"Сәлемдесу" сынып жетекші сайысына арналған сәлемдесу, өлең жолдарын жариялағаны үшін

Армысың дархан мынау халқым менің

Армысың қазыналы, ардақты елім

Киелі, рухы биік Түркістанның

Мақтарал ауданынан мен де келдім.

Жиналған барша қауым, көрерменім,

Ұстаздар ойлайтұғын ел ертеңін

90 жыл мерейтойдың қасаңында

Бас иіп баршаңызға сәлем бердім.

Анасы сәлемдесу сөздің барша

Сәлемнен жастарымыз бата алса

Қазақтың көсегесін көлдей еткен

Бұл күнде өнегелі жастар қанша!

Ұстазбыз, сіз де мен де бәріңіз де

Алатын асулар көп әлі бізде

Бұл сайыс жетекшінің жұмысынан

Артты жүк, сын сағатта бәрімізге.

Мектептің құлпы-шәкірт, кілті бізде

Ұстаздар, армандар көп, үміт үзбе

Жолдыбай Нұрлыбаев мектебінің

Әкелдім ақ сәлемін бәріңізге.

Сыныптың жетекшісі мен боламын

Арқалап, жауапты ісін сан баланың

Ұлбала Бектұрғанныңқызы деген

Есіммен мүшесі боп мен қоғамның

Геогрография пәнім бар, сүйікті ісім

Деңгейдің аяқтадым үшіншісін

Кез келген шаруалардан қаймықпаймын

Бұл күнде заман көші-білім үшін.

Ізденем, ізденуден жалықпаймын

Құласам, сүрінсем де қамықпаймын

«Жығылған тоймас дәйім күреске»- деп

Өзімді-өзім қамшылап, шабыттаймын.

Жұмыстың қамын көптеп уайымдасақ

Бұйрық көп келеді ылғи орындасақ

Жетістікке жетер жол алыс болмас

Бұл күнде жүлдем де бар , өзіме шақ

Ұстаздар, тұған ғибрат, өнегесің

Шаш етектен жұмысқа кенелесің

Қиыны мен қызығы қатар жолда

Шәкірттің бақытына бөленесің

Бағбанымыз шәкірттің , арман асқақ

Қиналсақ та жұмыста, қарбалассақ

Шаршамаймыз, талмаймыз, ізденеміз

Арман бар ма біздерде алға бассақ?

Мүмкіндік туа бермес , бұл бір кезім

Сайысқа сұранған ем мен де өзім

Сәттілік, ал ендеше әріптестер

Тілеймін зор денсаулық ,мықты төзім!