Сабақ жоспары Инклюзивті білім беру 4 сынып

Сабақтың тақырыбы: «Мамандықтың бәрі жақсы»

Сабақтың мақсаты:

1.     Түзете-білімділігі: Балаларға мамандықтар туралы түсінік беру. Әр түрлі мамандықтармен таныстыру.

2.     Түзете-дамытушылығы: Балалардың тілдерін дамытып, ой-өрісін кеңейту, сөздік қорын молайту.

3.     Түзете-тәрбиелігі: Балаларды мамандыққа деген сүйіспеншіліктерін арттыру. 

Әдіс-тәсілдер: информациялық-рецепиялық әдіс

Көрнекіліктер: суреттер

Сабақтың барысы:

І. Ұйымдастыру кезеңі

1) Баланы психологиялық жағынан сабаққа дайындау

2) Баланың ынтасын, іскерлігін арттыру

ІІ. Өткен сабақты пысықтау

«Құстар қалай ұшады?» ойыны

Бала құстардың дауысын келтіріп, қимыл-қозғалыстар жасайды.

Қарға ұшар қарқылдап,

Торғай ұшар шырылдап,

Көгершін ұшар гуілдеп,

Қарлығаш шықшықтайды.

ІІ. Жаңа сабақ

Суреттер бойынша әңгімелесу.

- Мамандықтарға дәрігер, мұғалім, жүргізуші, аспазшы жатады.

Дәрігер – адамдарды емдейді, дәрі береді. Ал, мұғалім сабақ оқытады.

Аспазшы болса бізге тәтті-тәтті тағамдар пісіреді екен.

Тігінші көйлек тігеді.

Сондықтан бізге барлық мамандықтар қажет.

- Сенің әкең қайда істейді?

- Жүргізуші

- Суреттен жүргізушіні көрсетші.

- Ал Әйгерімнің анасы қайда істейді екен?

- Тігінші

- Тігінші не тігеді?

- Көйлек

Жұмбақ шешу:

Ішті де,

Тісті де емдейтін

Ақ халатты

Абзал жандар кімдер?                            

- Дәрігерлер

- Мынау кім?

- Дәрігер

- Дәрігерлердің киімінің түсі қандай?

- Ақ

- Дәрігерлер кімдерді емдейді?

- Адамдарды

«Менің мамам – дәрігер» өлеңін жаттау

Тіс ауырса, іш ауырса,

Мамам дәрі береді.

Барлық ана, барлық бала,

Оны жақсы көреді.

ІҮ. Сергіту сәті:

Ұшқыш болып ұшайық,

Тігіншіге ұқсайық

Дөңгелене би билеп,

Бишіге біз ұқсайық!

Ү. Бекіту:

Дидактикалық ойын: «Құралдардың иісі кім?»

Мақсаты: Балалардың ойлау қабілетін дамыту.

Әр түрлі мамандық бірнеше құралдардың атын және оның иесі кім екенін допты беру арқылы балалардан сұрау

ҮІ. «Біз не білдік?»

Мамандықтар әртүрлі болады – дәрігер, аспазшы, сатушы.

Мамандықтың бәрі жақсы!

ҮІІ. Бағалау 

Балаларды жеке-жеке мадақтау