Сайыс сабақ Ұшқыр ой мен шешен тіл 3 сынып

Тақырыбы: «Ұшқыр ой мен шешен тіл»

Мақсаты: Оқушылардың жан-жақты білімдерін тексеру, логикалық ойлау, есте сақтау
қабілеттерін шыңдау. Өз ойын жеткізе білуге тәрбиелеу.

Көрнекілігі: нақыл сөздер, тапсырмалар, логикалық тапсырмалар, әр топқа даярлаған үстел, интерактивті тақта.                                                                    

Түрі: Топтық сайыс  

Барысы:

Ұйымдастыру кезеңі.

Армысыздар ,ардақты ұстаздар, қадірлі қонақтар. «Ұшқыр ой мен шешн тіл» атты сайысымызға қош келдіңіздер.

Білім деген биік шың,

Бақытқа сені жеткізер.

Білім деген ақылшың,

Қиындықтан өткізер.

Бүгінгі сайысымызды бастауға рұқсат етіңіздер.

Достық пен бірлікті етіп тұлға,

Жеңіске жеткен едің талай сында.

Қара қылды қақ жарып әділ қазым,

Еңбегін тапқырлардың әділ сына, деп әділ қазы алқаларымен танысып өтейік.

1._________________________________________________________________

2._________________________________________________________________

3._________________________________________________________________

Көңілді тапқыштар, алғырлар,

Бар өнерін алдарыңа салады.

Кім білімді,көп оқыған болса,

Бүгінгі күн жеңімпазы болады.

Ендеше алдымен сайысқа қатысушылармен танысып өтейік.

1. «Тапқырлар» тобы.

2. «Алғырлар» тобы

1 кезең - Таныстыру

2 кезең -"Сұрақ бізден-жауап сізден»

3 кезең -«Қанатты сөз қазына»

4 кезең -"Айшықты сөздер"                                                                                                                  

5 кезең -"Суреттер сөйлейді"

6 кезең -"Құпия сандық "

Білген сайын келеді біле бергім,
Біле беру емес пе тілегі елдің.
Бүгін осы сайыста жеңіске жет,
Білімді, әрі білікті жас жеткіншек
- деп сайысымыздың 1 - бөлімін бастаймыз.

І – кезең: Таныстыру. Енді топ мүшелерімен танысуға көшейік. (әр топ – топ аты, топ ұранын, сәлемдесуімен таныстырады)

1-топ:  «Алғырлар» тобы

Ұраны:  «Алғырлар» алға                                                                                         

Қарсыластан қалма                                                                                                      

Батылдыққа баста                                                                                                  

Жарыстардан қашпа

2-топ: «Тапқырлар» тобы

Ұраны:  Біз тапқырлар тобымыз                                                                              

Ойланамыз табамыз                                                                                                  

Қарсыластан біз жеңілмеуге                                                                                              

Жеңуге біз талпынамыз

ІІ – кезең: «Сұрақ бізден- жауап сізден»

Ұшқыр ойға ерік болып шеберлік,

Сөз кезегін әдебиетке берелік

Арамызда тапқыш достар көп екен

Солардың енді жауаптарын көрелік

Әрбір дұрыс жауап 1 ұпай.

1-топ  «Алғырларға»                                                                                      

1. Ұлыстыңұлы күні қай күн? (22 наурыз)                                                                           

2. Төрт жыл мезгілдеріне байланысты өлең жазған ақын? (Абай)                                 

3.«Кел,балалар оқылық» өлеңін кім жазған? (Ы.Алтынсарин)

4. Түркістан қаласы қай өңірде орналасқан? (Оңтүстікте)                                                        

5. Небары 27 жас қана өмір сүрген дарынды ақын кім? (С.Торайғыров)

6. Шығармада кейіпкердің кезектесіп сөйлеуін қалай атайды? (диолог)  

7. Тұңғыш «Әліппе» оқулығын кім жазған? (А Байтұрсынұлы)

8. Қазына көтерген бала кім еді? (Қаныш Сәтбаев)                                             

9 .Спандияр Көбеевтің орындалған арманы қандай еді? (оқуға алынуы) 

10. Абай туралы төрт томдықроман эпопеясын жазған ұлы жазушы кім? (М.Әуезов)

2-топ  «Тапқырларға»

1. Б.Соқпақбаевтың  «Менің атым-Қожа» шығармасындағы Қожаның сынып жетекшісі кім? (Анфиса Михайловна) 

2. Ұлы жүздің биі кім? (Төле би)                                                                         

