Сабақ жоспары "Күн тәртібі" 1 сынып

Пән:дүниетану

Ұзақ мерзімді жоспар бөлімі:

Мектеп: Торғай орта мектебі

Күні:

Мұғалімнің аты-жөні: Молдагулова Б.К.

Сынып: 1сынып

Қатысқандар саны:

Қатыспағандар саны:

Сабақ тақырыбы

Күн тәртібі

Осы сабақта қол жеткізілетін оқу мақсаттары (оқу бағдарламасына сілтеме)

1.1.2.4 күн тәртібін сақтау маңызын түсіндіру және күн тәртібін құру

Сабақ мақсаттары

Барлық оқушылар:күн тәртібін сақтаудың

маңыздылығын түсінеді

Көптеген оқушылар:өз жеке күн тәртібін

құрады

Кейбір оқушылар:өз жеке күн тәртібін

әңгімелеп береді

Бағалау критерийлері

Қалыптастырушы бағалау рефлексия

Тілдік мақсаттар

Күн тәртібі-режим дня.

Тәулік-сутки

Құндылықтарды дарыту

Күн тәртібін сақтау және күн тәртібін құру

Пәнаралық байланыстар

Жаратылыстану , математика

АКТ қолдану дағдылары

Тақырыпқа байланысты сюжетті суреттер

Бастапқы білім

-Күн тәртібі туралы не білесіңдер?

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

Психологиялық ахуал: Оқушылар орындарынан тұрып, «Қайырлы таң, қайырлы күн, қайырлы кеш»деген сөздер арқылы бір-біріне жылы сөздерін білдіреді.

Сабақты тосын сыйдан бастау. Алдын ала дайындалған қораптың ішіне сағатты салып, «құпиясы» бар қорапты көрсетіп, ішінде не бар екенін сұрау. Оқушылар оны жұмбақтың көмегімен табады. «Уақытты өлшеп, санап, таппайды бір тағат» Бұл не?1-2 оқушыға қораптағы сағаттың тықылын тыңдату. «Тық-тық етеді, уақытты анықтап береді» деп әуенін хормен айтқызу. Оқушылар қорапта не бар екенін тапқаннан кейін сағатты көрсетіп, сағаттың не үшін керек екенін сұрау.

Әңгіме құрастыр.

Балалар, сағат не үшін керек? Оқушылардың жауабын толық тыңдау.

Барлық іске үлгеру үшін уақытты бағалай білу керек және уақыт құпиясын түсіну маңызды екенін айту. Тақтаға «Күн» сөзін іліп қойып, «Т», «Ә», «Р», «Т», «І», «Б», «І» әріптері шашылып ілінеді. Оқушылар хормен оқиды. Күн тәртібі туралы сұралады. Оқулықтың 12 бетіндегі мәтінді оқу. Оқушылар оқулықтың «Әңгіме құра» тапсырмасындағы суретке қарап, Асланның күн тәртібі туралы әңгімелеп береді. Оқушылардың қайсысы күн тәртібін сақтайтынын және күн тәртібі не үшін керек екенін өз сөздерімен әңгімелейді.

Сабақтың мақсаты айтылады.

Ойын: «Күн мен түн»: «Күн»десе тұрады,

«Түн» десе ұйықтайды.

Сағат,қобдиша

Әріптер

Сабақтың ортасы

Тақырыпқа байланысты сюжетті суреттер арқылы оқушылардың ойын анықтау үшін топпен жұмыс ұйымдастыру. Тапсырманы орындау барысында оқушылар дөңгелектің ішіне «келісемін» немесе «келіспеймін»деген белгілермен белгілейді. Келіссе дөңгелектің ішін қызыл қарындашпен бояйды, келіспесе көк қарындашпен бояйды.

Сергіту сәті: Оқушылар қимыл жасау арқылы хормен айтады.

Сағаттың тіліндей

Иіліп оңға бір.

Сағаттың тіліндей

Иіліп солға бір.

Оң аяқ,сол аяқ

Жаттығу оңай-ақ.

Кеңес бер. Оқулықтағы «Кеңес бер» тапсырмасының суретін қарау ұсынылады. Сұрақтар оқылады. Осындай жағдай кімнің басынан өткені сұралады. Оқушылар жұпта балаларға осындай жағдайға тап болмас үшін қалай көмектесу керектігі туралы кеңес ойлап табады.

Оқулық суреті

Сабақтың соңы

-Бүгін біз сабақта нені үйрендік?

-Күн тәртібін дұрыс құра аламыз ба?

- Сабақ ұнады ма? Егер сабақ ұнаса бір-бірімізге қарап күлімдейміз, ал ұнамаса басымызды төмен түсіреміз.