Тәрбие сағатының тақырыбы

«Сабырлылық – асыл қасиет»

Күні

Сынып жетекшісі

Сынып

Оқу мақсаты

Оқушыларға сабырлық, ұстамдылық секілді адами қасиеттерді ұғындыра отырып, оның ішкі тыныштығы құндылығын сезіне білуге әсер ететінін түсіндіру.

Құндылықты дамыту

Ар-ұят , талап , ұлттық мүдде

Пәнаралақ байланыс

Қазақ әдебиеті мен шетел әдебиеті

Өткізілу формасы

Пікірталас , әңгімелесу.

Күтілетін нәтиже

Сабырлылық, ұстамдылықтың адамның ішкі тыныштығын сезінуіне әсер ететінін түсінеді; Сабырлық, ұстамдылық қасиеттерін дамытады; Ақыл - ойдың тазалығына жан тыныштығын қалыптастырады.

Көрнекілігі

Видео , қанатты сөздер, әуен

Тәрбие сағатының жоспарлы кезеңдері

Мұғалім әрекеті

Оқушы әрекеті

Ресурс

Ұйымдастыру бөлімі

5 мин

Сәлемдесу

-Саламатсыздар ма , оқушылар. Көңіл – күйлеріңіз қалай?

-Ендеше тәрбие сағатымызды бастайық. Тақырыбы. «Сабырлылық – асыл қасиет».(Оқу мақсаты мен күтілетін нәтижесімен танысады).

- Оқушылар , тыныштық сәтіне кезек берейік.

Тыныштық сәтi. «Күннің нұры» Ыңғайланып отырыңыздар, денелеріңізді түзу ұстаңыздар. Көздеріңізді жұмуларыңызды өтінемін. Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек - қалауыңызды шайып, жүрегіңіздің қауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді. Нұр бірте - бірте қарқын және шұғылана бастайды, сіздің денеңізден шығып, жан - жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын. Осындай Нұр, Махаббат және Тыныштық күйінде отыра тұрыңыз... Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз. Жаймен көзіңізді ашуға болады. Рахмет.

Оқушылар сынып жетекшісімен амандасады.Сабақтың тақырыбы мен күтілетін нәтижемен танысады.

Оқушылар «Күннің нұры» тренингі арқылы тыныштық сәтіне енеді.

Әуен

Негізгі бөлім

35 мин

-Бүгінгі тәрбие сағатымыздың кезеңдерімен таныс болыңыздар. Сынып жетекшісі кезеңдерімен таныстырып шығады.

Бірінші кезең : «Сабырлық – асыл қасиет» баяндама

«Сабырлы болу адам бойындағы ең бір ізгі тамаша қасиеттердің бірі.Ұлы Абай атамыз:өзінің толғамында:

...Сабырсыз, арсыз, ерінішек... деп сабырсыздықты сынайды. Сабырсыздықты еріншекпен арсыздықтың деңгейіндегі жаман әдеттің біріне балайды.

Халқымыз «Сабыр түбі-сары алтын», «Сабырлы жетер мұратқа, Сабырсыз қалар ұятқа» деп сабырға байланысты нақылдар қалдырған. Балаларымыз сонымен қатар «Асықпаған арбамен қоян алар» деген аталы сөзінің өзі сабырлы болуға, әр нәрсенің ақырын күтуге шақырғандығының белгісі.

Сабырлы болу деген өз намысыңда қорғай алмайтын ынжық болу деген сөз емес. Сабырлылық тек терең ойлауға, байсалдылыққа бастайтын қасиет. Сабырлы болдым деп ар-намысыңда қорлауға төзуге болмайтындығын да ескеруіміз керек. Адам баласына тағдырдың жазуымен сан түрлі қиындықтар кездесуі мүмкін. Тек соған сабыр етіп, келер күнге деген үміт пен сенімді жоғалтпай сабырмен қарау ләзім. Адамзаттың ардақтысы Пайғамбарымыз (Оған Алланың игілігі мен сәлемі болсын): «Мұсылманның қандай да бір ісі таңғаларлық. Қандай іс болмасын ол өзіне жақсылық деп біледі. Егер оған бір жақсылық жетсе, ол Аллаға шүкіршілік айтады. Сол шүкір айтқаны үшін оған Алладан жақсылық болады. Ал егер оған бір қиындық жетсе, сабыр етеді. Сол сабыр еткені үшін оған Алладан жақсылық болады», – дейді.

