Диалогтік оқыту- сөйлеу тілін қалыптастырудағы белсенді үдеріс Коучинг сабағына рефлексивті есеп

Осы коучингті өту барысында әр күніміз сәттілікке толы болсын, әрқашан тілімізден бал тамсын деп тәтті сыйлаудан бастадым. Жемістердің түрі арқылы топқа бөліп, тақтадағы ілулі тұрған картаға назар аударттым.

• Қай елдің картасы? Деген сұрағыма Қазақстан Республикасының

картасы деген дұрыс жауап алдым. Олай болса, осы картаны қалалармен толықтырайықшы деп әр қаланы өз орындарына қойып картаны әсемдедік. Бұл картаны не үшін ілгенімді сұрадым. Қазақстан елінің әр аумағы бойынша жаңа технологияны дамытып, білімді ұрпақты тәрбиелеу біздің міндетіміз екенін есімізде сақтап жаңалықты өзімізден бастап үйренуге шақырдым. Интерактивті тақта арқылы көрсетілген «Егіздер» видеосын тамашалағаннан соң, бұл сәбилердің арасында не болып жатқанын сұрадым. Екеуінің арасындағы әңгіме екенін, диологқа түсіп жатқанын қатысушылар айтып бүгінгі коучинг сессиямыздың тақырыбын, мақсатын аштық. Мұғалімдерге берілген бірінші тапсырма жағдаят болды. «Оқу бағдарламасындағы өзгеріс. Жаздағы үш айлық демалыс қыс айларына ауыстырылады екен» деген жағдаятқа ой бөлісуге ортаға шақырдым. Қатысушы мұғалімдер келісетіндері сол жағымда тұрып, (егер, демалыс қыс мезгіліне ауыстырылса дұрыс болар еді. Өйткені қыста күн өте суық болғанда көп жерлерде оқушылар оқи алмай жоспардан қалып қоятындығы жылда кездеседі. Сондықтан қыстың ең суық айларында оқушылар демалса тиімді болар еді) келіспейтіндері оң жағыма тұрып (егер демалыс қыс мезгіліне ауысатын болса, онда оқушылардың білім алуында ілгері басу болмайды. Өйткені аптап ыстық кезде оқу оқушылардың денсаулығына зиян. Бала тұрмақ өзіміз де шаршап қаламыз) деп, екіге бөлініп не үшін келісетіндерін неге келіспейтіндерін айтып пікір таластырды. Нәтижесінде екі топ та өз ойларында қалды.

Диалогтік оқыту оқушылардың тақырып бойынша өз ойларын білдіруіне мүмкіндік беретінін, оқушыларға өз идеяларын дәлелдеуге көмектесетінін, мұғалімдерге оқушыларды оқыту барысында олардың оқушылары қандай деңгейде екеніндігін көруге көмектесетінін түсіндірдім. Диалогтік оқыту- «мұғалім- оқушы» және «оқушы- оқушы» арасында шығармашылықпен өтетін, өз пікірін негізді, тұжырымды түрде білдіругежетелейтін әңгімені ынталандырып, қуаттайтын оқыту әдістері екенін коучинг барысында олар түсінді деп ойлаймын.

Слайд арқылы осы әңгіменіңүш түрімен танысып болған соң өздерінің бүгінгі коучингте осы әңгіменің үш түрін көрсеткендерін айттым. Қай тапсырманың қай әңгімеге жататынын сұрадым. Сол кезде: «Оқу бағдарламасындағы өзгеріс. Жаздағы үш айлық демалыс қыс айларына ауыстырылады екен» деген жағдаяттың Әңгіме- дебат екенін, «Жаңа технология (топтық жұмыс) мен дәстүрлі сабақтың ерекшеліктері мен ұқсастығын көрсету» шығармашылық жұмыстың Кумулятивтік әңгіме екенін, «Жауынгердің хаты» Зерттеушілік әңгіме екенін бірден өздері айтып, дәлелдеп берді. Сабақта осы әңгіменің түрлерін пайдаланып, сабақтарын қызықты өтетіндеріне сенім артып, коучингтің қалай өткенін «Ойлаудың 6 қалпағы» бойынша қорытындылауды өтіндім. Кері байланыс күнделігін таратып, мұғалімдердің ой- пікірлерін білдім.

Білемін, Үйрендім, Білгім келеді әдісі бойынша стикерге кері байланыс рефлексия жазып ойларын тақтаға ілді. Келесі коучингтің тақырыбын мұғалімдердің ұсыныстары арқылы тағайындап аламын.

Осы коучингте маған ұнаған тұстары, жалпы жақсы өтті. Мақсатыма жеттім, әңгіменің үш түрінде қатысушылар түсіне алды. Осы өткізілген коучингтегі ұнамаған тұстарына тоқталсам бағалауды жүргіздім дегенмен де бағалауды екі жұлдыз бір тілекпен бағалағанмен әр топқа ұсыныстарын ауызша да айтқызуым керек еді. Осы жері сәл түсініксіздеу болды ма деп ойлаймын. Келесі коучингте мұқият болуға тырысамын. Коучингтен кейін өзімнің алдыма төмендегідей мақсат қойдым:

1. Коучинг сессияға қатысқан мұғалімдермен әріптестік байланыста болу.

2. Әріптестеріме көмек қажет болғанда қол ұшын созу.

3. Алдыға қойған мақсатыма жету үшін өзімді кәсіби жетілдіріп, үнемі ізденісте жүріп, диалогтік оқыту әдіс- тәсілдерін жетілдіре түсемін.