Тақырыбы: Сөз бен дыбыс.

Мақсаты: сөз бен дыбыстың бір-бірімен тығыз байланысын түсіндіру.

Міндеті: әр орындалған әннің сөзіне, мазмұнына үлкен мән бере білуге баулу. Баланы адамгершілікке, әсемдікке тәрбиелеу.

Өткен сабақта тембр, дыбыс бояуы деген ұғымдармен таныстық. Олар бір-біріне ұқсамайтынына көз жеткіздік. Музыка әлемінде тек музыкалық Дыбыстар бар. Ал біз орындап жүрген әннің сөз мәтіні болмаса, осы әндердің не туралы екенін білер ме едік? «Ботақан» әні — ән үйрену бейнелігі мол шығарма. Квинта интервалынан аспайтын дауыс диапазоны бар.

Сурет болмаса әннің жағдайы не болар еді, ал сөзі болмаса әннің мазмұнын түсінеміз бе?

Ән - әуені, сазы бар музыкалык шығарма. Өлең - ұйкасы бар көркем сөз.

Ж ұмбақ

Ащыдан баска жемейтін,

Ыстык шөлде отаны.

Шөлдесе «су» демейтін,

Кім біледі... (ботаны).

С абақ қорыту: өткен әндердің бірнешеуін кайталап, сөзі арқылы оның мазмұнын ашып, сөз бен дыбыстың бір-бірімен үйлесіп, әдемі ән шығатынына көз жеткізу.

Шығармашылық жұмыс:

Ботақанның суретін салу.

Дыбыстар достығы дегенімізді түсінікті, қарапайым сөздермен түсіндіруге тырысамыз.

1. Егер барлық дыбыстар бір-бірімен достаспаса не болар еді?

2. Бояулар мен түрлі түстер де достаспаса сурет шыға ма?

3. Өрнектер достаспаса оюлар бола ма?

Осындай тірек сұрақтар қойып, оқушыларды осы тақырып айналасында әңгімелесуге шақырамыз. Егер барлық адамдар арасында достық, бауырластық, ынтымақтастық болмаса жер бетінде бейбіт өмір болмас еді. Сондықтан жалпы өнердің түрлері болсын, музыка әлемінде болсын достық керек екен. Достык болған жерде ғана келешек болады, бейбіт өмір болады. Дыбыстар достығының арқасында әсем де сазды, мәнерлі керемет музыка болады.

"Достық дегенді сен қалай түсінесің?" атты пікірлесу, әңгіме жүргізіледі.

Б.Байқадамовтың «Айгөлек» әні - барша баланы достық биіне шақыратын шығарма. Оқушылармен осы әнге айнала дөңгелеп билеуге болады. Әннің бар қазақ баласына кішкенесінен таныс екені рас. Сондықтан әнді орындаудың еш қиындығы болмайды. Сөз мәтініне, дикциясына мән беріледі.

М.Әубэкіровтың «Ағайынбыз бәріміз» әні балаларды достыққа, бауырластыққа, жақсылыққа шақырады. Атынан байқалып тұрғандай бар балалар ағайындай тату, дос болуы керектігін айтады. Әннің өлең жолдары өте қарапайым, оңай орындалады. Сөздерінде қиындық келтіретін жерлері жоқ.

Келесі осы тақырыптағы И.Нүсіпбаевтың «Достық» әні.

Әннің алғашқы екі жолы, одан кейінгі үшінші, төртінші жолдары қайталанып келеді. Яғни, әннің сөз мәтіні де, әуені де тез меңгеріледі.

ҮІ. Қорытынды бөлім.

Сабақты қорытындылау, үйге тапсырма беру, оны түсіндіру.

ҮІІ. Бағалау.

Оқушылардың еңбегін мадақтау.