3. Кейіпкердің ішкі сезімін білдіру үшін өзімен-өзі сөйлескен сөзі (монолог)

4. Әлемге әйгіліқазақтың паланы Қажымұқанның барлық медалі қанша? (48)

5. Азан шақырып қойған аты - Ибраһим кім еді? (Абай)                                                      

6. Б.Соқпақбаевтың «Компас» әңгімесіндегі балалардың есімі? (Қанат, Бодан) 

7. «Алтын балық әңгімесіндегі   бала Шөкі қандай тілек тіледі? (анасының жазылып кетуін)

8. Қанат туралы хикаяны кім жазған? ( Ф.Оңғарсынова)                                                          

9. Ө.Тұрманжановтың «Қарлығаш» өлеңінде қарлығашқа не көмек береді? (дәуіт)

10. Абай Құнанбаевтың әжесі кім? (Зере)

Әділқазылардың берген ұпай саны.

3 кезең -«Қанатты сөз қазына»                                                                                                 

Әрбір дұрыс жауап 5 ұпай.

1-топ Еңбек туралы 4 мақал.                                                                                                      

2- топ Отан, туған жер туралы 4 мақал.  Әр топ өзіне берілген тақырыпқа сай мақал-мәтел айтады.                                                                                         

Әділқазылардың берген ұпай саны.

4 кезең -"Айшықты сөздер" бұл айналымда бірнеше сөз тіркесі беріледі оқушылар бір сөзбен айтуы керек. Әрбір дұрыс жауап 1 ұпай.

1-топ. 

1. Төбе шашы тік тұрды.  (қорықты)                                                                              

2. Қолды болды (Ұрланды)                                                                                                      

3. Жүрек жұтқан (батыр)                                                                                                                  

4. Қоян жүрек (қорқақ)                                                                                                                                

5. Көз ілінбеді  (ұйықтамады)                                                                                                   

6. Бетінен оты шықты  (ұялды)                                                                                                    

7. Қой аузынан шөп алмас (жуас)                                                                                                      

8. Төбесі көкке жетті (қуанды)

2-топ. 

1. Күлін көкке  ұшыру (құрту)                                                                                                 

2. Жүрек жалғап алды (тамақтанды)                                                                                          

3. Көзін-ашып жұмғанша  (лезде)                                                                                              

4. Беті бүлк етпеді (ұялмады)                                                                                                      

5. Ит терісін басына қаптады  (ұрысты)                                                                                               

6. Тісіңнен шығармау  (айтпау)                                                                                         

7. Қабағынан қар жауды (ашуланды)                                                                                                 

8. Ит өлген жер (алыс)

Әділқазылардың берген ұпай саны.

5 кезең -"Суреттер сөйлейді»      Әрбір дұрыс жауап  5 ұпай.

1-топ.                                          2-топ.

1. М. Дулатов                             А. Құнанбаев                                                       

2. С.Сейфуллин                        Т. Молдағалиев                                                    

3.М.Әуезов                        Ж.Аймауытов                                                                             4. Айдын Айымбетов                 Т. Аубакиров                                                                             

5. Ф.Оңғарсынова.                     Ш. Уәлиханов.

Әділқазылардың берген ұпай саны.

6-кезең- «Құпия  сандық» бұл кезеңде екі топ қорап ішінде жасырынған құпия затты табады.

1-топ. Ертегі кейіпкерлері зал ішіне кіріп осы қорапта жасырынған затты көреді де.

Ханшайым-қандай керемет дейді. Жалмауыз кемпір көріп-қандай қорқанышты дейді. Ал, Бауырсақ көріп мен өзіме дәл осындай сатып алам, тек домалағын дейді. Сұрақ олар зал ішінен қандай затты көрді?

Жауабы: Айна

2-топ. Оқушылардың партасына кастрольді койып, бұл кастрольді әлемдегі ең үлкен кастроль деп елестетіңдер. Оның ішіне біз неше түрлі тамақтар пісіріп қана қоймай, әлемдегі бар затты соның ішіне сыйдырамыз тек бір нәрсе оның ішіне сыймайды. Сұрақ ол не?
Жауабы: кастрольдің қақпағы

Әділқазылардың берген ұпай саны.

Осымен ойынымыз шарықтау шегіне жетті.
Жарыс заңы ежелден,
Жеңімпазды анықтау.
Жеңімпаз болу шарты сол,
Еңбектену, жалықпау. –
деп сөз кезегі әділқазыларға беріледі. Жеңімпаздарға марапаттау айтылады. .