Қысқа мерзімді сабақ жоспары:

Пәні: Қазақстан тарихы

Сыныбы: 7- сынып

Сабақтың тақырыбы: 1836-1838 жылдардағы Бөкей

Ордасындағы қазақтардың көтерілісі

Сабақтың ұзақтығы: 45 минут

Сабақтың мақсаты:

1. 1836-1838 жылдардағы Бөкей Ордасындағы көтерілістің себептері, барысы және нәтижелері туралы білім беру.

2. Исатай Тайманұлы мен Махамбет Өтемісұлының көтерілістегі рөлін талдау.

3. Қазақ халқының отаршылдыққа қарсы күресінің маңызын түсіндіру және оқушылардың тарихи оқиғаларға сыни көзқарасын қалыптастыру.

Сабақтың міндеттері

• Көтерілістің басты себептері мен қозғаушы күштерін анықтайды.

• Исатай мен Махамбеттің тұлғалық және батырлық қасиеттерін сипаттайды.

• Тарихи оқиғалардың маңыздылығына баға береді.

Оқыту нәтижелері

• Көтерілістің себептері мен салдарын түсінеді.

• Көтерілістің негізгі оқиғаларын хронологиямен сипаттайды.

• Қазақ қоғамының отаршылдық саясатқа қарсы күресін бағалайды.

Бағалау критерийлері

• Көтерілістің себептері мен салдарын анықтай алады.

• Исатай мен Махамбеттің рөлін сипаттайды.

• Көтерілістің тарихи маңызын түсіндіреді.

Сабақтың барысы

1. Ұйымдастыру кезеңі (5 мин )

1. Сәлемдесу, оқушылардың қатысуын тексеру.

2. Сабақтың тақырыбы мен мақсатын таныстыру.

2. Қызығушылықты ояту (5 мин )

• Ой қозғау: «И.Тайманұлы мен М.Өтемісұлы есімдері сіздерге қандай оқиғаларды еске түсіреді?»

• Картадан Бөкей Ордасының орналасуын және көтеріліс аймағын көрсету.

3. Негізгі бөлім (25 мин )

• Мазмұндық түсіндіру (10 мин )

• Көтерілістің себептері

• Жер мәселесі және патша үкіметінің отаршылдық саясаты.

• Қазақ шаруаларының сұлтандар мен билеуші топтарға наразылығы.

• Жәңгір ханның жерді жалға беру саясаты.

Көтерілістің барысы:

• 1836 жылы И.Тайманұлының Жәңгір ханға қарсы күресті бастауы.

• 1837 жылы Тастөбе шайқасы.

• 1838 жылы Исатайдың қазасы және көтерілістің аяқталуы.

Нәтижелері:

• Көтерілістің сәтсіздігі, бірақ отаршылдық саясатқа қарсы күрестің жалғасуы.

2. Топтық жұмыс (15 мин )

Топтарға тапсырма:

• 1-топ « Көтерілістің себептері мен қозғаушы күштері.»

• 2-топ «Исатай мен Махамбеттің тарихи рөлі».

• 3- топ «Көтерілістің тарихи маңызы мен салдары.»

Тапсырма форматы: Постер дайындау немесе кесте толтыру.

Әр топ өз жұмысын қорғап,қысқаша қорытынды жасайды.

4. Қорытынды (10 мин )

1. Бекіту сұрақтары

• Көтерілістің басты себептері қандай болды?

• Исатай мен Махамбеттің көтерілістегі рөлі қандай?

• Көтеріліс қазақ халқының тарихында қандай рөл атқарды?

2. Рефлексия:

• Сабақтан алған әсерлеріңіз қандай?

• Қандай ақпарат маңызды болды?

Үй тапсырмасы

1. Оқулықтан көтеріліс туралы бөлімді оқып,хронологиялық кесте жасау.

2. «Исатай Тайманұлы мен Махамбет Өтемісұлы- азаттық күрес батырлары» тақырыбында эссе жазу.

3. Махамбет Өтемісұлының өлеңдерін оқу.

Қолданылатын ресурстар

• Қазақстан картасы( Бөкей Ордасы аймағы)

• Презентация, бейнематериалдар (қажет болса)

• Оқулық пен қосымша әдебиеттер.