Сабақ жоспары Тақырыбы: Табиғатпен үйлесім

Мақсаты: Оқушыларға табиғатты аялау, оған қамқорлық жасау әрбір адамның міндеті екенін түсіндіре отырып, сүйіспеншілік құндылығының мәнін ашу.

Міндеттері:

1. Білімділік: Оқушыларды айналасындағы бәрін жақсы көруге үйрету

2. Дамытушылық: Оқушылардың өзара достық сезімдерін дамыту

3. Тәрбиелік: Оқушыларды жан-жануарларды жақсы көруге тәрбиелеу

Ресурстар:

(материалдар, дереккөздер)

1.bilim-all.kz

2.https://infourok.ru

Сабақтың барысы:

1. Ұйымдастыру кезеңі.

5. Т – ережесі:

1. Тәртіп.

2. Талап.

3. Тыныштық.

4. Тазалық.

5. Татулық.
   Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік. Тыныштық сәті. «Орманға серуен». Арқаңызды тік ұстап отырыңыз. Көзіңізді жұмып, терең тыныс алыңыз. Әрбір тыныс алған сайыннеғұрлым көбірек босаңсып, сабырлы болуға тырысыңыз. Қазір біз орманға серуенге шығамыз. Өзіңіздің сынып есігіне қарай беттеп, есікті ашқаныңызды, дәлізбен өтіп, далаға шыққаныңызды елестетіңіз. Таза ауаны жұтып, шашыңызды желбіреткен желдің лебін және бетіңізді сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Бір минут тоқтап айналаға көз салыңыз. Табиғаттың әсемдігі мен балғындығын сезініңіз. Гүлдердің біріне жақындап, еңкейіп, оның нәзіктігі мен жұқалығына зейін салыңыз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Гүлдер, гүлдер мен ағаштардың иісі, құстардың дауысы және жәндіктердің ызыңы. Орманға ендей түсіңіз,  қараңызшы, ағаштар биіктей әрі қалыңдай түсті. Жарық пен көлеңкенің ойынын қызықтаңыз, жапырақтардың сыбдырын тыңдаңыз. Біз өзімізді орманда бақытты әрі қауіпсіз сезінеміз. Алаңқайға шығып, осында бірнеше минут демалыңыз. Түбіне барып отырғыңыз келетін ағашты таңдаңыз. Ағашқа жақындаңыз да оны діңінен құшақтаңыз. Оның қуаттылығын сезініңіз, ондағы өмір қуатын сезінуге және ұғынуға тырысыңыз. Енді оның діңіне арқаңызды сүйеп отырыңыз. Көзіңізді жұмыңыз, терең тыныс алыңыз және қоршаған айналаның жым-жырт тыныштығына  көңіл бөліңіз.Бізге қалайша жеңіл әрі тыныш және бақытты сезіну қандай. Табиғат неткен ғажап, оны қалайша сүйетінімізді бен қадірлейтінімізді, бірде бір тірі жәндікке зиян тигізбес үшін қамқорлық жасауды түсінеміз. Сіздің өз ағашыңыз бар екенін және кез келген уақытта  оған келе алатыныңызды есте ұстаңыз. Ал қазір мектепке қайтуға дайындалыңыз.Міне, мектептің алдына да келдік. Айналаңызға тағы бір қараңыз, таза ауаны терең жұтыңыз, есікті ашып, өз орныңызға қайтып келіңіз.  Көзіңізді ашып, күлімсіреңіз!Рахмет.

2. Үйге тапсырманы тексеру.

1. №26– сабақ. Оқулықта берілген 3 – тапсырманы орындау.

2. Келесі сабақ. №27, «Жақсы ата – орман, жақсы бала - қорған» мәтінін оқып келу.

Сұрақтар:

1. Тоғайдың бастапқыда жағдайы қалай еді?

2. Зейнеткер кісі тоғайға қандай қамқорлық жасады?

3. Атайдың немерелері қандай істермен шұғылданды?

4. Ел ішінде қандай нақыл сөз қалыпты?

