Сабақтың тақырыбы: Модельге арнайы EV3 программасын құру

Сабақтың тақырыбы: Модельге арнайы EV3 программасын құру

Сабақтың мақсаты: Заманауи технологияларды қолдану, робототехника саласын ұғындыру.

Білімділік: оқушылардың білімін әрі дамыту, тереңдету, ізденгіштігін арттыра отырып, ой-өрісін кеңейту.

Тәрбиелік: оқушылардың бойына адамгершілік қасиеттерін дамыту, өзара сыйластыққа, достыққа тәрбиелеу.

Дамытушылық: тіл байлығын молайту, ауызша және жазбаша сөйлеу мәдениетін, сауаттылығын арттыру, шығармашылық қабілетін дамыту.

Сабақтың әдісі: сұрақ-жауап, ой бөлісу, салыстыру.

Сабақтың түрі: шығармашылық, ой дамыту.

Сабақтың көрнекілігі: роботтар, слайд

І. Ұйымдастыру.

ІІ. Сабақтың тақырыбымен, мақсатымен таныстыру

ІІІ. Жаңа сабақ

Бағдарламалау дегеніміз не?

Роботтарды пайдалану бағдарламалауды қажет етеді. Бағдарлама роботқа жазылған, оны басқаруға көмектеседі. Сондықтан робот техникасы мен бағдарламалау тығыз байланысты.

Бағдарлама деген не?

Компьютерлік бағдарлама — бұл компьютердің (есептеуіш машина) нақты тапсырмаларды орындауға бағытталған нұсқауларының жүйесі.

Бағдарлама — бағдарламалық жасақтаманың (БЖ) бөлігі болып табылады.

Бағдарламалау деген не?

Бағдарламалау — компьютерлік бағдарламалардың құру үдерісі. Бағдарламалау өнер, ғылым, математика және инженерия салаларын кірістіреді. Бағдарламалау компьютерлік нұсқаулықтар жазылған бағдарламалау тілін пайдалануға негізделген.

Бағдарламалау тілі деген не?

Бағдарламалау тілі — компьютер бағдарламаларын жазуға арналған арнайы нұсқаулықтармен белгілердің жиынтығы. Бағдарламалау тілі есептеуіш машина орындайтын бағдарламаның сыртқы келбетін және әрекеттерін анықтайтын ережелер жиынтығынан тұрады.

Бағдарламалау тілінің шығу хронологиясы

• 1957 - Фортран (Fortran) ("FORmula TRANslator)

• 1958 - ЛИСП (LISP) ("LISt Processor“)

• 1959 – КОБОЛ (COBOL) (“COmmon Business Oriented  Language”)

• 1964 – Бейсик (BASIC)

• 1970 – Паскаль (Pascal)

• 1972 – Си (робототехникада кеңінен қолданады; авторы Деннис Риччи)

• 1980 – Cи++

• 1983 – Ада (ADA)

• 1984 – Matlab (MATrix LABoratory)

• 1988 – Mathematica

• 1991 – Visual Basic

• 1991 – HTML (HyperText Markup Language)

• 1995 – Java

• 1995 - PHP (Personal Home Page)

• 2001 - C# (C Sharp)

Қортынды:

Интуитивті графикалық бағдарламалау

LEGO^® MINDSTORMS^® Education EV3 бағдарламалық жасақтамасы графикалық бағдарламалау тілінде негізделген. Нұсқау ретінде графикалық блогтар пайдаланылады. Оны сабақ кезінде қолданған өте ыңғайлы.