Шафтоли эканини ким айтди? латифаси

Ўқутувчи: Абдуяхяева Мамлакат Ташпулатовна

Синф: 2

Фани: ўқиш

Мавзу : Шафтоли эканини ким айтди? латифаси

Дарс мақсади:

Таълимий мақсад: афанда ҳақидаги латифани ўқиб мазмунини тушунтириш.
Тарбиявий мақсад: ўқувчиларда инсонийлик фазилатни шакллантириш.

Ривожлантирувчи мақсад: ўқувчиларнинг оғзаки нутқини мантиқий фикрлаш қобилятини

ўстириш.

Дарс типи: аралаш

Дарс усули: таҳлил қилиш, дедуктив, савол - жавоб, саҳна кўриниш.

Фанлараро боғлиқлиги: ўз-ўзини таниш,қозоқ тили,рус-тили.

Дарс жиҳози: мавзуга оид материаллар

Дарснинг бориши:
I. Ташкилий қисм.
Ўқувчилар билан саломлашиш, навбатчи ахбороти;

II. Психологик тайёргарлик.

II.Ўтилган мавзуни мустаҳкамлаш.

ΙΙΙ.Янги мавзу баёни.

Кириш суҳбати.  

Халқ донишманди — Насриддин Афандини билмаган юртдошим бўлмаса керак. Ўтмишдан

маълумки, Афанди ҳал эта олмайдиган бирорта муаммо йўқ. Эзилган халқ, зулмкор хон,

вазиру амалдорлар, ҳийлагар бой ва савдогарлар, товламачи домла-ю имомларнинг додини

берадиган Хўжа Насриддин халқ назарида ҳақиқат ҳимоячиси ва ўткир сўз устаси бўлган.

Унинг шахси ва ҳазил-мутойиба-ю аччиқ ҳажвга мойил гаплари асрлар оша халқимизнинг

маънавий мулкига айланган бўлиб, ўтмишда кишилар ўз дардларини Хўжа Насриддин тилида

ифода этишган.

Дарслик билан ишлаш.

Дарсликда берилган латифани ифодали қилиб ўқиб мазмунини тушунтириш.

Шафтоли эканини ким айтди?

Афанди бир халта шафтоли кўтариб, кўчада борар экан, бир тўда болаларга қараб:

- Халтадаги нима эканлигини топсаларинг, битта шафтоли бераман,- деди.

- Халтангиздаги шафтоли,- дейишди болалар.

- Шафтоли эканлигини сизларга қандай бадбахт айтди?- деди Афанди ажабланиб.

Латифани ўқувчиларга навбат билан ўқитиш.

Дафтар билан ишлаш.

Луғат иши: тўда,бадбахт,ажабланиб

Дам олиш дақиқаси.

IV. Мустаҳкамлаш

1. Афанди ким?

2. Яна кандай латифалар биласиз?

3.Афанди болаларга нима деди?

4.Болалар Афандининг халтасида шафтоли борлигини қаердан билишди?

V. Ўқувчиларни рағбатлантириш ,баҳолаш.

VI. Уйга вазифа. Латифани ифодали ўқиш.Биттадан латифа топиб айтиш

VII.Дарсни якунлаш.