«Сән мен сымбат әлемі» сайысы
Сабақтың мақсаты:
Білімділік: оқушылардың мамандық таңдау барысындағы ойларын нығайту,кәсіптік білімнің маңыздылығы,шығармашылық еңбекке араласуы арқылы өмірге өзіндік таңдау жасау.
Дамытушылық: ой-өрісін, ынта-ықыласын, бейімі мен қабілетін анықтап,еңбекке деген қызығушылығын арттыру.
Тәрбиелік мақсаты: адамгершілікке, еңбексүйгіштікке, эстетикалық талғамға, бүгінгі өмір талабына сай кәсіпке тәрбиелеу.
Бүгінгі сабағымыздың ұстанымы:Ұйымдасып істеген,Әр істің бір сәні бар.Әр қимылдың өзінше,Ырғағы бар, әні бар.
Кіріспе.
Құрметті ұстаздар, ата-аналар, оқушылар!Біз технология пәнінен алған білімді, іс-әрекетімізді қорытындылай келе, қыздарымыздың қандай кәсіпке икемділігі бар екенін анықтау мақсатында сайысымызды бастаймыз.Бұл сайыста қыздар тамақ әзірлеу, киім пішу және тігу, үлгілеуді, сәнді киінуді және қол мен бетке күтім жасау, шашты әсемдеу әсемдеу, экономикалық есеп жүргізу сияқты өнерлерін көрсетеді және жасаған, тіккен бұйымдарын жарнамалайды, әрине бұл жарыс бір-бірімен бәсекелесетіндей ой жылдамдығы мен тапқырлық, икемділікті қажет етеді. Ал, енді қыздардың стилист, дизайнер, аспазшы, экономист, менеджер, тігінші, тілші, шаштаразшы т.б мамандықтар бойынша қандай кәсіпке бейімділігі бар екенін анықтайтын кез келді. Сонымен қадірменді көрермен қауым, ақылына көркі сай қыздарымыздың өнері мен өнегесін, білімі мен парасатын тамашалауға баршаңыз да қош келдіңіздер! Енді бүгінгі сайысымыздың шарттарымен таныстырып өтейін.
Жарыстың барысы:І. «Сәлем сөздің атасы» сәлемдесу, таныстыруІІ. Әр ұлттың сән үлгілерін көрсету.ІІІ. «Ас- адамның арқауы»ІҮ. «Он саусағы майысқан шебер болар ұрпақпыз» - қолөнер.Тіккен бұйымдарын, өз жұмыстарын жарнамалау.Ү. Шаш үлгілері.Қыздардың шаштарын әсемдеу.ҮІ. «Өнерлі өрге жүзер» өз өнерлерін көрсету.Қорытынды, марапаттау.
Жүргізуші: Талпынған өр шыңдарға жас таланттар,Ақ орда аспанында ән қалықтар.Күтіп тұр арман қуған өрендерді,Ән жырмен ойға толы сын сағаттар,-дей келе сайысты бастауға рұқсат етіңіздер.-Алдымен бүгінгі кештің төрелерін сайлап алайық.Әділдікті ең алға мақсат еткенӨнер білім өнеге тұнған дарын,Өнерліге өз басым таңқаламын.Өнерді әділдікпен бағалайтын,Таныстырайын әділқазы алқаларын.
Кімдер шебер, кім іскер білейікші,Өнерлісі деп мектептің жүрейікші,Әділқазыларға тек әділдікті,Ал сайыскерге тек сәттілік тілейікші.Бастарыңа қонсын дәйім бақ құстары,Күн қуатын тілейміз ғарыштағы.Ұзақ ғұмыр, қуаныш, нұр сыйласынӨмірдің тыншымайтын ағыстары,-дей отырып, ару қыздарымызды салтанатпен ортаға шақырамыз.І тур.Сайысымыздың 1-шарты бойынша өздерін таныстыру.«Сәлем сөздің атасы» демекші, кезекті өнерлі қыздарға берейік.
ІІ тур.Әр ұлттың сән үлгілерін көрсету.оны дайындаған дизайнерлер ортаға шығып, қандай ұлттың киім үлгісі тігілгенін айтып береді. («Дастарқан» әні ойналады)Ас көңілдің ажары деген күнім,Жақсы ғой тағамның да білген сырын.Көрсетсін келесі сәт сайыскерлерДайындаған жаңашыл салат түрін.ІІІ тур. -Сайыскерлеріміздің тағам дайындау жағынан сыналар уақыты да жетті.Ендеше,сайыскерлер, сөз кезегі өздеріңе беріледі.«Ас-адамның арқауы» дегендей, әр топ өздері үйден дайындап әкелген салаттарына ат қойып, әшекейлеп қорғайды.
ІҮ тур. Қандай жақсы майысып тұрғандарың,Бойына жиғандай өнер бағын.«Ана көрген тон пішер» деген бар ғой,Ару қыздар көрсетсін бұйымдарын.
Келесі кезекті «Он саусағы майысқан шебер болар ұрпақпыз» - деп аталатын сайысымыздың шарттарының бірі – қолөнер бұйымдарын көрсету, өнерлі қыздар көрсеткен бұйымдарын, өздері әзірлеген үй жұмыстарын әділқазыларға тапсырады.Тіккен бұйымдарын, өз жұмыстарын жарнамалау.
Ү тур.Шашы ұзын қыз. (шаш өру)Білектей арқасында өрген бұрым,Шолпысы сылдыр қағып жүрсе ақырын,Кәмшат бөрік, ақ тамақ, қара қасты,Сұлу қызды көріп пе ең мұндай түрін – деп Абай атамыз жырлағандай, келесі кезекті шаш үлгісіне берейік.Қыздардың шаш дизайнерлері шаштарын әсемдейді, әр топ өз арасынан бір сән үлгісінде киінген қызға шаштың сән үлгісін жасап, беттеріне, қолдарына қалай күтім жасау керек екенін әңгімелеп, макияж жасайды.Әр топ шаш турал өз ойларын ортаға салады.Слайд арқылы көрсету.-Ендеше іске сәт, сайыскерлер!
ҮІ «Өнерлі өрге жүзер».Қыз сұлу көрінеді қылығымен,Жарыса төгілген қос бұрымымен.Бұл күнде сұлулықтың үлесі осы,Қыз сұлу көрінеді өнерімен.
Пір тұтқан әрбір халық асылдарын,Қазақтың қара көзі аруларымТамамдайық осы кешті әсем әнмен,Өнеріне табынып арулардың,-дей отырып, өтілген шарттарымыздың қорытындысын әділқазы алқасынан күтеміз.-Әділқазылар алқасынан сайыстың көрсеткіш есебін сұраймыз.
Қыз балаларға төмендегідей номинациялар беріліп,марапатталады.Аспазшы – «Бармағынан бал тамған аспазшы».Техникалық сәнгер – «Үздік дизайнер».Көркемдеуші сәнгер –«Жаңашыл сәнгер».Шаш дизайнері – «Бұрымды қыз».Тігінші – «Шебер тігінші»
ҚР Білім және Ғылым министірлігінің стандартымен жасалған
29 Шілде 2018
2752
2 рет жүктелген
