Сабаққа кері байланыс (рефлексия)

Тізбектелген сабақтар топтамасының үшінші сабағымды сәуірдің 26- күні өткіздім.

Сабақтың тақырыбы: Табиғатты қорғау (3-қосымша)

Сәтті тұстары: Тақырып мақсатқа сай ашылды, оқушылар толық меңгерді. Бастысы оқушылар жаңалыққа құштар, жаңалықтан хабардар, бәрін білгісі, үйренгісі келеді. Өткен сабақтардағы қателіктерге бой алдырмады. Бір-бірін әділ бағалады. Түсінбеген нәрселерін сұрай біледі. Бұл диалогтық оқытудың жемісті жағы деп айтуға болады.

Сәтсіз тұсы: уақыт тапшылығы. Уақыт жетіспеушілігі.

Жаңа нәрсені оқыту адамның нені білетінімен және түсінетінімен байланысты.(МАН,1-тезис,35бет,).Мұғалімдер оқушылардың не білетінін және нені жасай алатынын,сондай ақ олардың қызығушылықтарын,әр оқушының нені жасқсы көретінін және не істегісі келетінін түсінуге тырысады.(МАН,35-бет). Мен сабақты бастамас бұрын оқушылардың көңіл күйін динамикалық шеңберден бастадым. Выгоготский кіші жастағы балаларды когнитивті даму әрекеттері әлеуметтік қарым-қатынас үдерісінде,яғни анағұрлым қабілетті оқушылырмен араласу және мәдениет,қоршаған ортамен өзара қарым- қатынас жасау арқылы қалыптасатын субъект ретінде суреттейді (МАН, 39-бет). Ынтымақтастық атмосферасын қалыптастыру үшін ,Кім кіммен дос болғысы келеді?- деген сұрақ қойдым.Әр оқушы өздерінің кіммен дос болғысы келетінін айтып шықты.Жауаптары әр-түрлі болды.Бұл мен үшін пайдалы болды.Себебі сыныптағы жекелеген оқушылардың қарым-қатынасы қандай екенін байқадым.Болашақта тренингтерді көбірек өткізуім керек деп шештім. . Тізбектелген сабақтар топтамасын өткізу үдерісіндегі үш сабағымда ақпараттық коммуникациялық технологияларды ықпалдастыра отырып пайдалансам, оқушының белсенділігіне айтарлықтай әсер ететіндігіне көзім жетті. Бұл тұста үш тізбектелген сабақтар топтамаларының сәтті өтуініе ақпараттық коммуникациялық технологияың әсері зор екендігін айтқым келеді.

Менде не өзгерді?:

Сабақты жоспарлау кезінде сабақ мақсатын оқушыға бағыттай отырып, сабақта оқушылардың өзіндік пікірлерін ортада жүйелі жеткізе білуге жетеледім. Оқушылармен, ата-аналармен,кері байланыс орната отырып, пікірлерінің құнды болатынын ұқтым. Көшбасшы болып тұрып, оқушылардың да топбасшылық, басқарушылық қабілеттерінің артуына ықпал жасадым. Оқушылардың өз-өзін бағалауы, бір-бірін бағалауы арқылы олардың өз білімдеріне сенімі артқанын байқадым.