Сабақ жоспары

Мақсаты: оқушыларға қайырымдылық, көкжиектері туралы түсінік беру арқылы дұрыс әрекет құндылығының мәнін ашу

Міндеттері:

-оқушыларға қайрымдылық көкжиектері, қайырымдылық жасау қасиеті туралы түсініктерін кеңейту;

-өзіне де,өзгеге де ,айналаға да қамқорлық жасау дағдысын дамыту;

-шын жүректен ,шынайы сезіммен қайрымдылық жасауға тәрбиелеу.

Ресурстар

Сабақ барысы:

1.Ұйымдастыру кезеңі 5 «Т» ережесін еске түсіру

1.Тәртіп

2.Талап

3.Тыныштық

4.Тазалық

5.Татулық

Жағымды күйге келу « Нұрға бөлену»

Ыңғайланып отырыңыздар, денелеріңізді түзу ұстаңыздар.Аяқ-қолыңызды айқастырмаңыз.Қолыңызды тізеңізге немесе үстелге қоюға болады.Көздеріңізді жұмуларыңызды өтінемін. Елестетіп көріңіз: күн нұры сіздің төбеңізден өтіп,кеудеңізге қарай бойлап барады.Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді.Балғын және әсем гүл сіздің әр ойыңызды,әр сезіміңізді,эмоцияыңыз бен тілек-қалауыңызды шайып, жүрегіңіздің қауызын ашты.Нұр сәулесі сіздің бойәыңызға ақырын тарай бастағанын елестетіңіз.Ол біртіндеп күшейе түсуде.Оймен осы нұрды қолдарыңызға түсіріңіз.Сіздің қолдарыңыз нүрға бөленіп, сәуле шашуда.Қолымыз тек жақсы,ізгі істерді істейді және баршаға көмектеседі.Нұр аяқтарыңызға тарады.Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады.Олар нұр мен махаббат құралына айналды.Одан әрі нұр сіздің аузыңызға,тіліңізге тарады.Тіліңіз тек шындықты және жақсы, ізгі сөздер ғана айтады.Нұрды құлақтарыңызға бағыттаңыз.Құлақтарыңыз тек жақсы сөз бен әсем әуенді ғана естиді.Нұр көздерімізге де жетті. Көзіміз тек жақсыға қарап,бәрінен жақсылықты ғана көреді.Сіздің басыңыз түгелдей нұрға бөленіп, басыңызға ізгі, сәулелі ой келеді.

Нұр бірте –бірте шұғылана бастайды.Сіздің денеңізден шығып, жан –жағыңызға сәуле шашады.Осы нұрды туысқандарыңызға,мұғалімдеріңізге, достарыңызға, таныстарыңызға бағыттаңыз.Нұрды уақытша түсініспей,ренжіп жүрген адамдарға да бағыттаңыз,олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға,өсімдіктерге, барлық тірі жанға таралсын...Ғаламның барлық түпкір –түпкіріне нұр бағыттаңыз.Ойша айтыңыз: «Мен нұрлымын... Нұр менің ішімде...Мен нұрмын».

Осындай Нұр, Махаббат және Тыныштық күйінде отыра тұрыңыз...

Енді осы нұрды жүрегіңізге орналастырыңыз.Нұрға толы бүкіл әлем сіздің жүрегіңізде. Оны осындай әсем қалыпта күні бойы сақтаңыз.

Жаймен көзіңізді ашуға болады. Рахмет.

2.Үй тапсырмасын тексеру

№ 9 сабақтағы жазушы Қалқаман Әбдіқадіровтың «Қазығұрттың баурайында» үзіндісі үйге оқып келуге берілген.

1.Күш атасы Қажымұқанның ел аралап сапар шегуінің сыры неде?

2.Қажымұхан Отан қорғау комиссарына не деп хат жазғызды?

3.Ол өзі жасатқан самолеттің ұшқышын қалай қарсы алды?

4.Жауынгер жігітке берілген тапсырмада не туралы айтылды?

5.Қажымұхан қандай тұлғалық қасиеттеріне байланысты соңына өшпес із қалдырды?

6.Қажымұханның бұл қасиеттері қандай құндылықтың көрінісі болып табылады?

Волшебная композиция

Хрустальная грусть

40 –бет.Оқулық.

3.Дәйексөз

Адам ақылды, кішіпейіл,әділ,батыл да қайырымды болы тиіс.Тек сонда ғана оның осынау адам деген мәртебелі атпен аталуға құқы бар.

К.Г. Паустовский

Дәйексөздің мағынасын қалай түсінесіздер

4.Әңгімелесу

Бір шәкірт ұстазымен егін алқабын аралап келе жатады. Кенет жол шетінде жатқан тозығы жеткен аяқ киімге көздері түседі.

