Сайыстың тақырыбы: «Үздік тарихшы»

Мақсаты: Оқушылардың меңгерген білім деңгейін анықтау, ойлау қабілеттерін дамыту, сөйлеу мәдениетін жетілдірy, білімді, жан-жақты болуға үйрету.

Армысыздар ма, құрметті ұстаздар, оқушылар және ойынға қатысушы сайыскерлер!

Ойын толқын, айналған қатты ағысқа,

Табылғандай танымда, жат дауыста.

Біреу озып келеді қатарынан,

Біреу қалып жатады асығыста.

Ойын толқын жатқанда асып, тасып,

Біреу мығым, біреулер шалыс басып.

Бұл ойыннан өтеді ғұлама ойлар,

Жеңсе де, жеңілсе де қалма жасып.

 «Білекті бірді жығады, білімді мыңды жығады» деген дана халқымыз. Біз білім теңізінен жүзіп өткенде ғана еліміздің тірегі, сүйеніші боламыз! Сондықтан да бүгінгі «Үздік тарихшы» сайысына қош келіпсіздер!

Бүгінгі білім сайысын бағалайтын әділқазылар алқасын таныстыруға рұқсат етіңіздер!

1.

2.

Алдымен сайысымызды бастамас бұрын сайыскерлерімізді таныстырып өтейік.

1. «Алаш елі» 8 а,ә сыныптары

2. «Тәуелсіздік» 8 б, в сыныптары

Сайысымызың кезеңдері мен таныстырайық

І кезең «Асу» кезеңі

(топтарға 5- сұрақтан сұрақтар қойылады, қай топ сұрақтарға дұрыс жауап берсе, соған қарай бағаланып отырады. Әр бір дұрыс жауап 5 –ұпай мен бағаланады)

ІІ кезең «Сандарда сөйлейді»

( бұл кезеңде топтар сағат тілімен қай ғасырда қандай оқиға болғанын ретімен айту керек. Қандай оқиғаның болғандығын қай топ көп анықтаса сол топ жеңімпаз болады. Әр бір дұрыс жауап 5 –ұпаймен бағаланады)

ІІІ кезең «Ер есімі ел есінде»

(бұл кезеңде белгілі бір тұлға туралы мәтін беріледі, топтар берілген мәтіндегі тұлғаны анықтауы керек)

IV кезең «Сен білесің бе?»

(бұл кезеңде белгілі бір тұлға туралы мәтін беріледі, топтар берілген мәтіндегі тұлғаны анықтауы керек)

V кезең.

(бұл кезеңде топтарға кесте беріледі, кестедегі әріптер негізінде қазақ тарихындағы ұлт –азаттық көтерілістерінің басшыларының есімдерін айтады)

VІ кезең. «Тәуелсіздік –ел тұғыры»

(қортынды кезеңде топтарға сұрақтар қойылады, берілген дұрыс жауаптарына қарай бағаланып отырады. Топтар сұрақтарға «Иә» немесе «Жоқ» деп жауап береді)

І кезең «Асу» кезеңі

(топтарға 5- сұрақтан сұрақтар қойылады, қай топ сұрақтарға дұрыс жауап берсе, соған қарай бағаланып отырады. Әр бір дұрыс жауап 5 –ұпай мен бағаланады)

«Алаш елі» тобына

1. «Ботай» мәдениеті орналасқан аумақ (Солт. Қазақстан)

2. Ежелгі түркі қолжазбаларының құпиясын ашқан ғалым (В. Томсен)

3. Семей ядролық полигонындағы алғашқы сынақ жасалды (1949 жыл)

4. Қазақ КСР Ғылым академиясы құрылған жыл (1946 жыл)

5. 1929-1997 жылға дейін Қазақстанның астанасы болған қала (Алматы)

«Тәуелсіздік» тобына

1. Ғалымдардың пайымдауынша жібек өндіру технологиясы бұдан қанша мың жыл бұрын ашылған (6 мың)

2. «Әскери коммунизм» саясаты қабылданған жыл (1919 жыл)

3. Тарихта «Хрущев жылымығы» деп аталған жылдар (1954-1964 ж.ж.)

