Оқу сабағының жоспары

__№1. Атомның құрамы мен құрылысы___

(сабақтың тақырыбы)

Модуль /пән атауы ___Химия____________________________     

Педагог __Жүсіп Жанар Әбдіғалымқызы___________________ дайындады

20_ жылғы "___" ____________

1. Жалпы мәліметтер

Курс, топ: _1 курс, _________________

Сабақтың түр: Жаңа білімді меңгеру сабағы

2. Мақсаты, міндеттері: Атом құрылысы жайындағы заманауи көзқарастардың және зат пен атом бөлшектерінің маңызды сипаттамасын біліп, табиғаттағы радиоактивтіліктің және радиоактивті изотоптардың ыдрауының себебін түсіндіру. Ядролық реакциялар жағдайларын білу.

3. Күтілетін нәтижелер:

• Атом құрылысы жайындағы заманауи көзқарастардың негізгі ережелерін атайды;

• Протондардың, нейтрондардың, электрондардың, нуклондардың және нуклидтердің физикалық мағынасын түсінеді;

• Изотоптар, изотондар туралы түсініктерді ашады.

• Радиоактивтіліктің табиғатын және изотоптардың ыдырау себебін анықтайды;

• Табиғи изотоптардың тұрақтылығын түсінеді;

• α-сәулелер, β-сәулелер, рентген-сәулелерді ажыратады;

• Заттардың радиоактивті ыдырау түрлерін атайды.

4. Қажетті ресурстар:

1. М.Қ.Оспанова, Қ.С.Аухадиева, Т.Г.Белоусова; Химия, 10-сынып (ЖМБ),

§1, §2, §3, §4, §5

2. А.Е.Темірболатова, Н.Н.Нұрахметов, Р. Н. Жұмаділова,С. К. Алимжанова; Химия: 10-сыныпқа арналған оқулық. Алматы: Мектеп, 2015ж.;

3. https://www.okulyk.kz/wp-content/books/705/705.pdf

5. Сабақтың барысы

5.1. Ұйымдастыру кезеңі:

Сәлемдесу, топ басшысының мәлімдемесі бойынша білім алушыларды түгендеу, сабаққа назар қою.

5.2. Білім алушылардың біліктілігі мен дағдысын тексеру:

Химия пәні бойынша өтілген тақырыптарға шолу

Миға шабуыл әдісі:

1. Химия пәні нені оқытады?

2. Химиялық заттар қалай жіктеледі?

3. Химиялық теңдеулер дегеніміз не?

4. Химиялық реакциялардың негізгі типтері?

5. Периодтық кестеге сипаттама беріңдер?

5.3. Жаңа тақырыптың мазмұны мен жүйесі:

«Атомның құрамы мен құрылысы»

Атом ядросындағы протон және нейтрондарды бір атпен нуклондар деп атайды, олар ядролық бөлшектер. Массалық сан – сол элементтің атомының ядросындағы нуклондардың жалпы санын көрсетеді, мысалы натрий атомының массалық саны 23 ке тең, демек натрий атомының ядросында 23 нуклон (яғни протон мен нейтрон бар) Жалпы алғанда атомды электробейтарап бөлшек деп білеміз, яғни атомның электрондық қабатындағы электрондар саны протондар санына тең. Сонымен, атом ядросы – өзара ядролық күштер арқылы байланысқан нуклондардан тұратын оң зарядты күрделі бөлшек деген қорытынды шығаруға болады.

1. тапсырма: “Түртіп алу” әдісі

Оқулықтан тақырыпты оқып, керек мәліметтерді жазып алу.

2-тапсырма: “Көршіңмен талқыла” әдісі. Жұптық жұмыс.

Элементарлық бөлшектер сипаттамасы бойынша тапсырманы орындап, кестені толтырады.

3-тапсырма: Жеке жұмыс.

Мына берілген элемент атомдарының нуклондарын анықтаңдар:

Si, P,Ca, Fe, Cr, Cu, Br

5.4. Жаңа материалды бекіту, біліктілік пен дағдыны қалыптастыру:

4-тапсырма

Периодтық кестеден бір элементті таңдап, атом құрамын сипаттаңдар

5.5. Cабақтың қорытындысы

6. Сабақ бойынша рефлексия

«Екі жұлдыз бір тілек» әдісі бойынша

7. Бағалау

Оқу мақсатын талдай отырып, білім алушыларды бағалау

8. Үй тапсырмасы:

1. “Атом құрылысы мен құрамы” тақырыбын оқу;

2. Тапсырмалар мен өзіндік жұмыстарды орындау;