Тәрбие сағатының тақырыбы

«Шәкәрім Құдайбердіұлының туғанына 165 жыл»

Күні

Сынып жетекшісі

Сынып

Оқу мақсаты

Оқушылардың Шәкәрім Құдайбердіұлы туралы білімдерін тексеру,дамыту; ақын өлеңдерінің идеясын ашу, рухани-адамгершілік қағидаларымен танысу,өлеңдерін нақышына келтіре оқи отырып,негізгі түйінді таба білуге дағдыландыру; Шәкәрімнің өлеңдері арқылы оқушылардың рухани байлығын , адамгершілік қасиеттерін қалыптастырып, жаман мінезден аулақ болу,адами сезімді қастерлеу, сүйіспеншілік,ішкі рухани тазалыққа үйрету.Оқушылардың қоғамға деген өзіндік көзқарасының қалыптасуына ықпал ету, өз ойларын еркін,нақты жеткізе білуге баулу, тіл байлықтарын шыңдау, өзін-өзі дамыту,коммуникативтік,оқу-танымдық құзіреттіліктерін дамыту.

Құндылықты дамыту

Ұлттық мүдде , ар-ұят , талап

Әдіс-тәсілдер

сұрақ-жауап, пікірлесу, талқылау,зерттеу, СТО, топтастыру , «бес минуттық эссе»

Өткізілу формасы

Шығармашылық ізденіс сабағы

Күтілетін нәтиже

Ш.Құдайберді туралы толық білім алады.Ақын өлеңдері мен шығармашылығымен танысады.Қоғамға деген өзіндік көзқарасы қалыптасады.Өз ойларын еркін жеткізе алады және де тіл байлықтары шыңдалады.

Көрнекілігі

Шәкәрімнің портреті, «Қылқалам ұшындағы данышпан бейнесі» атты суреттер көрмесі,, постер , слайд.

Өтілетін орны

Тәрбие сағатына сай безендірілген сынып

Тәрбие сағатының жоспарлы кезеңдері

Мұғалім әрекеті

Оқушы әрекеті

Ресурс

Ұйымдастыру бөлімі

10 мин

Сәлемдесу , тәрбие сағатының тақырыбымен ,мақсатымен және күтілетін нәтижесімен таныстыру.

Қызығушылықты ояту :

(Күй орындалып тұрады) «Қылқалам ұшындағы данышпан бейнесі» атты суреттер көрмесіне шолу жасап , оқушылардан қандай ойлар туындағанын сұрау.

Амандасады, мақсатымен таныс болады.

Оқушылар сұраққа жауап береді.

Слайд

Негізгі бөлім

30 минут

- Балалар, біз бүгін Шәкәрім Құдайбердіұлы өмірі мен шығармашылығы бойынша оқып білгендерімізді ортаға салып, жинақтап,қорытындылауға тырысамыз.

Бейне фильм көрсетіледі.

Жарты ғасырдан астам еріксіз үзілістен соң халық алдына қайта шыққан тұлғаларымыздың бірі- Шәкәрімнің қазақ халқының рухани мәдениетінің тарихында алатын орны ерекше. Шәкәрім-қазақ әдебиетін жаңа белеске көтерген , қазақ халқының көркемдік ойының үздік үлгілерін туғызған, қазақ өлеңін түрлендіре түскен кемеңгер ақын еді.Қытымыр, қилы заманда оққа ұшқан ақын есімі халық санасынан аласталмақ болды. Бірақ…өзі өлсе де аты өшпейді. Осы ретте Абай атамыздың «Өлді деуге бола ма, ойлаңдаршы,

Өлмейтұғын артына сөз қалдырған»,-деген өлең жолдары ойымызға оралады. Ұлы ақын өлсе де ,ұрпағына ғибрат етіп қалдырған мұрасы бар.Ол мұраны сақтау, одан тәрбие алу біздің міндетіміз.

Топтық жұмыс :

Бірінші топ:

Ой қозғау». «Шәкәрім кім?» Шәкәрімнің өмірбаяны бойынша жауап береді.

Екінші топ : «Ассоциациялық аймақ» кестесі. Оқушылар тақтадағы кестеге ақын шығармашылығы туралы жауап береді.

Үшінші топ : «Топтастыру» әдісі бойынша жауап береді.

А) Шәкәрім-лирик. (өлеңдерінің тақырыбы)

Ә) Шәкәрім-аудармашы (кімнің қандай шығармаларын аударған?)

Б) Шәкәрім-эпик (поэмалары)

В) Шәкәрім –сазгер (әндері)

Г) Шәкәрім –жазушы (әңгімелері.романы)

Д) Шәкәрім-тарихшы,ойшыл (зерттеулері,

философиялық

жазбалары).

«Бес сөйлемді эссе»

Оқушылар сынып жетекшісінің алғы сөзін мұқият тыңдайды.

Оқушылар бейне фильмді тамашалайды.

Бірінші топ оқушылары Шәкәрім өмірбаяны туралы баяндайды.

Екінші топ Шәкәрім шығармашылығы туралы айтып береді.

Үшінші топ оқушылары «Топтастыру» әдісі негізінде Шәкәрімнің қыр – сырына жеке – жкек тоқталады.

Оқушылар «Бес сөйлемді эссе» жазады.

Слайд

Бейне фильм

Тәрбие сағатының соңы

5 минут

Кері байланыс :

«Шәкәрім шыңы» статегиясы

Оқушылар стикерге Шәкәрім туралы білген түйгендерін жазып , тәрбие сағатын қорытындылайды

Тайдың суреті салынған плакат