Сабақтың атауы Өзендер және көлдер. Адам тіршілігі үшін судың маңызы. Дүниетану

Пәннің аты:

Дүниетану

Уақыты: 5.12.2018жыл

Мұғалім: Бисенгалиева Сара Бактыбаевна

Сабақтың атауы

Өзендер және көлдер. Адам тіршілігі үшін судың маңызы.

Мақсаты

Күтілетін нәтиже

Оқушылардың білім-біліктілігін сұрақ арқылы анықтау. Әр оқушыны өзіндік ойын жеткізу арқылы сөйлеу мәдениетін дамыту. Суды қорғау мен үнемдеуге шақыру.

Күтілетін нәтиже:

Ойларын жетік жеткізе біледі;

Жұмыс нәтижесін көрсетеді.

Тапсырмалар: топтастыру әдістері, постермен жұмыс, диалог.

Сабақтың  түрі: жаңа сабақ,

Сабақтың әдісі: Блум таксономиясы, «Алтын балыққа арналған аквариум», «Білемін. Білгім келеді, Білдім», «Ойлан, жұптас, бөліс», «Бес жол өлең» стратегиялары, диалог, жұптық жұмыс.

Көрнекілігі: карта, слайдтар, суреттер, үлестірмелі «тамшылар».

Психологиялық ахуал

Күн мен түнді сүйемін,
Басымды соған иемін.
Нұр мейірлі шуақ бер.
Ырыс, несібе, қуатпен.

Оқушылар шеңберде жиналып, мұғаліммен бірге бүгінгі сабаққа сәттілік тілейді.

Үй жұмысын тексеру

І. «Алтын балыққа арналған аквариум» стратегиясын пайдалану.

Тақтаға бір оқушы шығады, қалғандары тақырып бойынша сұрақтар қояды.

Қызығушылықты ояту

Топтарға ат беру: «Мұхит», «Теңіз», «Өзен»

Дәптермен жұмыс жасау.

Күн жады, тақырып: Өзен және көл. Суды қорғау.

ІІ. «Білемін. Білгім келеді. Білдім» стратегиясы бойынша оқушылардың қызығушылығын ояту.

Сұрақтар:

• Жер шарының неше пайызы судан тұрады?

• Жер шарында неше мұхит бар?

• Қандай теңіздер, өзендер мен көлдерді білесіңдер?

Мағынаны тану

ІІІ. Оқулықпен жұмыс

«Ойлан, жұптас, бөліс» стратегиясы

Оқушылар мәтінді оқиды, жұптасады, бөліседі.

Мұғалімнің түсіндірмесі :

Қазақстанда ірілі - ұсақты 85 мың өзен бар. Олардың ішінде жеті өзеннің ұзындығы мың километрден асады. Каспий теңізі, Арал теңізі, Балқаш, Зайсан, Алакөл ірі көлдер. Жазық жердегі өзендер баяу ағады. Тау өзендерінің ағысы қатты болады. Жайық өзені суы үлкен көл - Каспий теңізіне құяды.

ІV. Шығармашылық жұмыс.
І – топ «Бес жол өлең» өзен, көл сөздеріне шығарады.
ІІ - топ «Суды қорғау» тақырыбына суретті сызба салады.
ІІІ - топ «Тақырып бойынша сан есім қатыстырылған сөйлемдерді көшіру» керек.

V. Картамен жұмыс.
Қазақстанның физикалық картасынан ірі өзендерді табу.
(Ертіс, Тобыл, Есіл, Жайық, Сырдария, Іле, Шу)

Сергіту сәті

«Молекула»

Шарты: Өзен атауын естігенде жұп сан, көл атауын естігенде тақ саннан тізбекті саусақпен жұптасып құрастыру.

«Мақал жалғастыру»

Мақсаты: түсіп қалған сөзді тауып, мағынасын ажырату.

Таулы жер бұлақсыз болмас, ... жер құрақсыз болмас. (сулы)

Сөздің басы құлақ, ... басы бұлақ. (судың)

Азған елде намыс жоқ, ... жерде қамыс жоқ. (сусыз)

Ой толғаныс

VII. «Аққала» құрастыру

Блум таксономиясы бойынша өтеді.

• ЭКСПО-2017 кім барды?

• Қандай энергия көздері туралы сөз болды?

• Су энергиясын неге пайдалануға болады?

• Су энергиясын тиімді қолдану туралы әңгімелеу.

Үйге тапсырма

Күн мен түнді сүйемін,
Басымды соған иемін.
Нұр мейірлі шуақ бер.
Ырыс, несібе, қуатпен.

Суды үнемдеу туралы эссе жазып келу.

Күнделіктеріне жазу

Бағалау, кері байланыс

«Білемін. Білгім келеді. Білдім.» әдісі

Бағалау.