Сабақ жоспары "Менің Қазақстаным" 5 сынып

Сабақтың тақырыбы: Менің Отаным – Қазақстан.

Сабақтың мақсаты: 1. Қазақстан туралы алған білімдерін жинақтау, бекіту.

2. Оқушылардың сөздік қорын молайту, тілдерін дамыту.

3. Отанды, туған жерді құрметтей, сүйе білуге тәрбиелеу.

Сабақтың көрнекілігі: компьютер, интерактивті тақта, Қазақстан, Астана туралы суреттер, т.б.

Сабақтың типі: білімді жүйелеу және бекіту сабағы.

Сабақтың түрі: қорытындылау сабағы.

Сабақтың әдісі: көрнекілік, сұрақ-жауап, интерактивті, практикалық, мақтау-мадақтау, т.б.

Сабақтың формасы: жеке, жұппен, топпен жұмыс.

Сабақтың барысы:

Ұйымдастыру кезеңі:

а/ оқушылармен амандасу;

ә/ сабақтың мақсат, міндеттерімен таныстыру:

Білуіміз керек:

1. Қазақстан туралы:

* жері;

* облыстарының құрылу тарихы;

* кен байлықтары;

* мемлекеттік мерекелері;

* мемлекеттік нышандары;

* астанасы.

2. Сан есім туралы:

* ережесі;

* сұрақтары;

* құрамына қарай бөлінуі;

* тұлғасына қарай бөлінуі;

* мағыналық түрлері.

Іске асыруымыз керек:

1. Қазақстан Республикасына шолу жасау.

2. Сан есім туралы қайталау.

3. Тапсырмалар орындау.

4. Тест жұмысын жасау.

Сабақта:

Қазақстан Республикасына шолу жасау: /слайдтар арқылы/

1. Қазақстан жері /1 оқушы Қазақстан жері туралы айтады/.

2. Қазақстан облыстарының құрылу тарыхы /1 оқушы айтады/.

3. Қазақстанның кен байлықтары /1 оқушы айтады/.

4. Қазақстанның мемлекеттік мерекелері /оқушылар айтады/.

5. Қазақстан Республикасының мемлекеттік нышандары:

   • гимн тыңдау;

   • елтаңба туралы сұрау;

   • ту туралы білімдерін тексеру.

6. Астана қаласы /слайдтар арқылы Астана қаласы туралы көрсетіледі, бір оқушы Астана қаласы туралы тақпақ айтады/.

Астана

Сарыарқаның төсінде,

Төне түсіп Есілге:

Бой көтеріп Астана

Ілесті өмір көшіне.

Тауып тыңнан текті жол,

Сағат сайын өсті ол:

Әлемді жалт қаратып,

Шуақ нұрын төкті мол...

Ел тілегі бұрынғы,

Астана боп тірілді:

Көне Отырар, Сауранның

Көзіндей ол бүгінгі...

Тасқа қашап текті өлең,

Арпалысқан өртпенен:

Күлтегіннің астана-

Ақ арманы көксеген.

Еркін елдің қызыры,

Қызығы да: қыз, ұлы!

Гүл жайнаған Астана-

Тәуелсіздік тұғыры!

Тұғырлы ел – ғұмырлы!

7. Қазақстан Республикасының президенті.

/Оқушылардан көрсетілген слайдтар бойынша сұрау, бекіту/.

Сан есім туралы қайталау /кесте арқылы/

Жаттығу жұмыстары:

1. Қазақстан туралы мәтінмен жұмыс:

• мәтінді тыңдау;

• 3 топ 3 азат жолды аудару;

• оқу, аудару.

2. І топ – мәтін бойынша диалог құрастыру;

ІІ топ – мәтіндегі сан есімдерді сөзбен жазу;

ІІІ топ – мәтін бойынша класстер құрастыру.

Бекіту: өткен тақырыптар бойынша тест жұмысын орындау.

Үйге тапсырма: Қазақстан, туған жер туралы бір тақпақ жаттау, сан есімнің ережесін қайталау.

Бағалау.

Өзіңдікі – Туың да,

От пен ауа, суың да.

Жаса, Қазақстаным

Белді бекем буын да! – деген өлең жолдарымен сабақты аяқтау.