Жол-көлік колледжі

Математика пәнінің оқытушысы:Кожаева А.Т.

Сабақтың тақырыбы

«Параллелепипед, оның элементтері мен түрлері, қасиеттері»

Сабақтың мақсаты

Білімділік:

Оқушыларды параллелепипед анықтамасын, қырлары, жақтары, төбелері, бүйір беті мен толық бетінін аудандарының формулаларын білуге, есептер шығаруда қолдануға үйрету. Тік бұрышты параллелепипед және текше ерекшелігі туралы толық мәлімет беру.

Дамытушылық: Оқушылардың шығармашылық және ойлау қабілеттерін дамыту.

Тәрбиелік: Оқушыларды тапқырлыққа, жылдамдыққа ептілікке тәрбиелеу, нақтылыққа, дәлдікке үйрету, дүниетанымын кеңейту.

Сабақтың түрі: жаңа білімді игеру

Сабақтың әдісі (пед.технология): оқытудың компьютерлік технологиясы

Пәнаралық байланыс: сызу, физика, архитектура.

Сабақтың көрнекілігі: мультимедиалық проектор, презентация, электронды оқулық,

Сабақ барысы

І. Ұйымдастыру: сәлемдесу, оқушылар зейінін сабаққа аудару.

ІІ. Өткен тақырыптарға шолу (слайд бойынша жауап беру)

1.Көпжақтар дегеніміз не?

2.Көпжақтардың қандай түрлерін білесіңдер?

3.Слайдтан тік призманың, көлбеу призманың кескінін көрсетіңдер.

ІІІ. Жаңа тақырыпты түсіндіру.

Слайд бойынша параллелепипедтің анықтамаларын, түрлерін, қасиеттерін түсіндіру.

Тікбұрышты параллелепипед пен текшенің ортақ қасиеті мен айырмашылықтарын Венн диаграммасы арқылы көрсету

IV. Жаңа сабақты бекіту.

1-тапсырма бойынша оқушылар өлшемдеріне қарай тікбұрышты параллелепипед пен текшені ажырату керек.

Келесі тапсырма оқулықпен жұмыс. Геометрия 11с. В.Гусев, Ж.Қайдасов

№11, №12 есеп.

V. Сабақты қорытындылау.

1.Параллелепипедтің түрлері.

2.Тік параллелепипед пен тікбұрышты параллелепипед.

3.Тікбұрышты параллелепипедтің диагоналін табу форомуласы.

VІ. Оқушыларды бағалау.

VІІ.Үйге тапсырма беру.

№13. Кубтың диагоналі 64см. Кубтың қырын табыңдар.

№14. Тікбұрышты параллелепипедтің табан қабырғалары 9 см және 12 см.

Бүйір қыры мен табан диагональдары өзара тең. Параллелепипедтің диагоналін табыңдар.