Тақырыбы: «Шалқан» ертегісі сахналық қойылым

Ақбота» мектепалды тобы
Мақсаты:
Шалқан туралы мағлұмат беру; Ертегіні сахналау арқылы тіл байлығын, сөздік қорын,ой - қиялын дамыту. Кейіпкерлердің іс - әрекетін, мінез құлқын сомдап, өз рөлін мәнерлі орындауға үйрету. Балаларға отбасының татулығын, бірліктерін көрсету,еңбексүйгіштікке тәрбиелеу.
Көрнекіліктер: «Шалқан» ертегісінің кейіпкерлерінің костюмдері; бақша көрінісі,үй макеті;көкөністер муляж; интерактивті тақта.
Түрі: сахналық қойылым

Алғы сөз:
- Балалар жылдың қай мезгілі?
- Күз айы неше айдан тұрады?
Ғажайып сәт ( музыка әуенімен кейіпкер кіреді)
- Сәлеметсіңдер ме, балалар!
- Мен сендерге жай келген жоқпын,көөп жұмбақ ала келдім .Қазір жұмбақ айтамын, ал сендер шешіп көріңдер:
Бұтақта ілініп тұрамын,
Піскенде себетке құладым.
(Жеміс)
Әкеміз ала баспақ асырады.
Күз келсе соямын деп асығады.
Баспағым бойын шөпке жасырады.
Еті қызыл, терісі жасыл.
(Қарбыз)
Ашулы қонақ бұл анық.
Тонын шешсе жыладық.
(пияз)
Ойын: «Көкөністермен мен жемістер» -ажырату.
- Қараңдаршы балалар қандай әдемі үй. Бұл үйде атай мен әжей тұрады екен.
Ата бақшасына көкөністер мен жемістер егіпті. Бақшадағы көкөністермен мен жемістерді атайық.
- Біз қай көкөніс туралы ертегі білеміз? (балалардың жауабы)

«Шалқан» орамжапырақ тұқымдасына жататын екі жылдық көкөніс. Шалқанның түсі ақ немесе сары болады екен. Шалқанның құрамында ағзамызға пайдалы көптеген дәрумендер бар. Емдік қасиеті де бар. Ендеше, апайлар және балалар, мен сіздерді, осы «Шалқан» ертегісін балалардың сахналағанын көріп, тамашалауды ұсынамын.

Құрметті балалар! Бүгінгі «Балбөбек, Ақбота» мектепалды тобының ертегілер еліне қош келдіңіздер.

«Шалқан» ертегісінің сахналық қойылымын тамашалаңыздар.
Ролдерде ойнағандар:
Автор: Аяна
Атай: Ахмед-Әли
Әжей: Айгерім

Немере қызы: Әдемі
Күшік: Әдемай

Мысық: Анеля
Тышқан:Балғын
Автор: Ерте ерте ертеде, ешкі жүні бөртеде шал мен кемпір болыпты.
Бір күні атай шалқан екті де:
Атай: - Өс, шалқаным, тәтті боп өс! Өс, шалқаным, мықты боп өс!
Автор: Күндерден күн өтті, айлардан ай өтті. Шалқан өте үлкен, мықты болып өсті. Атай шалқанды әрі тартқылайды, бері тартқылайды, жұлып ала алмайды. Сөйтіп атай көмекке әжейді шақырады.
Атай: - кемпірім қарашы, шалқанымыз үлкен болып өсіпті. Кел, екеуміз бірге тартайық! Әжей:-Ой, шынында үлкен болып өсіпті ғой! Кел, тартсақ тартайық!
Автор: Әжей атайдан, атай шалқаннан тартады, күштері жетпейді.
Әжей: - Атасы, көмекке қызымызды шақырайық. Қызым,қызым бізге көмекке келші .Атаң еккен шалқанды жұла алмай жатырмыз.
Қыз: -Жарайды,әже сізге көмектесейін.

Автор: Қызы әжесінен, әжесі атайдан, атай шалқаннан ұстап тартады. Алайда еш нәтиже болмайды.
Қызы: - Бізге көмекке тағы біреу керек сияқты. Мен күшігімді шақырайын.
Қыз:- Күшігім,күшігім көмекке келші.
Ит: Аф-аф-аф көмектес десеңдер көмектесемін.

Автор:Күшігі қыздан, қыз әжесінен, әжесі атайдан, атай шалқаннан ұстап тартқылайды. Бірақ тағы да жұлып ала алмайды.
Күшік: Қанеки, біз көмекке мысықты шақырайық. Мысығым, мысығым келіп бізге көмектес, атам еккен шалқанды жұла алмай жатырмыз.
Мысық: -Мяу-мяу, көмектесіп жіберейін.
Автор: Мысық күшіктен, күшік қыздан, қыз әжейден, әжей атайдан, атай шалқаннан ұстап әрі тартқылайды, бері тартқылайды. Тағы жұлып ала алмайды.
Мысық: - Менің ойымша бізге тағы да көмек керек сияқты. Тышқан, тышқан бізге көмектесші.
Тышқан: -Әрине көмектесіп жіберемін.

Автор:

Жабылып бәрі тартады,
Күштері енді артады.
Бірлесіп тартып қалады
Шалқанды жұлып алады.

Бәрі бірге: «Жұмыла көтерсе жүк жеңіл» ( бастарын иеді)
Кейіпкер:

Көрдіңдер ме, балалар,
Ауызбіршіліктің не екенін
Еңбек етсең — емерсің.
Мақсатыңа жетерсің.

Қорытындылау:
- Балалар біз қандай ертегіні тамашаладық?
- Атай бақшасында қандай көкөніс егіпті?
- Атайға кімдер көмектесті?
-Ал сендер ата - әжелеріңе көмектесесіңдер ме?
-Міне біздің балалар өте мейірімді, қамқоршыл. Біздің бау - бақшамыздың көкөністері мол болсын дей отыра, «Ертегілер еліндегі» орыс халқының «Шалқан» ертегісі аяқталды.
Сау болыңыздар!