Шәкірттерім -мақтанышым

ШӘКІРТТЕРІМ – МАҚТАНЫШЫМ

«Әр бала жарық жұлдыз, жарқырауына жәрдем ет» Жүсіп Баласағұн

Әр ұстаз үшін-өзінің шікіртінің жетістігін көру үлкен бақыт деп ойлаймын. Адам – ұрпағымен, ағаш-жапырағымен, ұстаз- шәкіртімен бай.

Өзің баптаған алма ағашың, жақсы жеміс берген сияқты, өзің тәрбиелеген шәкіртің өмірдің қай саласында болмасын биіктерден көрініп, жүзден жүйірік, мыңнан тұлпар болып жатса, ұстаз үшін одан асқан бақыт бар ма?

Осы орайда Алматы қаласы, Қоғамдық Денсаулық басқармасының ШЖҚ «Жоғары медицина колледжі» КМК түлектерінің қоғамның әр саласында үлкен биіктерден көрініп, еліміздің дамуына, туған жерінің абыройын асқақтатып жүргені өз алдына, тек бір ғана қоғамдық пәндер циклдік әдістемелік комиссиясында колледж қабырғасында жүріп, халықаралық студенттердің ғылыми-практикалық конференцияларына қатысып, жүлделі орындар иеленіп, оқу орнымыздың мәртебесін асқақтатып жүрген шәкірттерімді мақтанышпен атап айта аламын. Мысалы: өзімнің жетекшілігіммен «Мейіргер ісі»студенттері Абылкакова Айым, Даниярова Айзара «Қазақстан жастарының рухани құндылықтары» атты тақырыппен 06-08 сәуір 2023 жылы Әль-Фараби атындағы Қазақ Ұлттық университетінде өткен студенттер мен жас ғалымдардың «Фараби әлемі» атты Халықаралық ғылыми конференциясына қатысып, II орынды иеленді. Конференция үш тілде өткізілді. Еш мүдірместен ағылшын, орыс тілдерінде қойылған сұрақтарға еркін жауап берді. Орта аранаулы оқу орнынан тек менің шәкірттерім болды. Бұл жетістік мен үшін үлкен бақыт болды. Биылғы 2024 оқу жылында да дәл осы халықаралық конференцияда Мадиева Д мен Тұрсынбай А III орын иеленді.

2024 жылы Дүниежүзілік философтар күніне арналған Абай атындағы Қазақ Ұлттық университетінде Қазақстандағы әлеуметтік-экономикалық өзгерістердің негіздерін философиялық тұрғыдан түсіну» атты IV университет аралық студенттердің конференциясына Бердибек Аружан есімді шәкіртім Академик Қ.Аманжол ағамыздың 80 жылдық мерей тойына орай «Нар тұлға» тақырыбымен қатысып, III орын иеленді.

ҚР оқу ағарту министрлігінің №514 сүйене отырып, 2024жылы Ақберен республикалық танымдық-шығармашылық журналы ұйымдастырған «Абай оқулары» конкурсына Әкімхан Көркем Бас жүлде , Болысбек Жансезім III орын иеленді

2023 жылы Астана қаласының әкімдігінің Әдістемелік орталығы мен «Шипагер медициналық колледжінде өткен халықаралық ғылыми-практикалық конференциясында «Мейіргер ісі» студенті Секен Көркемай «Медицина ғылымы мен білім берудегі инновациялар» тақырыбымен қатысып Сертификат алды. Осындай сертификаттармен Павлодар медицина колледжінде «Халықтың өмірі мен денсаулығының сапасы» атты Халықаралық, Көкшетау жоғары медицина колледжінде «Ұлы даланың атақты әйелдері» атты Республикалық студенттердің ғылыми-практикалық конференцияларында шәкірттерім марапатталып отырды.

Менің шәкірттерім әлі талай биіктерді бағындыратынына кәміл сенімдімін. Ұстаздық еткен жалықпас, үйретуден балаға демекші, ұзақ жылдық еңбек тәжірибемде шәкірттерімнен «апай, менің осындай үлкен жетістікке жетуіме-сіздің еңбегіңіз ұшан-теңіз» дегенде төбем көкке жеткендей болады. Еліміздің болашағы- жастарда. Жас ұрпаққа сапалы білім, саналы тәрбие беру-әрбір ұстаздың міндеті деп білемін.

Аскарова Кенжегуль Исламжановна –Алматы қ, ҚДСБ ШЖК «Жоғары медицина колледжі» КМК философия және мәдениеттану пәнінің оқытушысы