1-сабақ «Танысу»

Мақсаты: Балалардың өзін таныстыруға, дұрыс сәлемдесуге, басқаларды тыңдай білуге үйрету. Сәлемдесу арқылы, балалардың бір-біріне деген жылы сезім мен жақсы қарым-қатынасын қалыптастыру.

Шаттық шеңбері. Сәлемдесу.

К әне, кәне, тұрайық,

Үлкен шеңбер құрайық.

Тұрсақ егер шеңберге,

Алақанды соғайық.

Оң жақтағы баламен,

Сол жақтағы баламен,

Сәлемдесіп алайық.

Сәлем, сәлем, сәлем! Салеметсіңдер ме балалар! Сендерді көргеніме өте қуаныштымын!

Жұмбақ

Таңмен көзін ашады.

Әлемге нұрын шашады. (Күн)

- Балалар әрбір күн- таңертеңнен басталады. - Таңертен күн оянып, аспанға жоғары көтеріледі екен. Содан кейін ол жақсы істер істеуге кіріседі. – Балалар, қалай ойлайсыңдар күн қандай «жақсы істер» істейді?

-Дұрыс, күн жерді жылытады, айналаны жарық қылады. Бізге шуағын төгеді. Балалар бетімізді күнге қарай қойып жылытайық. - Не сездіңдер? -Енді саусағымызбен жаттығу жасайық.

С аусақ жаттығуы.

«Күн сәулесін төгеді».

Көк аспанда күн күлсін,

Бірге күлсін бүлдіршін.

Көк аспанда күн күлсін,

Жерге ұдайы нұр құйсын !

Жарайсыңдар балалар!

Тамаша!

• Бүгін біз алғаш рет кездесіп тұрмыз, сондықтан да бір-бірімізді танымаймыз. Ендеше бүгінгі сабағымызды танысудан бастайық!

Ойын «Өз атыңды ата»

Мақсаты: топта балаларға етене жақын танысу үшін жағдай жасау. Жағымды қарым-қатынас түзу.

Ойынның барысы: Балаларға шеңбер құрып тұру ұсынылады.

-Балалар менің қолымда сүйкімді жүрекше бар. Осы жүрекшені бір-бірімізге беру арқылы танысып өтейік. ( Балаға өзін таныстыру ұсынылады, атын толық айту) Міне жүрекше де менің қолыма қайтып оралды. Одан мен жүректеріңіздің жылуын сезіп тұрмын. Ендеше, шеңбер бойынша «Танысқаныма қуаныштымын!» -деп бір-бірімізге қарап күлімсірейік.

Ойын «Сенің есімің қандай мағынаны білдіреді »

Мақсаты: балаларды өзінің жақсы жақтарын ғана ойлап, оны айта білуге үйрету.

Ойынның барысы:

-Айтыңдаршы балалар, адамдар бір-бірімен қалай танысады?

-Есімдерін атайды.

-Есім дегеніміз не?

-Ия балалар, ата-ана дүниеге келген сәбиіне мағынасына сай әдемі, сұлу есім беруді қалайды. Кез келген атты қойғанда, әр адамға есімін лайық етіп қояды. Мысалы: әдемі болсын деп-Әдемі, ақылды болсын деп-Дана, ержүрек, батыл болсын деп –Ербол , ойлаған армандар орындалсын деп-Арман, бай болсын деген ниетпен -Байжан деп атаған.

- Балалар, сендерге өз есімдерің ұнай ма?

- Сендердің есімдерің қандай мағынаны білдіреді, оны сендерге кім қойғанын айтып бере аласыңдар ма?

- Менің есімімді «айдай сұлу» болсын деп, апам Аружан қойыпты.

- Ал, менің атымды елге аяулы болсын деп атам Аяулым қойған.

- Ал, менің атымды Айша деп әжем қойған.

- Жарайсыңдар, балалар! Сендерге ата-аналарың көп үміт артып, әдемі есімдер беріпті. Сендер өскенде ата-аналарыңның үмітін ақтап, аттарыңа заттарың сай болып өсіңдер.

Сурет салу: «Өз бейнеңді сал» .

Балалар кілем үстіне ыңғайланып жайғасады.

Педагог балаларға жиегі жасыл түсті қағаздан жасалған «айна» таратып беріп, оған өз бейнелерін салып берулерін ұсынады.

(Педагог балалардың жұмысына араласпай, бақылап отырады)

Релаксация

- Ал енді, көздеріңді жұмып әр қайсың, өз есімдеріңді дауыстап атап, оның қандай әдемі естілетінін, әрі өздеріңе қалай тамаша жарасатынын сезініп көріңдер!

Талқылау:

1.Алғаш бейтаныс болған кезде қандай сезімде болдыңдар?

2.Танысу барысында не сездіңдер?

3. Сабақ соңында өздеріңе деген көз- көзарастарың өзгерді ме?

4.Ал, қазір көңіл күйлерің қандай?

Дөңгеленіп тұрайық,

Шеңберді біз құрайық.

Кездескенше күн жақсы,

Сау-саламат болайық-деп жаттығу соңында балалар бір-біріне жақсы тілектер айтып қоштасады.