлінеді.

Тапсырма: Суреттерге қараңдар, балалардың іс - әрекеттерін талқылаңдар. Олардың әрекеті дұрыс болуы үшін қандай кеңес берер едіңдер.

6. Топпен ән айту. Әрқашан күн сөнбесiн!
Өлеңін жазған: Лев Ошанин
Әнiн жазған: Александр Островский.

Күн әдемi, көк әлемi,
Бұл – суретi жас баланың.
Ақ қағазға салған iзi,
Қалдырған бұл сөзi:
Қайырмасы:
Әрқашан күн сөнбесiн!
Аспаннан бұлт төнбесiн!
Қасымда болсын мамам,
Болайын мен де аман.

7. Үйге тапсырма.

1. №31 – сабақ. Жақсылық туралы мақал – мәтелдер жазып келу.

2. Келесі сабақ. №32, «Патшаның қызы неге бақытсыз» өсиет әңгімені оқып келу.

8. Сабақтың қорытынды сәті.

Тыныс алуға зейін қою.

Баяу музыка қойылады.

Бүгінгі сабақтан игерген жақсы қасиеттерді есімізге түсіріп, жүрегімізге сақтайық.