«Шағынмаркет»рөлдік ойыны (Қаржылық сауаттылық)

МКҚК «Қошақан» бөбекжайы

«Шағынмаркет»

(Қаржылық сауаттылық)

Тәрбиеші: Жумагамбетова Г.К.

2024-2025 оқу жылы

«Шағынмаркет» ойыны

-Бұл балаларға арналған қызықты ойын,ойын барысында олар

«Азық-түлік», «Ойыншықтар», «Жеміс-жидек,көкөністер», «Кітаптар», «Ұлттық киімдер» «Ұлттық бұйымдар» сатып алу процесін үйренеді және логикалық ойлау қабілеттерін дамытады.Бұл ойын бала қиялын дамытып,күнделікті өмірдегі әрекеттерге ерте жастан бейімделу дағдыларын қалыптастырады.

Мақсаты:Балаларға ақшаны дұрыс жұмсауды,есептеуді және қаржылық сауаттылықты меңгерту,қаржылық шешімдер қабылдауды үйрету.

Балаларға көңілді әрі пайдалы іс-әрекет жасау.

Қажетті құралдар:Ойыншық ақшалар(қағаздан жасалған банкноттар мен монеталар)

ойыншықтар,кітаптар, және басқада заттар(тауарлар)

Касса апараты немесе қарапайым есептегіш.

Дүкен сөрелері.

Себеттер,арбалар.

Ойын барысы: Ойын барысында балаларға әртүрлі сұрақтар қою арқылы олардың түсініктерін тексеріп,логикалық ойлауды дамытуға болады.

Мысалы , «Бұл алма қайда өседі?» «Бұл сүт қайдан алынады?»

Супермаркетті ұйымдастыру:Тауарларды дүкен сөрелеріне орналастыру және бағаларын қою.

Рөлдерге бөлу: Бір бала сатушы,қалғандары сатып алушылар.

Бұл қарым-қатынас дағдыларын және өзара әрекеттесуді,тіл табысуды жақсартады.

Сатып алу процесі:Сатып алушылар дүкенге кіріп,тауарларды таңдап алады.Балалар белгілі бір сома беріп және сол ақшаға қажетті заттарды сатып алуды үйренеді.

Бұл ақша санын есептеуге және қаражатты тиімді пайдалануға үйретеді.

Төлем жасау:Содан кейін сатушыға ақшаны санап төлеп,сатып алады.

Ақшаны санап алу:

Балалар өздерінің қалған ақшаларын санап,тағы не сатып алуға болатынын шешеді.

(Әлеуметтік дағдылар,қаржылық сауаттылық)