Тақырыбы: «Әуенді тап»

Мақсаты: Таныс әуендерді тыңдап ажырату арқылы есту, есте сақтау,әртүлі ырғақтарды, әртүрлі жанр түрлерін үйренеді. Топта жұмыс жасау арқылы достыққа,қуана білуге, өзара сыйластыққа бейімделеді.

Көрнекілігі: Музыкалық аспаптар, ойындарға арналған заттар.

Шаттық шеңбері:

Амансың ба нұрлы күн!

Амансың ба қара жер!

Аман-есен болайық!

Бейбітшілік қалайық!

Тәрбиеші:
Біз лагерьде демаламыз, ойнаймыз.
Неше түрлі қызықтарға тоймаймыз.
Жүгіреміз, секіреміз жарысып,
Ән саламыз, би билейміз майысып.

Тәрбиеші: -Балалар,жазғы демалыс лагерінде сендердің қызыққа толы күндерің өтіп жатыр. Әрбір күндерің есте қаларлықтай тамаша өтуіне тілектеспін! Жадырап жаздың қызықты күндеріде өтіп жатыр,кәне кім қандай өлең біледі жаз айларына арналған?

Жайқалып жапырақ,

Құлпырып қызғалдақ

Тұратын көз тартып,

Жаз келді күн шуақ. 

Жаз келді далама,

Түсті кілем төседі

Бақшамызда, аулада,

Гүлдер жайнап өседі.

Күлімде күн күлімдеп,

Жер жасарып көгерсін

Жаз келді деп, қуанып,

Шаттанады бүлдіршін.

Бәрі-бәрі тамаша,

Бәрі түгел жаңаша

Табиғатпен бірлесіп

Қуанамыз балаша.

Тәрбиеші: -Кәне бәріміз ортаға шығып, жақсы әуен ырғағына билеп алайық және музыка тоқтаған кезде 5 баладан бірігіп қол ұстасып тұра қаламыз, осылайша билей жүріп топтарға бөлінеміз. /топқа бөліну/

Тәрбиеші: -Сонымен біз 3 топқа бөліндік,енді әр топ өз орындарыңа жайғасып отыруларыңды сұраймын. Бүгінгі сабағымыздың тақырыбы «Әуенді тап» деп аталады,сондықтан да сендер жыл бойы үйренген әндеріңді естеріңе түсіріп,қызықты ойынға белсене кіріседі деп ойлаймын.Сайысымызды бастамас бұрын әділ қазылар мүшелерін сайлап алайық.Ендеше сайысымызды бастайық.

1-сайыс «Әуенді тап»

Тақырыптарды таңдап,сол тақырыптың ішіндегі реттік саны бойынша берілген әндердің атауларын табу.Әр дұрыс жауап 5 балл есебінде бағаланады.Әр топ өз кезегінде бастап отырады.

Тақырыптар:

1. Ана туралы әндер

2. Балаларға арналған әндер

3. Мектеп туралы әндер

4. Жаңа жыл туралы әндер

5. Патриоттық әндер

6. Халық әндері

Ойын «Балық, құс, аң» Шеңбер жасап ортада тұрамыз.Жүргізуші «Балық», «Құс», «Аң» деп айтып келе жатып бір баланың жанына тоқтап осы сөздердің біреуін айтады.Сол бала естіген сөзі бойынша жылдам бірнеше мысал келтіреді.Айта алмаса ойыннан шығады.

2-сайыс «Топта ән орындау»

Тақырыптар таңдалып, сол тақырыптардың ішіндегі реттік саны бойынша тұрған әнді таңдаймыз.Сол әннен үзінді орындаймыз.Әнді дұрыс орындаған топқа 5 балл есебінде бағаланады.

Тәрбиеші:-Сонымен бүгінгі сайысымызды қорытындылайтын уақыт келді. Сендерге бүгінгі сайыс ұнады ма? Ендеше сабағымыздың соңында бәрімізге ортақ, таныс бір әнді орындап сабағымызды аяқтайық.

Сайыс сабақ : «Әуенді тап»