Сабақ жоспары Үй құстары

Сабақ жоспары

Тақырыбы: Үй құстары Мақсаты: Балалардың үй құстары жайлы білімдерін кеңейту. Міндеттері: Білімділік: Үй құстары жайлы түсінік беру. 1. Үй құстары жайлы өз беттерімен айта алу; 2. Үй құстарын сүреттерден көрсете алу. Түзете- дамытушылық: Тілін, ойлау қабілеттерін, есте сақтау қабілеттерін, ұсақ маторикасын дамыту Тәрбиелік: Қамқорлыққа, әдептілікке, ұйымшылдыққа,адамгершілікке тәрбиелеу Көрнекіліктер: Тақырыпқа сай сүреттер, үй құстарының муляжы, түрлі- түсті қағаздар, желім, қайшы.

Сабақ барысы

I. Мотивациялық- ынталандырушы кезең. - Сәлеметсіңдерме, балалар? - Көңіл- күйлерің қалай? - Далада қай жыл мезгілі? - Иә, қыс мезгілі.- Далада ауа- райы қалай?

II. Ұйымдастырушылық- ізденушілік кезең. - Балалар, үй құстарына қандай құстар жатады? - Не себепті үй құстары деп атайды? - Үй құстарын адамдар не үшін асырайды? -Үй құстары мен дала құстарының айырмашылықтары қандай? Кенеттен есік тоқылдап, ішке Дымбілмес кіреді. Ол балалардан көмек сұрап кепті. - Балалар, Дымбілмеске үй жұмысына 3 түрлі тапсырма беріпті соны орындауға көмектесулеріңді сұрайды. - Көмектесейік пе? 1- тапсырма: Сүреттерден үй құстары мен дала құстарын екі топқа бөліп топтастыру керек. Кәне кім жылдам! - Жарайсыңдар! 2- тапсырма: Құстардың көлеңкесін тап? Алдарындағы сүреттердегі құстарды көлеңкесімен карандашпен сәйкестендіріңдер. -Балалар шаршаған боларсыңдар, біраз денемізді сергітіп алайықшы:

Сергіту сәті: Тереңдет ойыңды, тік ұста бойыңды. Құстарға ұқсайық, қалықтап ұшайық. Шық алға оң қанат, шық алға сол қанат. Шаршаған кездерде, қонайық жорғалап.

-Жарайсыңдар, енді 3- тапсырманы орындайық. Алдарыңдағы сүреттердің жартысын табу керек.- Жарайсыңдар, балалар сендер Дымбілместің 3- тапсырмасында орындауға көмектестіңдер. Ол сендерге көп алғысын білдіріп жатыр. Онымен қоштасатын сәт келді.

-III. Рефлексиялық- түзетушілік кезең. - Балалар, бүгінгі сабақ не жайлы болды? - Иә, үй құстары жайлы. - Үй құстарына қандай құстар жатады екен? - Үй құстарын адамдар не үшін асырайды екен? - Сендерге бүгінгі сабақ ұнады ма? - Мағанда ұнады, себебі сендер бүгінгі сабаққа өте белсенді қатыстыңдар. - Жарайсыңдар, мен сендерге сол үшін жұлдызшалар беремін. Осымен сабақ аяқталды. -Сау болыңдар!