2 -сабақ «Менің есімім»

Мақсаты: Балалардың өзін таныстыруға, дұрыс сәлемдесуге, басқаларды тыңдай білуге үйрету. Сәлемдесу арқылы, балалардың бір-біріне деген жылы сезім мен жақсы қарым-қатынасын қалыптастыру.

Ш аттық шеңбері. Сәлемдесу.

Арайлап таң атты,

Алтын сәуле таратты.

Жарқырайды күніміз,

Жайнай түсті даламыз.

Қайырлы таң, Дария !

Қайырлы таң, Елдар!

Қайырлы таң, Темірлан!

Қайырлы таң, Санжар !

Қайырлы таң, Томирис!

Қайырлы таң, Анель!

Қайырлы таң, Шыңғыс !

Қайырлы таң, Нұрдәулет!

Қайырлы таң балалар!

(Осылайша шеңберде тұрған балалардың атын атап амандасып шығу).

Салеметсіңдер ме балалар! Сендерді көргеніме өте қуаныштымын!

-Балалар, біз өткен сабақта, сендердің есімдерің қандай мағынаны білдіретіні жөнінде әңгімелескенбіз. Ал бүгін, сендерді ата-аналарың еркелетіп қалай атайтыны жөнінде әңгімелесейікші.

- Мені анам еркелетіп «күнім» - дейді.

- Ал, мені әкем еркелетіп «ботам» - дейді.

- Мені әжем еркелетіп «шырағым» - дейді.

- Ал, мені атам еркелетіп «қолғанатым» - дейді.

Ойын «Есімімді ата» (Доппен ойнау)

Мақсаты: Балалардың тілектестік қарым-қатынасын дамыту.

Ойынның барысы:Мен допты лақтырып, баланың есімін толық атаймын, қағып алған бала есімін қысқартып айтады.Сосын керсінше ойнау.

Ойын «Кім жоқ? »

Мақсаты: Балалардың есте сақтау қабілетін дамыту.

Ойынның барысы:Балалар шеңберге тұрады. Әр бала өзінің жанындағы баланы есінде сақтап қалуы керек. Балалардың барлығы көздерін жұмып тұрады. Осы уақытта жүргізуші бір баланы иығынан түртеді, ол дыбыссыз бөлмеден шығып кетеді. Жүргізуші белгі бергенде барлығы көздерін ашып, кім жоқ екенін тауып алуы керек.

Сурет «Өз бейнеңді сал».

Психолог: балаларға жиегі көк түсті қағаз «айна» таратып беріп, оған өз бейнелерін салып берулерін ұсынады:

- Балалар мына жиегі көк түсті « айнаға», өздеріңнің қандай болғыларың келетінін, көз алдарыңа елестетіп салып беріңдер. (Педагог баланың жұмысына араласпай, бақылап отырады)

Релаксация

• Ал енді, балалар кілем үстіне ыңғайланып жайғасыңдар да, көздеріңді жұмып айналамызда, ішкі дүниемізде не болып жатқанын тыңдап көріңдер.

Әр қайсың өз есімдеріңді дауыстап атап, оның қандай әдемі естілетінін, әрі өздеріңе қалай тамаша жарасатынын сезініп көріңдер!

Дөңгеленіп тұрайық,

Шеңберді біз құрайық.

Кездескенше күн жақсы,

Сау-саламат болайық-деп жаттығу соңында балалар бір-біріне жақсы тілектер айтып қоштасады.