Демек, сабырлы адамға Ұлы Жаратушының шексіз нығметтері бар екендігін осылай өсиет еткен. Ұлы Жаратушы сабырлы пендесіне мейрімін төгеді.

Әрбір сәтсіздіктер Ол ұлы Жатарушының сынағы деп қабылдап, одан сабырмен төзіммен шығумыз керек. Қиындықтар кездессе оған сабыр ету болашақта адамға келетін нығметтердің, жетістіктердің басы деп қабылдау керек.

Сабырлылық адамға өмірдегі түйгендері мен келетін дағды. Ата-ана бала тәрбиесінде сабыр ету, шүкірлік қылу туралы да үнемі айту отыру қажет.

Сабыр Алланың бізге берген ең бңр тығырықтардан шығу ға көрсеткен жолы.

Сабырлылық адамға сенім ұялататын, болашаққа бағыт сілтейтін, қажыр мен қайрат сыйлайтын ең бір ізгі қасиет болғандықтан, әр кез сабырға ұмтылайық»

Екінші кезең : «Жан жарасы жазылмайды» (Видео қарау . пікірталас , өз ойларымен бөлісу).

Сұрақтар :

● Әкесі баласын қалай ұстамдылыққа үйретті?

● “Ашуды ақылға жеңгізе біл” дегенді қалай түсінесіңдер?

● Ашуланған кезде өздеріңді қалай ұстайсыңдар?

Үшінші кезең: Ой шақыру сұрақтары (жұптық жұмыс)

1. Сабырлылық дегенді қалай түсінесіңдер?

2. Адамға қандай жағдайларда ұстамдылық керек деп ойлайсыңдар?

3. Сабырлылық сақтағанда қандай күйде боласыңдар?

4. Өзің ұстамдылық таныту үшін не істедің?

Төртінші кезең : Мақал-мәтелдер сөйлейді.(мақал-мәтелдердің жалғасын табу)

1.«Сабырлының бағына алма бітер, ................... »

2. «Сазды жердің ағашы, .................................... »

3. «Сабыр кірді ашады, ..........................................»

4 . «Сабыр түбі - ........................»

5. «Сабырлы жетер мұратқа, ...................................»

Бесінші кезең : Қанатты сөздер

-Оқушылар , мынадай қанатты сөздерге зер салып тыңдайық.

«Сабырлылық алдында дұшпан сасады, сабырсыздан береке қашады.»Б. Момышұлы

«Даналардың сабырлылығы - бар болғаны олардың өз сезімдерін жүрек түбінде жасыра білуі». Франсуа де Ларошфуко

«Сабырлылық — жақсылықтың қайнар көзі». Лао-цзы. Ал , сендер сабырлыққа байланысты қандай қанатты сөздер білесіздер?

Алтыншы кезең : «Ой талқы» әдісі

Ой толғаныс жазу. Не білдім? Не үйрендім?

Оқушылар тәрбие сағатының кезеңдерімен танысады.

Оқушылар сынып жетекшінің баяндамасын зер салып тыңдайды.

Оқушылар видеоны қарайды. Сынып жетекшісінің сұрақтарына жауап береді.

Оқушылар жұп болып сұрақтарға жауап береді.

Оқушылар мақал-мәтелдің жалғасын табады.

1.Сабырсыздың бағына қау бітер.

2.Сабырсыз ердің сазасы

3.Сабырсыз сырды ашады.

4. сары алтын. 5.Сабырсыз қалар ұятқа.

Оқушылар қанатты сөздерді айтып бөліседі.

«Ой талқы» әдісі арқылы ой толғаныс жазады.

Баяндама

https://youtu.be/B2yBfKUvptg?si=asjrCLrdBTCdpa1Y

Тәрбие сағатының соңы

5 мин

Рефлексия ; «Жүректен жүрекке»

Алтыншы қымбат нәрсе сабыр деген,

Сабырлы адам мұратын табар деген.

Әр істе сабырсыздық түбі – қорлық,

Сабырсыздық басқа бәле салар деген...

А. Мұхамедиярұлы

Балалар шеңберде бір - біріне жылы лебіздерін білдіреді.

Оқушылар өздерінің тәрбие сағаттан алған әсерлерін жазады.

Стикер