Сабақ жоспары Әлібек - әдепті бала 3 сынып

Пән: Қазақ тілі

Ұзақ мерзімді жоспар бөлімі:

2-бөлімЖақсыдан үйрен, жаманнан жирен

Сынып: 3

Мектеп:

Мұғалімнің аты-жөні:

Қатысқандар саны:

Қатыспағандар саны:

Сабақ тақырыбы

Әлібек – әдепті бала

Осы сабақта қол

жеткізілетін

оқу

мақсаттары

3.​1.​3.​1 тыңдаған материалдың (ұзақтығы 1,5-2 мин) мазмұны бойынша сұрақтарға жауап беру және сюжеттің даму желісі бойынша иллюстрациялар орналастыру/кесте толтыру/мазмұндау

3.​4.​5.​1 жаңа сөздерді орфографиялық сөздіктерге сүйеніп дұрыс жазу

Сабақ мақсаттары

Оқушылардың барлығы:

Тыңдаған материалдың мазмұнын түсінеді, жаңа сөздерді сөздіктерге сүйеніп дұрыс жазады.

Оқушылардың көпшілігі:

Тыңдаған материалдың мазмұны бойынша сұрақтарға жауап береді, сюжеттің даму желісі бойынша кесте толтырады.

Оқушылардың кейбірі:

Тыңдаған мәтінді мазмұндайды, тақырыпқа қатысты өз пікірін білдіреді.

Бағалау критерийлері

- тыңдаған материалдың мазмұны бойынша сұрақтарға жауап береді;

- тыңдаған мәтінді сюжеттің даму желісі бойынша мазмұндайды;

- жаңа сөздерді сөздіктерге сүйеніп дұрыс жазады.

Тілдік ақсат

Әдепті/әдепсіз, мінез.

Септік жалғаулары

Әлібек пен Марат кино (-ге, -қа, -ға) барды.

Құндылықтарды дарыту

Әдептілікке, үлкендерді сыйлауға баулу.

Пәнаралық байланыстар

Өзін-өзі тану

АКТ қолдану дағдылары

Power Point таныстырылымы

Бастапқы білім

ІІ бөлім. «Жаман» деген немене? № 2

Сабақтың барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

(5 мин)

Ертеңгілік шеңбер. «Жүректен-жүрекке»

Психологиялық жағымды ахуал қалыптастыру: Мақсаты: жылылық, сенімділік деңгейін, сыйластықты дамыту.

Оқушылар шеңбер болып тұрады. Бастапқы қатысушы жанындағы көршісіне жүректің моделін беріп, жақсы тілек айтады, солай жалғаса береді: мейірімді бол, ақылды бол, ұқыпты бол, батыл бол, т.б.

(Ұ) Үй тaпcырмcы «Бәйге» ойыны aрқылы тексеріледі.

Әр ұпаймен белгіленген ұяшықтарды таңдап, сұрақтарға жауап береді.

Сабақтың

ортасы

(Ұ, МК) Жаңа сөздерді меңгерту: Әдепті/әдепсіз, мінез.

1. Осы сөздердің мағыналарын синонимдері арқылы түсіндіру.

Әдепті – инабатты, әдепсіз – тәртіпсіз, мінез – құлық.

2. Дұрыс айтуға дағдыландыру:

- мұғалім сөздерді мәнерлеп оқиды;

- оқушылар мұғалімнен кейін сөздерді қайталайды, дауыстап оқиды, тізбекпен оқиды;

3. Жаңа сөздерден сөз тіркестерін құрастырады:

Анама көмектесемін, ыдысты сындырып алды, сынған ыдыс

4. Сөйлемдер құрастыру.

Бүгін мен анама көмектесемін. Әли ыдысты сындырып алды. Ол сынған ыдысты жинады.

5. Жаңа сөздерді орфографиялық сөздіктерге сүйеніп дұрыс жазады.

Тыңдалым алды тапсырмасы. Оқушылар түстер арқылы 3 топқа бөлінеді.

(Т) «Әдепті» деген сөзді топтастырады.

Топтар бір-бірін «Бас бармақ» әдісі арқылы бағалайды, өз ой-пікірлерімен толықтырады.

Кері байланыс:

Тапсырманы орындауда не қиын болды?

Тыңдалым кезіндегі тапсырма.

(Ұ) Оқушылар тақырыпқа қатысты аудио материалды 2 рет тыңдайды, таныс емес сөздерге түсініктеме беріледі: (жарлы адам, басын иіп сәлем беру, сәлемдесу, үйренбеген, лайық/лайық емес)

«Әдептілік»
Бір күні ғалым мен бай сөйлесіп тұрады. Қастарынан бір жарлы адам өтіп бара жатып, ғалымға басын иіп сәлем береді. 
Ғалым басын одан да төмен иіп сәлемдеседі. 

