Сайыс сабақ "Жас физик"

« Жас физик » атты білімділік сайыс

Мақсаты:

• Физика пәні бойынша оқушылардың ой-өрісі мен танымдық белсенділіктерін ойын арқылы арттыру;

• Оқушылардың танымын арттыра отырып, ізденімпаздыққа, белсенділікке баулу;

• Пәнге қызығушылығы мен ізденісін арттыра отырып, жауапкешілікке, еңбексүйгіштікке тәрбиелеу;

Ұйымдастыру кезеңі.

1- айналым. ʺКөкпарʺ

2 - айналым. ʺ Жұмбақ тас ʺ

3 - айналым. ʺ Үш таған ʺ

4 - айналым. ʺ Лидерге жету ʺ

І - айналым «Көкпар»

Физика пәні бойынша сұрақтар ұяшықтарға бөлінген. Сұрақтардың ауырлығы бойынша тиісті баллмен есептеліп отырады. Сайыс ережесі бойынша осы айналымнан кейін ең жоғарғы балға ие болған 4 оқушы қалуы тиіс.

ІІ - Айналым «Жұмбақ тас»

Қазақтың ертеден келе жатқан таста жасырылған /10/ жұмбағын шешулері керек. Әрбір дұрыс жауап берген оқушыға 10 баллдан есептеліп отырады. Сайыс ережесі бойынша осы айналымнан кейін жоғарғы балға ие болған 3 оқушы қалуы тиіс.

1. Алма түсіп қасына,

Қасына емес, басына.

Тартылыс заңын таптым деп,

Кетті ғалым алысқа /И. Ньютон/

2. Бір бұлбұл отырады салып әнді,

Жүруге аяғы жоқ, емес жанды.

Өнері қандай асқан деп ойладым.

Бір демде жер түбінен хабар алды /Радио/

3. Жалғыз бағыт білері,

Бұрғаныңа көнбейді.

Жол көрсетіп береді,

Бірақ өзі көрмейді. / Компас/

4. Тар шеңберді айналып ,

Тұр қазықта байланып.

Қаға берер таңдайды,

Әдетінен танбайды /Қабырға сағаты/

5. Көкке қараған, жұлдыз санаған /Телескоп/

6. Алтын теңге кетеді,

Күміс теңге келеді. / Күн мен ай/

7. Өзі затты құрайды,

Теңесуге таразы сұрайды /Масса/

8. Біреудің бір ұлы бар және қызы,

Біледі ол екеуін дүние жүзі.

Ұйықтайды ұлы түнде қызы күндіз

Жүргенде білінбейді басқан ізі. /Күн мен Түн/

9. Мұз жарғыш жүзіп келеді

Бауыры қызып келеді

Абайла ойып түсер

Ондайлар бұзық келеді /Үтік/

10. Аса қажет өмірге халық үшін

Пайдаланам өмірге жарық үшін /Электр тогы/

ІІІ -Айналым «Үш таған»

Үш бұрыштағы берілген ф.шамалардан бір-біріне байланысын табу керек. Әрбір дұрыс жауап берген оқушыға 5 баллдан есептеліп отырады. Сайыс ережесі бойынша осы айналымнан кейін ең жоғарғы балға ие болған 2 оқушы қалуы тиіс.

m

v

ρ

4-Айналым «Лидерге жету» Оқушыларға 2 түрлі тәжірибие беріледі және сол тақырыпқа байлынысты өзінің пікірін жұртшылыққа жеткізе білдіруі тиіс. Ең жоғарғы балл - 50 балл.

А. Шыны ыдысқа ашық көгілдір түсті мыс тотиянының ертіндісін құйып, оның үстіне таза суды құйып қоялық. 2 аптадан кейін ..................................................................?

1. Бұл қандай құбылыс?

2. Қандай күйдегі құбылысты бақылауға арналған тәжірибие?

Жауабы: сұйықтықтардың арасындағы шекара жойылады, ыдыста бір түсті ерітінді түзіледі.Сұйықтықтардың молекулалары үздіксіз және ретсіз қозғалыста болады. Бұл процесс диффузиядеп аталады.

Б. Түйісетін беттері мұқият тегістелген қорғасын мен алтынды бір-біріне беттестіріп, 5 жыл өткеннен кейін.....................................................................................?

1. Бұл қандай құбылыс?

2. Қандай күйді құбылысты бақылауға арналған тәжір ибие?

Жауабы: бір-біріне 1мм тереңдікке өтіп, тұтасып, жабысып қалады. Қатты денелердегі диффузияны бақылауға арналған тәжірибие. Бұл процесс диффузия деп аталады. Қатты денелерде диффузия баяу жүреді.

Сайыс соңында жеңімпаз мақтау қағазымен марапатталады.