Сайыс сабақ Қызықты биология әлеміне саяхат 7 сынып

Күні: 17.05.2022ж. Мұғалімнің аты-жөні: Бектемірова Ақтеңге

Тақырыбы: «Қызықты биология әлеміне саяхат» интеллектуалды сайыс сабақ

Мақсаты: Оқушылардың пәнге деген қызығушылығын артыру Оқушылардың білімдерін нығайта отырып, табиғатты сүюге, берекелі тіршілігін қорғауға баулу.

Отан сүйгіштікке тәрбиелей отырып, оқушыларды топпен жұмыс жүргізу арқылы бірлікке тәрбиелеу.

Сабақтың жоспары:

Қайырлы күн құрметті ұстаздар мен оқушылар. Сайыс десе белсене араласатын көрермен қауым! «Қызықты биология әлеміне саяхат» атты 7 сыныптар арасындағы биология пәнінен өткізілетін танымдық сайысымызға қош келіпсіздер!

Біздің бүгінгі сайысымыз ІІІ-топтаң, V-кезеңнен тұрады.

Ақыл – тон аңдығанға тозбайтұғын,

Білім – кен, қанша болса азбайтұғын,

Қатарың оза шауып бара жатса,

Арқаңның ауруы не қозбайтұғын –

деп Тұрмағамбет Ізтілеуов айтқандай, білімдік сайысқа белсене, құлшына араласатын топтарымызды таныстырып өтейін: Қызғалдақ тобы. Бәйшешек тобы. Жауқазын тобы.

Сайыскерлеріміздің біліміне, шеберлігіне әділ бағасын беретін әділ - қазылар алқасымен таныстырып өтетін болсам:

1. Биология пәнінің мұғалімі:Жантақбаева Назгүл

2. Ұйымдастырушы педагог: Нұрсұлу Матаевна

3. Оқу ісі жөніндегі орынбасары: Түйешиева Қымбат

Енді сайысымыздың негізгі бөлімдерімен таныстырар болсам: Сайысымыз 5 кезеңнен тұрады:

І кезең - «Қызықты сұрақтар». ІІ кезең «ОЙЛАН ТАП» ІІІ кезең – Терминдер аукционы IҮ кезең – «Полиглот - тіл өнері» Ү кезең - Бұл қай ғалым?

Тапқыр, білгір, дарынды,

Жарыс бар бүгін арынды,

Биология пәнін сүйсен сен

Ортаға сал барыңды –

деп, сайысқа қатысушы оқушыларға сәттілік тілей отырып, сайысымыздың алғашқы турын бастайық.

I кезең. «Қызықты сұрақтар». Дұрыс жауап үшін 10 ұпай беріледі. Ендеше іске сәт.

1) Шай қайнатып шағала, Бәрін шайға шақырды. Келді тоғыз шағала, Неше шағала шай ішті? (10)

2) Бөлменің 4 бұрышы бар. Әр бұрышта 1 мысық отыр, әр мысықтың қасында 3 мысық отыр. Бөлмеде неше мысық бар? (4)

3) Жаңбыр құйып тұр. Қарлығаш қандай ағашқа қонады? (Су ағашқа)

4) 1 кг тас ауыр ма, 1 кг мақта ауыр ма? (Екеуі де тең)

5) Адам миының қабілеті қандай? Минутына 1000 сөз оқуға жетеді

6) Әлемдегі ең үлкен тірі ағза? Орегондағы алып бал саңырауқұлағы

ІІ кезең «ОЙЛАН ТАП» берілген суреттерге байланысты мақал –мәтел құрастыру керек. Ойлануға 3 минут уақыт беріледі. 10 ұпаймен бағаланады.

ІІІ кезең – Терминдер аукционы. Бұл кезеңде оқушылар алған білімдерін ортаға салады. Өтілген тақырыптар бойынша термин сөздер оқылады. Әр дұрыс жауапқа 10 ұпайдан беріледі.