Шәкірт ұстазына:

-Шамасы, мынау егінші шаруаның аяқ киімі сияқты. Тығып қойсақ кайтеді? Сосын бір жерге жасырынып, қалай абдырып, сасқалақтағанын қызықтайық дейді.

Сонда ұстазы:

-Кедейлерді әбігерге салуды қызық көріп, олардың есебінен көңіл көтергеніміз адамдыққа жатпайды. Өзіңе бақыт пен шаттық сыйлағың келе ме? Онда оны мазаққа айналдырмай, керісінше аяқ киіміне ақша салып қояйық. Сонан кейін ғана не қызық болатынын тамашалайық,- дейді.

Ұстазының ұсынысы бірден көңіліне қонған шәкірт айтқанын орындайды. Содан соң екеуі жақын тұрған ағаштың артына жасырынып,бақылауды бастайды.

Сәлден соң жүзі әбден тотыққан, жұпыны киімді бір шаруа келеді. Аяғын аяқ киіміне сұққаны сол еді ішіндегі затты сезіп, аяғын дереу қайта суырып алады. Қолын салып еді ақша екен. Екінші сыңарынан да сондай ақша шықты. Ақшаға бір, жан –жағына бір қарап, таң – тамаша болып тұрып қалады. Көз жетер жерде ешкім көрінбейді. Ақшаны қалтасына салды да, жерге тізерлеп отыра кетті.

Жасаураған жүзін аспанға көтеріп дауыстап сөйлей бастады: « Я, Раббым! Сен менің хәлімді өзімнен артық білушісің.Әйелімнің ауру екенін, балаларымның аш-жалаңаш екенінен хабардарсың.Бәрімізді басқа түскен нәубеттен құтқардың. Шүкір, шүкір...» . Осылайша ұзақ уақыт жасын төгіп, жаратушысына шүкірлік білдіріп, алғыс айтады.

Манадан бері көз жазбай қарап отырған шәкірт қос жанары жасқа толып, қатты әсерге бөленеді. Шәкіртінің бойындағы өзгерісті байқап отырған ұстазы:

• Қазір бұрынғы хәліңнен бақытты екеніңді сезіп отырған сияқтысың. Алғашқы ойыңды іске асырғанда қандай күйде болар едің? –дейді.

Шәкірті:

• Иә, ұстаз! Өмір бойы ұмытпастай дәріс алдым. Сізге алғасым шексіз! « Берген кездегі қуаныш алған кездегі қуаныштан көп артық болады» деген сөздің мағынасын енді түсіндім –деп жауап береді.

1. Шәкірт ұстазымен бірге нені байқады?

2. Шәкірті ұстазына не айтты?

3. Ұстазы шәкіртіне қандай ақыл –кеңес берді?

4. Аяқ киім иесі тосыннан келген сыйды көргенде қандай сезімде болды?

5. Ұстаз тозығы жеткен аяқ киім иесіне қандай қамқорлық жасады?

6. Кейіпкерлердің бойындағы қайырымдылық жасау қандай құндылықтың көрінісі?

7. Ұсатзы шәкіртінің бойындағы қандай қасиеттерінің ашылуына себепші болды?

8. Өзгелерге көмек қолдарыңды соза білгенде өздерің қандай сезімде болдыңдар?

Ел аузынан

Фейсбук

5.Шығармашылық жұмыс. Жеке жұмыс.

Тапсырма: Оқушылар төмендегі сөйлемді өз ойларыңмен жалғастырыңдар.

Жақсы адам ол........

Орындап болған соң, ойларын әңгімелеп береді.

6.Топпен ән айту

Өлеңі: С.Қалиев

Әні: Қ.Маханов

Мейрірімді болайықшы ағайын.

Көктем етіп көркейтсе де маңайын,

Көріп жүрміз өкпешілдің талайын,

Өшігуді қояйықшы өзгеге,

Кешірімді болайықшы, ағайын!

Көк нөсерін көл етсе де жауындар.

Көк пен жерді сел етсе де дауылдар,

Пейілдерді пенделікпен тарылтпай,

Мейірімді болайықшы, бауырлар

Болашаққа қол ұстасып барайық,

Ақиқаттың ауылын іздеп табайық,

Кішірейіп кетпесе ғазиз басымыз,

Кішіпейіл болайықшы, халайық!

7.Үй тапсырмасы

Қыдырбек Ырысбековтың « Достықтың алтын жүлдесі». Мәтінді оқып келу

Үй тапсырмасы бойынша дәптермен жұмыс.

Оқулық 4 бет

8.Сабақтың соңы

Қорытындылау

Бүгінгі сабақта ашылған жақсы қасиеттерді есімізге түсіріп, жүрегімізге сақтайық.