Сайыс сабак. "Мың бір мақал". 3 сынып

О.Бапышев атындағы №8 ЖОМ

Бастауыш сынып мұғалімі: Ерназарова Н.

Сабақтың тақырыбы Мың бір мақал

Мақсаты:
Білімділік: Оқушыларды халқымыздың асыл сөздері мақал - мәтелдерді жаттай білуге, оны күнделікті ауызекі сөйлеу тілдеріне қолдана білуге баулу.
Дамытушылық: Оқушыларды шапшаңдыққа, ептілікке төселдіру, тіл байлық - тарын арттыру.
Тәрбиелік: Оқушыларды туған елін, жерін сүюге, құрметтей білуге тәрбиелеу.
Күтілетін нәтиже: өз ойларын еркін жеткізе білетін шығармашыл тұлға қалыптастыру.

Түрі: Жарыс сабақ.
Көрнекілігі: Шешендік сөздер, мақал - мәтелдер жазылған слайдтар,
Сабақтың барысы:

1. Ұйымдастыру

2. Психологиялық дайындық.

3. Үйге берілген тапсырманы пысықтап алу.

Ақиық сұңқар мәтіні «иә» немесе «жоқ» стратегиясы бойынша пысықтау.

1. Сенкібай Қабанбайұлы жоңғар шапқыншылығына қарсы шайқастарда ерлігімен аты шыққан батыр әрі шешен. ( иә)

2. Ол шамамен 1912-1979 жылдары өмір сүрген. ( жоқ)

3. Оны «Ақиық сұңқар» деп Абылайхан атаған. (иә)

4. «Ақиық сұңқар» деп қиын қыстау кезеңдерде тапқырлығы, батырлығы үшін аталған. (иә)

ІҮ. Жаңа сабақ.
Жоспары:
1 - тур .Кім жылдам?
2 – тур. Жалғасын тап!
3 – тур. «Ыстық картоп» ойыны. Мағынасын түсіндір
4 - тур . «Жасырдым» жұмбақ сайысы.

5 - тур.Аударып көр
6 - тур Қорытындылау
I. Кіріспе.
Құрметті оқушылар, ұстаздар! Бүгінгі біздің ойынымыз «Мың бір мақал» - деп аталады. Ойынымыз 6 турдан тұрады. Ойынға қатысушыларды ойынның мақсатымен, жоспарымен таныстырып өтемін.
Мақал - мәтелдер халық ауыз әдебиетінің бір саласы. Мақалдар ой дәлдігімен, тереңдігімен, ықшамдылығымен ерекшеленеді. Онда халық тарихы, оның әлеуметтік тіршілігі, ақыл - өнегесі мол көрініс тапқан.

II. Негізгі бөлім.
Оқушылар екі топқа бөлінеді. Әр топ өз аттарын, ұрандарын таныстырып өтеді.
1 - тур. «Кім жылдам» - деп аталады. Бұл турда әр топтан бір оқушыдан шығып, таңдаған тақырыптары бойынша мақал айтады..
2 - Тур «Жалғасын тап». Мақалдың жалғасын табу,

1. Көзі соқырдан қорықпа,
...(Көңілі соқырдан қорық).

2. Әдепті бала - арлы бала
...(Әдепсіз бала – сорлы бала).

3. Еңбек етпесең, елге өкпелеме,
...(Егін екпесең, жерге өкпелеме).

4. Ат жаманы жолда қалдырар,
...(Жолдасы жаманды қолда қалдырар).

5. Атадан жақсы ұл туса,
Елінің қамын жейді:
...(Атадан жаман ұл туса,
Елінің малын жейді).

6. Әдептілік, ар - ұят,-
Адамдықтың белгісі.
...(Тұрпайы мінез, тағы, жат -
Надандықтың белгісі).

3 тур. «Ыстық картоп» ойыны. Мына сөз тіркестерінің мағынасын ашуларың қажет.

Тонның ішкі бауындай- тату, тәтті......

Сүт пісірім уақыт- жылдамырақ

Ат шаптырым жер- алыс жер......

Таяқ тастам жер- жақын жер.........

Екі көзі төрт болу- күтіп қалу.............

Көз салды - қарады..............

Құлақ түрді- тыңдады.......

Тайға таңба басқандай - анық..........

4 тур. «Жасырдым жұмбақ» сайысы. Жұмбақты шешіп , сол сөзге мақал- мәтел ойлап табу керек.

Жұмбақ.

1.Үй ішінде отыз екі батыр,

Кіргендерді отап, турап жатыр.

(тіс)

2. Бетіңді тырыстырады.

Арқаңды құрыстырады

Ыңғайына көне берсең,

Досыңмен де ұрыстырады.

(ашу)

3. Иесі оның сәби,

Әрі төсек, әрі үй.

(бесік)

4. Жалт –жұлт етер,

Жалмап бәрін кетер.

(от)

Дәптермен жұмыс. Берілген мақалды толықтырып жаз.

Жақсы сөз.............................

( толық ырыс, жарым ырыс, көп ырыс)

5- тур. Аударып көр. Бұл турда орыс тілінде оқылған мақалдың қазақша баламасын табу.

1. Кто молоко украл – тот спасся,
Кто чашку облизал – попался.
2. Две головы бараных целиком,
Не умещаются в котле одном.
3. В родной долине лучше прахом быть,
Чем на чужбине падисшахом быть.
4. Даже мышка, что жива,
Лучше мёртвого льва.

6- тур. Қорытынды. Мақалдардың мағынасын түсіндіріп ашып беру.

Үйге тапсырма : дәптерге бес мақалдан жазып келу.

Бағалау.

Кері байланыс.