Сайыс сабақ. Керемет жетілік (қыз балалар арасында )

Сабақтың тақырыбы: Керемет жетілік (қыз балалар арасында )

Сабақтың мақсаты:

білімділік:Технология сабағынан үйренген, алған білімдерін көпшілікке көрсету және қазақ халқының ұлттық өнерін дәріптеп, келешек ұрпаққа үйрету, мақал – мәтел айтып, жұмбақ шешкізу.

дамытушылық: білім, біліктіліктерін дамыту.

тәрбиелік:тәрбиелікке, ұлттық салт –дәстүрді құрметтей білуге тәрбиелеу.

Сайыстың өтілу ретін түсіндіру.

7 оқушы ортаға шығады.

Әр кезең сайын аз ұпай жинаған 1 оқушы қатардан шығып қалады.

I кезең 7оқушы - мақал – мәтел жалғасын табу

II кезең 6 оқушы – сұрақ – жауап

III кезең 5оқушы - ою түрлерін ою

IV кезең 4оқушы - сөзжұмбақ

V кезең 3оқушы - стильтүрлеріне байланысты киім модельі эскизін сызу

VI кезең 2 оқушы – құрақ түрлерін құрастыру

VII кезең 1оқушы - өз өнерін көрсету.

Құрметті ойынға қатысушы қыздер сіздерге сәттілік!

I кезең. Мақал – мәтел жалғасын табу.

Шешендікті құрметтеген барлық елде

Сөз тапқанға дауа жоқ әрбір жерде

Сөз жүрегі мақал деп босқа айтпаған

Қалып па екен осы сөз оқушылар есінде, - дей отырып 1кезең бойынша мақал – мәтел жалғасын табу.

1. Жеті рет өлше, ..............(бір рет кес).

2. Өнерлінің он саусағы тең,

.........................................(Өнерсіздің бір саусағы кем).

3. Үйренгенің өзіңе құт,

...........................................(Істегенің еліңе құт).

4. Шын шеберде ..................( мін болмас).

5. Еңбегіңе қарай - құрмет,

..........................................(Жасына қарай – ізет).

6. Еңбексіз өмір жоқ.

..........................................(Ауырсыз жеңіл жоқ).

7. Еңбек - өмірді ұзартады,

............................................(Ұят – бетті қызартады).

8. Ананың көңілі балада,

...........................................(Баланың көңілі далада).

9. Жаңбырменен жер көгерер

............................................ (Еңбекпенен ел көгерер).

10. Байлықтың атасы еңбек,.............( анасы – жер ).

11. Істегенің еліңе жақсы,

......................................(Үйренгенің өзіңе жақсы).

12. Көз қорқақ, ...................(қол батыр).

II кезең.Сұрақ – жауап.

Білім деген байлық бар,

Еш байлық оған жетпейді.

Жасыңда оқып, жиып ал

Тепкілесең кетпейді, - дей отырып 2 кезең бойынша сұрақ – жауап.

1. Қазақ қыздарының бас киімі /тақия, бөрік/

2. Егде жастағы әйелдің бас киімі /кимешек/

3. Ұлттық өрнек /ою/

4. Қой терісінен тігілген ер адамның сыртқы киімі /тон/

5. Ер адамның ұлттық аяқ киімі /саптама, мәсі, етік/

6. Қазақтың жеңі жоқ жеңіл киімі /қамзол/

7. Бөрік тігуге қолданылатын аң терісі /камшат, құндыз жанат, т.б./

8. Қазақтар киімге тігуге өздері өндірген қай материалдарды жиі пайдаланған /жүн, тері/

9. Қыздардың әшекейлері /білезік, алқа, сырға, сақина, шолпы/.

III кезең.Ою түрлерін ою.

Сегіз қырлы, бір сырлы

Біздің қыздар өнерлі.

Саусақтары майысып

Меңгеріпті ою сынды өнерді, - деген жырлармен 3 кезеңіміз ою түрлерін бүктеп ою әдістерін көрсету.(қыздар жұмыс істеп жатқан кезде жәй күй

IV кезең. Сөзжұмбақ.

IV кезең тақырыбымызға байланысты «Керемет» сөзін шығару мақсатында сөзжұмбақ шешу.

				К
				Е
				Р
				Е
				М
				Е
				Т

1. Төсектің тұсына ұстайтын әшекейлі кілемше(текемет)

2. Зергерлердің затты әсемдеу әдісі (бедерлеу)

3. Екі түсті киізден жасалған төсеніш (сырмақ)

4. Өнер саласы (театр)

5. Мата түрі (мақпал)

6. Тігіс аты (жөрмек)

7. Қамыр жаймалайтын құрал (оқтау)

V кезең. Стиль түрелеріне байланысты киім модельі эскизін сызу.

« Киім – сұлулық ұғымының бір түрі», «Ағаш көркі – жапырақ, адам көркі – шүберек» дегендей киім түрлерін стиль түрлеріне байланысты эскизін жасау.

Ән. Орындайтын: Маханова М.

VI кезең. Құрақ түрлерін құрастыру.

VI кезеңде «Ана көрген тон пішер» дегендей, құрақ құрау өнері де қазақтың дәстүрлі қолөнерінің бірі. Түрлі – түсті қағаздан қиылған қиық құрақ түрлерін құрастыру.

Ән. Орындайтын: Орынбасарова А.

Ұстаздан үлгі алған ұста болар,

Ұстаз сөзі – шәкіртке нұсқа болар,

Асыл сөзін ұғынып алған шәкірт,

Екі айтқызбай есіне ұстап алар.

Жеті оқушыдан оза шыққан керемет жетінші оқушымыз әрі қарай өзінің керемет екендігін дәлелдеу үшін өз өнерін көрсетеді.

Сайысымызды қорытындылай келе сайысқа қатысушы оқушыларымызға рахмет айта отырып, жеңіп шыққан оқушыға «Шебер» атты ылқа тағылып марапатталады.