5. Өзің табиғатқа қандай қамқорлық жасап жүрсің?

3. Сабақтың дәйексөзі.

« Табиғат тазалығы - адамзат амандығы»

Халық даналығы

Сұрақтар:

1. Табиғат тазалығын қалай сақтау керек?

2. «Табиғат сыйы» деп неліктен айтамыз?

3. Дәйексөзден қандай ой түйдіңіз?

4. Оқиға айту (Мұғалім сыйы).

Т. Молдағалиев

Бұлақтарға жан бітті,

Тау демалып жаңғыртты.

Толқындарын көтеріп,

Тастан-тасқа қарғытты.

Бір-бірінен қалмайды,

Қанаттары талмайды.

Қосылғанша өзенге,

Жүгіруден танбайды.

Шанқылдайды шағала,

Жыр сыйлайды далаға.

Сыңғырлайды көп толқын,

Жұпар шашып жағаға.

Құстар бері, ары ұшып,

Жүр бұлттарға жабысып.

Мен де бірге жүгірем

Толқындармен жарысып

Сұрақтар:

1. Өлеңдегі «Бұлақтарға жан бітті» деген жолды қалай түсінесіңдер?

2. «Тау демалады, тастар қарғиды, шағала жыр сыйлайды» - деген жолдардан табиғаттың қандай бейнелерін көре аласыңдар?

3. Сендер қандай әрекет арқылы қоршаған ортаның сұлулығына қамқорлық көрсетіп жүрсіңдер? Әңгімелеп беріңдер.

5. Шығармашылық жұмыс, топпен жұмыс.

 Оқушылар төрт топқа бөлінеді.

«Күн, су, жер, өсімдіктің адамға қандай пайдасы және адамның оған тигізер пайдасы»

6. Топпен ән айту.

Туған жер

1. Алыс кетсем мен сеннен ансай жүрем

Сағыныштың сазынан ән сап жүрем туған жер

Ауылымның түтүні ай қымбат маған

Қымбат маған белдері ай күн қақтаған туған жер

Қайырмасы

Туған жер өзін дегенде

Жүремін әр кез елендеп

Бір сезім билеп алады ай

Жүрегім дүрсүл қағады ай

А-а-а-ай

Бір сезім билеп алады ай

Жүрегім дүрсүл қағады ай

2. Көзді тартып жайнайды ай далан гүлден

Қасиетінді  қашанда балан білген, туған жер.

Бұл өмірде шіркін ай не жетеді

Құшағымда әкен мен анам жүрген

Қайырмасы

Туған жер өзін дегенде

Жүремін әр кез елендеп

Бір сезім билеп алады ай

Жүрегім дүрсүл қағады ай

А-а-а-ай

Бір сезім билеп алады ай

Жүрегім дүрсүл қағады ай

7. Үйге тапсырма

1. №27– сабақ. Оқулықта берілген 6 – тапсырманы орындау.

2. Келесі сабақ. №28, «Обал» мәтінін оқып келу.

8. Сабақтың қорытынды сәті.

Тыныс алуға зейін қою.

Баяу музыка қойылады.

Мұғалім: Сіздерден аяқ-қолыңызды айқастырмай, түзу отыруыңызды өтінемін. Біз қазір тыныс алу жаттығуын жасаймыз. Тыныс алуға зейін қойған кезде, біздің ақылымыз дем алады. Ауаны ішке жұту кезінде тыныштық пен қуаныш қабылдаймыз. Демді сыртқа шығарған кезде өзіміздегі мазасыздықтарды сыртқа шығарамыз.

Кәне, дайындалайық, балалар. Көзімізді жұмамыз..., арқамызды тіктейміз..., қолдарыңды тізеге қоюға болады...

Д е м а л..... ш ы ғ а р... (жаймен 9-10 рет) немесе 1..................2 [3]. Рахмет!

Бүгінгі сабақтан игерген жақсы қасиеттерді есімізге түсіріп, жүрегімізге сақтайық.