Қасындағы бай: 
- Тақсыр, біліміңіз бар ғалымсыз. Жарлы адамға соншалық иіліп сәлемдесуіңіздің мәні қалай? - деп сұрайды. 

Сонда ғалым: 
Ешбір ғылым - білім үйренбеген ол кісі әдептілік көрсеткенде, мен одан әдепсіз болып көрінсем, лайық па? - деген екен. 

Ы. Алтынсарин 

(Т)Мәтін бойынша «Жуан және жіңішке сұрақтар» әдісі арқылы деңгейлеріне қарай сұрақтарға жауап береді

Оқушылар бір-бірін смайликтер арқылы бағалайды.

Тыңдалымнан кейінгі тапсырма.

(Ж)Оқушылар тыңдаған материалды естеріне түсіріп,

«Шын-Жалған» атты кестені толтырады.

Дескриптор:

• Ақпараттың шын/жалған екенін ажырата алады.

• Өз пікірін дәлелдей алады.

Кері байланыс:Не қиын болды?», «Не жеңіл болды?»

Сергіту сәті.

Қолды алға созайық,

Қайшы кескен болайық.

Бір, екі, үш, төрт,

Бір, екі, үш, төрт.

Енді еркін тыныстап

Демалайық дұрыстап.

Бір, екі, үш, төрт,

Бір, екі, үш, төрт.

(Т) 2-3 тапсырма. Мәтінмен жұмыс. Оқушылар мәтінді оқиды.

Әлібек пен Марат киноға барады. Үйлеріне автобуспен қайтты. Келесі аялдамадан автобусқа әжей мінді. Марат орын бермеді. Әлібек орнынан тұрып:

- Әже, мына жерге отырыңыз! – деді.

Әжей Әлібекке:

- Өркенің өссің, балам! Әдепті бала екенсің! – деп, алғыс айтты.

«Əріптестер» әдісі. Əр оқушыға не жауабы бар, не сұрағы бар қағаз беріледі. Оқушылар сынып ішінде жүріп, сəйкес келетін сұрақ пен жауапты іздейді. Күрделілік деңгейін арттыру үшін, оқушылар үндемей орындайды, жұптасып өз нұсқаларын айтады.

Сұрақтары:

1. Әлібек пен Марат қайда барды?

2. Автобусқа кім мінді?

3. Марат не істеді?

4. Әлібек не істеді?

5. Әжей не деді?

Кері байланыс:Тапсырманы орындау қиын болды ма?

Не қиын болды?

(Ө) Грамматикалық қоржын. Тиісті қосымшаларды жалғап жазады, дәптерлерін мұғалімге тапсырады.

Әлібек пен Марат кино (-ге, қа, -ға) барды. Олар автобус (-мен, -бен, пен) қайтты. Аялдама (-тен, -дан, -нан) әжей мінді. Әлібек әжей (-ға, -ке, -ге) орын берді.

(Т) 6-тапсырма. «Ойлан, бірік, бөліс» әдісі.

Топ ішінде бірігіп талқылауға және бір шешімге келуге жағдаят беріледі. Әр топ өз ұсынысын айтады.

Жағдаят: Көшеде ауыр сөмкесі бар әжей кетіп бара жатыр. Оны бір бала қағып кетті де әжейдің сөмкесіндегі заттары шашылып қалды. Сен не істейсің? Балаға не дейсің?

«Бас бармақ» әдісі арқылы топтар бір-бірін бағалайды, бірнеше оқушының комментарийі тыңдалады.

Орфографиялық сөздік

http://emle.kz/uploads/files/7897c672483778e6da555373be5d1099.pdf

Адами құндылықтар

https://www.youtube.com/watch?v=cde5ttk0xGE

Үлкенге құрмет, кішіге ізет

https://www.youtube.com/watch?v=8ElSMik2Q_U

Үлгілі оқиға.

https://www.youtube.com/watch?v=ErlFl1PoGuw

Сабақтың соңы

Рефлексия:

«Чемодандар»

Тақтаға чемоданның суреті ілінеді. Әр оқушыдан кезекпен өзімен бірге бүгінгі сабақтан қандай білім, білік, дағдыны алып кеткісі келетінін айтуларын сұрайды. Бұл сабақты қорытындылауға жақсы көмектеседі.

Үй жұмысы:

44 бет, № 5-тапсырма. Жазбаша.