Сабақ жоспары

Пән: Әліппе

Сынып: 1

Сабақ тақырыбы: Уу дыбысы және әрпі

Осы сабақта қол жеткізілетін оқу мақсаттары (оқу бағдарламасына сілтеме)

• көмекші құралдар ( сызба, сюжетті сурет) арқылы у әрпімен және оның ерекшелігімен танысу;

• тыңдалған өлең жолдарына өз көзқарасын білдіру.

Сабақ мақсаттары

• у дыбысы және әрпімен таныстыру, сөздерге дыбыстық талдау жасау дағдыларын қалыптастыру;

• оқу түрлерін (буындап оқу тұтас оқу, түсініп оқу) қолдану арқылы сөздік қорларын арттыру;

• өлеңді тыңдап, жетекші сұрақтар арқылы талқылау.

Бағалау критерийлері

• жұпта сұрақ құрастырады;

• оқушы у дыбысын сөз ішінде ажыратып, сөздерге дұрыс дыбыстық талдау жасайды;

• буынға бөліп оқиды және қатесіз көшіріп жазады.

Тілдік мақсаттар

тыңдалым, айтылым, оқылым, жазылым дағдыларын дамыту.

Тірек сөздер: уық, уыз, аула, ұлу

Сіңірілетін құндылықтар

• мәдени мұра, ұлттық өнеріміздің туындысы киіз үй туралы мәлімет беру

Пәнаралық байланыстар

дүниетану

АКТ қолдану дағдылары

АctivBoard арқылы презентация көрсету, youtube каналынан киіз үй бөліктері туралы бейнефильм тамашалау.

Алдыңғы білім

Дыбыстардың дауысты және дауыссыз болып бөлінуі. Сөзге дыбыстық талдау жасау. Сызба бойынша сөйлем құрастыру.

Сабақ барысы

Сабақ кезеңдері

Сабақтағы іс-әрекет

Ресурстар

Сабақтың басы

1-3 минут

4-6 минут

Кіріспе тапсырма.

Ойын «Артығын тап»

Қарлығаш, қарға, көкек, бұлбұл, уық суретін көрсету. Оқушылар артық затты табады. Уық туралы не білетіндерін сұрау арқылы оқушылардың алғашқы білімдерін анықтау.

• Уық – сөзінде бірінші қай дыбыс естіледі?

• Сабағымыздың тақырыбы қандай болуы мүмкін?

• Сабақтың мақсаты қандай болады деп ойлайсыңдар? деген сұрақтар қою арқылы сабақтың тақырыбы мен мақсаты айқындалады.

• У әрпіне назар аударыңдар,

неге жартылай қызыл және жартылай көкпен боялған?

• У қандай дыбыс деп ойлайсыңдар?

• У дыбысы қай кезде дауысты, қай

кезде дауыссыз болатынын бүгін білетін боласыңдар.

Презентация слайд

суреттер

https://

www.youtube.com/watch?v=FDwYjlhW04I

Сабақтың ортасы

30. минут

1. «Ойлан» тапсырмасы. Оқулықтағы суретпен жұмыс.

• Бұл қай мезгіл? Балалар не істеп жүр?

• Көлдің жағасында нелер бар?

• Көлдің суы қандай?

• Қыздардың қолында не бар?

Суреттен «у» дыбысы бар сөздерді табу. Саралау. Сұрақ қою арқылы жекелеген оқушыларға қолдау көрсету.

«Ойлан, жұптас, талқыла» әдісі арқылы жұптық жұмыс. Тапсырма: Сызба бойынша Қандай? сөзін қатыстырып, сұрақ құрастыру. Жұптар сұрақтарды өзара қойып, жауап береді. «Қай жұптың сұрағы ұнады?» сұрағы арқылы қалыптастырушы бағалауға бағыттау.

Ықтимал сұрақтар:

• Көлдің суы қандай?

• Тау қандай болады?

• Ағаштың жапырақтары қандай?

2. «Сөздің дыбысын ажырату» әдісі арқылы тау, су, ұлу сөздеріне дыбыстық талдау жасау және сөздердегі у дыбысының орнын анықтау, дауысты, дауыссызға ажырату. У дыбысының сөздің басында, ортасында және аяғында да кездесетінін өздері ереже етіп шығаруға жағдай жасау.

• Маңызды ақпарат. У дыбысы қай кезде дауысты, қай кезде дауыссыз болады деп ойлайсыңдар? (У дыбысы дауысты дыбыстан кейін келсе, дауысты болады, дауыссыз дыбыстан кейін келсе, дауысты болады)

3. Бағалау тапсырмасы:

• ау, ару, алау сөздеріне дыбыстық талдау жасау.

Дескриптор:

• дыбыстың таңбасын таниды;

• сөз құрамындағы дыбыс санын анықтайды;

• дауысты және дауыссыз дыбыстарды ажыратады;

• сөздерді буынға бөледі.

Сергіту сәті: қимыл қозғалыс жаттығу жасау

4. Оқы тапсырмасы сөздерді буындап, тұтас әрі түсініп оқу дағдысын дамытуға бағытталады. Оқушылар кестедегі сөздерді, сөйлемдерді буындап және тұтас оқиды.

5. Жазу дәптерімен жұмыс. У әрпінің бас және кіші әріптерін жазып үйрену. Бірінші сөйлемді көшіріп жазу.

Жазу жұмысының дескрипторын оқушылар өздері құрастырады:

• Әріп элементтерін көлбеу жазады;

• Жазу жолын сақтайды;

Көркем және таза жазады.

Саралау. Оқушыларға жеке қолдау көрсетіп, қадағалау.

6. «Тыңдалым» Уық туралы мәтін тыңдау. Уық туралы не білгендерін сұрау. Мәтінді тыңдау арқылы оқушылар қандай жаңа ақпарат алғандарын баяндайды. Киіз үйдің ерекшелігі туралы айтылады.

7. «Сөз құра, тез құра» ойыны. А, р, у, л әріптерінен сөз құрау.

Талқылау сұрақтары. Оқулық

Сөйлем сызбасы

суреттер

Көк және қызыл текшелер

Оқулық

Жазу дәптері

Аудиожазба

Кеспе әріптер

Сабақтың соңы

Рефлексия

35-40 мин

Тапсырма:

• Бүгін қандай дыбыспен таныстық?

• Уу дыбысының қандай ерекшелігі бар?

• Қандай жаңа сөздер есіңде қалды?

• Қай тапсырма оңай, қай тапсырма қиын болды?

• Тапсырмаларды жақсы орындау үшін не істеу керек деп ойлайсың?

Өзін – өзі бағалау ұйымдастыру.

Дескриптор:

• жұпта сұрақ құрастырдым;

• сөздерге дұрыс дыбыстық талдау жасадым;

• сөздерді буынға бөліп оқыдым;

• әдемі, таза жаздым;

• берілген дыбыстарға сөз құрастырдым.

«Оқы» айдары бойынша сөздерді буындап және тұтас оқу. У дыбыс кездесетін сөздер ойластырып келу.