Сабақ тақырыбы: Бос уақыт пен хобби

Сабақ тақырыбы:

Бос уақыт пен хобби (7- сабақ)

Мектеп: Т.Г.Шевченко атындағы ЖОББМ

Күні:

Мұғалімнің аты-жөні: Кистаубаева А.К.

СЫНЫП: 5

Қатысқандар:

Қатыспағандар:

Сабақ негізделген оқу

мақсаты (мақсаттары)

5О25.2.2.1. Лексиканың ауызекі сөйлеу және жазба стильдік айырмашылықтарын мәтіндер арқылы тану.

Сабақ мақсаттары

Барлық оқушылар орындай алады:

Берілген мәтіннен лексиканың ауызекі сөйлеу және жазба стильдерін түсініп оқиды.

Оқушылардың көпшілігі орындай алады:

Мәтіннен лексиканың ауызекі сөйлеу және жазба стильдерініңайырмашылықтарын ажыратады.

Кейбір оқушылар орындай алады:

Мәтінді талдайды, стильдік айырмашылықтарын салыстырады, өзіндік тұжырым жасайды.

Тілдік мақсат

Оқушылар орындай алады:

Түсініп оқиды, лексиканың ауызекі сөйлеу және жазба стильдерінің айырмашылықтарын ажыратады, талдайды, салыстырады, өзіндік тұжырым жасайды.

Нақты тақырыпқа арналған сөздік қор мен терминология:

Ауызекі сөйлеу стилі, жазба стилі, хобби, бос уақыт, қызығушылық, т.б.

Диалог құруға / шығарма жазуға арналған пайдалы тіркестер:Менің хоббиім..., мен бос уақытымда...., қызығушылықтар...,, менің ойымша... т.б.

Талқылауға арналған сұрақтар:

- Хобби деген сөзді қалай түсінесің?

-Өзіңді жан-жақты дамытуда хоббидің ролі қандай?

Бағалау критерийлері

1.Мәтіннің стильдердік айырмашылықтарын ажырату;

2.Мәтіндерді салыстыра талдау;

3. Өзіндік тұжырым жасау.

Құндылыққа баулу

Ынтымақтастық, ашықтық, өмір бойы білім алуға баулу.

Пәнаралық байланыс:

Қазақ әдебиеті, биология

Алдыңғы оқу:«Қаламмен жұптас» стратегиясы арқылы білім алушылардың зейінін шоғырландырамын, алдыңғы білімді пысықтаймын (Ортаға қаламдарды қойып, кез келген 2 қаламды аламын да, бос уақыт пен хобби туралы диалог әдісі бойынша ой ширатуды жүзеге асырамын).

Сырласу – 2 оқушы өзара сырласады,

Сұхбат – 2 оқушы сұхбаттасады,

Әңгімелесу – 2 оқушы әңгімелеседі).3 минут

Жоспар

Жоспарланған

уақыт

Жоспарланған жаттығу түрлері

Ресурстар

Басы

7 минут

Ой шақыру.С. Мұғалімнің жетекші сұрақтары арқылы алдыңғы сабақ пен жаңа білімді ұштастырамын:

1.Гүлден мен Арай не істеді? (сырласты);

2.Ғабит пен Жанат не істеді? (сұхбаттасты);

3.Арыстан мен Хамза не істеді? (әңгімелесті).

4.Күнделікті өмірде осы жұмыстарды қайталаймыз ба?

5.Ауызекі сөйлеу стилінің қарама қарсы стиль түрі қандай еді?

6. Хобби деген сөзді қалай түсінесің?

7.Өзіңді жан-жақты дамытуда хоббидің ролі қандай?

8.Хоббидің қандай түрлері бар?

(Оқушылар бүгінгі жаңа білімдік тақырыпты табады. Әр түрлі хобби түрлерін бейнелейтін суреттер арқылы топқа бөлінеді). Топқа бөлу. «Өз хоббиіңді тап» стратегиясы арқылы жүзеге асырылады.

Ортасы

20 минут

Ж.1-тапсырма.

Берілген мәтінді оқып, мәтін қандай стильде жазылғанын анықтаңыз.

Дербес оқу. (Мәтін таратылады).

«Түртіп алу» стратегиясы қолданылады.

Менің тегім – Төлеубеков, есімім – Әліби, әкемнің аты – Қамбар. Мен Қостанай облысы Наурызым ауданында тудым. 2000 жылдың 25 қыркүйегінде дүниеге келдім. Менің ұлтым қазақ. Биыл Ш.Уалиханов атындағы №31 мектеп – гимназияның 5 – сыныбында оқып жүрмін. Мектепте домбыра үйірмесіне қатысамын. Атақты күйші – композиторлардың күйлерін орындап жүрмін. Болашақта мен тіл маманы болғым келеді. Сол үшін қазақ, орыс, ағылшын тілдерін көп оқимын. Демалыс күндері достарыммен кездесемін. Бос уақытымда сыныптастарыммен, достарыммен театрға, мұражайға, саябаққа барамыз, бірақ бос уақытымды үнемді пайдалануға тырысамын.

Дескрипторː

-мәтінді оқиды;

-стилін анықтайды.

Кері байланыс. «Блоб ағашы»(Өзін-өзі бағалау)

Ж/Ж 2 –тапсырма.

Жұпта өз хоббиларың туралы диолог құрастыр, стильдік айырмашылығын ажырат.

Дескрипторː

-бір-бірінің ойын толықтырады;

-диолог құрастырады;

-стильдік ерекшелігін ажыратады.

Кері байланыс.«Мен саған сыйлаймын» (Өзара бағалау)Жұлдызша, күн, гүл жабыстырмалы суреттерді бір-біріне сыйлайды, не үшін сыйлағандарын дәлелдеп айтады.

Т/Ж Бірлескен жұмыс. 3 -тапсырма.

Жоғарыда берілген екі тапсырманы салыстыр, өзіндік тұжырым жаса.

«Дұрыс,бұрыс» стратегиясы арқылы топта орындалады.

Дескрипторː

-салыстырады;

-стильдік айырмашылықтарын ажыратады.

Кері байланыс.«Мадақтау сэндвичі» (Өзара бағалау)

Оқушы дәптері

Соңы

10 минут

«Шамшырақ идеясы» стратегиясын қолданамын.

Ұнамды 3 сөйлем жазыңыз...

Жетілдіру қажет 2 әрекетті жазыңыз...

Түйін болар 1 ой жазыңыз...

Рефлексия. «Бес саусақ» әдісі арқылы сабақтың рефлексиясын жасатамын.

Қосымша ақпарат

«Менің хоббиім» тақырыбында шағын мәтін жазып келу