4. КСРО –да соғыстан кейін ақша реформасы енгізілді (1947 жыл)

5. КОКП ОК Пленумында тың және тыңайған жерлерді игеру туралы шешім қабылданды (1954 жыл)

ІІ кезең

( бұл кезеңде топтар сағат тілімен қай ғасырда қандай оқиға болғанын ретімен айту керек. Қандай оқиғаның болғандығын қай топ көп анықтаса сол топ жеңімпаз болады. Әр бір дұрыс жауап 5 –ұпаймен бағаланады)

Үлгі: VI ғасырдың ортасында Ұлы Далада түрік қағанаты пайда болды.

ІІІ кезең«Ер есімі ел есінде»

(бұл кезеңде белгілі бір тұлға туралы мәтін беріледі, топтар берілген мәтіндегі тұлғаны анықтауы керек)

«Алаш елі» тобына

1. Әйгілі жыраулардың бірі Абылай ханның кеңесшісі, қазақтың «Көмекей әулиесі» атанған жырау (Бұқар жырау)

2. Тарихшы ғалым, зерттеуші «XIX ғасырдың 20-40 жылдарындағы Қазақстан» монографиясының авторы, Кенесары Қасымұлы бастаған көтерілістің тарихын зерттегені үшін айыпталып 25 жылға бас бостандығынан айрылды ( Е. Бекмаханов)

«Тәуелсіздік» тобына

1. Ол ұлы ақын Абайға туыс болып келеді. Жастайынан араб, түрік, парсы, орыс тілдерін жетік меңгерген . «Қалқаман -Мамыр» поэмасының авторы (Шәкәрім Құдайбердіұлы)

2. 1894 жылы Санкт –Петербургтегі орман институты мен қатар осы қаладағы заң университетіне өз бетінше емтихан тапсырып, орманшы –ғалым және заңгер дипломын алған Алашордашы қоғам қайраткері (Әлихан Бөкейханов)

IV кезең «Сен білесің бе?» ( Бұл кезеңде топтарға тарихи ескерткіштердің суреті беріледі топтар ескерткіштер туралы мәліметтер айтуы тиіс)

«Алаш елі» тобына Қожа Ахмет Яссауи кесенесі және Тасмола мәдениеті

«Тәуелсіздік» тобына Күлтегін ескертіштері және Есік обасы

V кезең.

(бұл кезеңде топтарға кесте беріледі, кестедегі әріптер негізінде қазақ тарихындағы ұлт –азаттық көтерілістерінің басшыларының есімдерін айтады)

V кезең. «Тәуелсіздік –ел тұғыры»Оқушылар алдымызда 25-қазан Республика күні мерекесі келе жатыр осы мерекеге байланысты сайыстың қортынды кезеңінде Тәуелсіздік жылдарында болған оқиғалар тізбегі алынып отыр.

(қортынды кезеңде топтарға сұрақтар қойылады, берілген дұрыс жауаптарына қарай бағаланып отырады. Топтар сұрақтарға «Иә» немесе «Жоқ» деп жауап береді)

«Алаш елі» тобына

1. Ұлттық теңгеміз 1993 жылы айналымға енді (Иә)

2. Мемлекеттік рәміздер: Ту, Елтаңба, Әнұран 1992 жылы бекітілді (Иә)

3. 2002 жылы Тәуелсіздгіміздің 10 жылдығы атап өтілді (Жоқ)

4. Астанада 2018 жылы ЕХРО көрмесі болып өтті (Жоқ)

5. ҚР қолданыстағы Конституциясы 1995 жылы қабылданды (Иә)

«Тәуелсіздік» тобына

1. Қазақстанның мемлекеттік егемендігі туралы Декларация 1990 жылы 25 қазанда қабылданды (Иә)

2. 1991 жылы Семей полигоны жабылды (Иә)

3. ҚР ДСҰ-на (дүниежүзілік сауда ұйымы) мүшелікке қабылданды (Иә)

4. ТМД (Тәуелсіз Мемлекеттер Достастығы) құрылғандығы туралы хаттамаға Ашқабат қаласында қол қойылды (Жоқ)

5. ҚР Әнұранының жаңа мәтіні 2006 жылы бекітілді (Иә)

Қорытынды:

«Тәуелсіздік»

Топтың ұраны: Тәуелсіздік —әніміз, Тәуелсіздік — жанымыз!Армысыздар құрбы -құрдас, халайық, Алдыменен сәлемдесіп алайық...

«Алаш елі»

Топтың ұраны: «Алаш елім айбыным, Болмасын еш қайғы-мұң?!» Ассалаумалейкум, сәлем бердік. Сайысуға сіздермен, біз де келдік!.

Алаш елі

Тәуелсіздік

ИӘ

ЖОҚ