Ж.Ташенов атындағы №23 IT мектеп-лицейі КММ-нің бастауыш сынып мұғалімі Зарерова Динара

Тақырыбы: «Сабақта ресурстарды тиімді пайдалану жолдары»

«Жақсы ұстаз болу үшін білім мен тәрбие берудің тиімді әдістерін үйрену, сонымен бірге, құрал - жабдықтарды дұрыс пайдалану өте маңызды»

Ы.Алтынсарин

Қазіргі заманда білім беру жүйесінде сабақта қолданылатын әртүрлі ресурстар білім алушылардың, танымын, шығармашылығын, қызығушылығын арттыруға және нәтижесін жақсартуда маңызды рөл атқарады. Ресурстарды пайдалану тек белгілі бір материалдар көлемінде емес, жан-жақты оқып дамуды жақсартады. Қазіргі білім беру жүйесінде, оқытудың барлық бағытында ақпараттық және техникалық құралдар, түрлі әдістер, ресурстарды пайдалану қажет.

Сабақта ресурстарды пайдалану үшін, мұғалімнің кәсіби шеберлігі маңызды рөл атқарады. Мұғалім өз сабақтарын жоспарлағанда үйлесімді ресурстарды пайдалану жолдарын іздеуі тиіс. Жаңа технологияларды, ресурстарды пайдалану сабақты қызықты, түсінікті өтуге мүмкіндік береді. Мысалы, интернет ресурстарды қолдана отырып, жаңа ақпаратты тез меңгеруге, ой-өрісін кеңейтуге , мультимедиялық құралдар арқылы көрнекі әрі түсінікті етеді. Оқу барысында кітаптар, тестілер, интерактивті тақталар, компьютерлік бағдарламалар және басқада ресурстарды ұтымды пайдалану сабақтың сапасын арттырады. Мұғалімдер қазіргі кезде әртүрлі ресурстарды ұсына алады. Мысалы, POWER POINT, GOOGLE GLASSROOM, ZOOM,EDMODA т.б платформаларды пайдалануға болады. Осындай ресурстарды пайдаланып, оқулықтан алыстамай, бірге біріктіріп сабақ өткізу қажет. Мұғалімдер сабақ барысында тек қосымша әдебиметтерді ғана емес, электронды оқулықтар, интернет-ресурстарды, ғылыми мақалаларды пайдалану арқылы материалдарды жан-жақты ізденуге жағдай жасайды.

Сабақ барысында әріптестермен тәжірбие алмасу үшін, мұғалім олармен ынтымақтастықта болуы қажет. Тәжірбие алмасу мұғалімдер үшін таптырмас мүмкіндік. Ресурстарды пайдалану арқылы біліктілігін, кәсібилігін, шығармашылығын арттыруға болады.

«Менің ертеңім» тақырыбында сыныптан тыс тәрбие сағаты өткізілді. Сыныпта 23 оқушы бар. Барлық оқушыларға ресурстарды пайдалану, оны тиімді қолдану туралы толық ақпарат беріліп, оны тәжірбие жүзінде жүзеге асырылды. Білім беруде дәстүрлі оқыту әдістерімен қатар, жаңа әдіс-тәсілдер мен заманауи ресурстарды пайдалану қажет, сонда ғана нәтижелі білім аламыз.