"Саналы ұрпақ - жарқын болашақ" атты алғашқы қоңырау салтанатты жиынның сценарийі

Алғашқы қоңырау

Өтетін күні: 01. 09. 2019
Уақыты: 8. 30
Сыныптар: 1 - 11 сыныптар
2019- 2020 оқу жылындағы «Алғашқы қоңырау» салтанатты жиынының сценарийі

Тақырыбы: Саналы ұрпақ – жарқын болашақ»

Мақсаты:    Білім күні үлкен мереке екенін балаларға жеткізе білу, білімге деген құштарлығын арттыру, еліміздің білімді, тәрбиелі  азаматын елжандылыққа тәрбиелеу.

Жоспары:
1. Сапқа тұрғызу

2 .Қазақ биі «Шашу»
3. ҚР мемлекеттік туын енгізу
4. ҚР гимні
5. Қонақтармен таныстыру
6. 1 – сыныпты таныстыру сәті

7. Мектеп-лицей директорының құттықтауы
8. Қонақтар атынан құттықтау сөз

9. Ән: «Өнерге ғашық баламын»
10. 1 - сынып оқушыларының тақпақтары «Ән»

11. Ұлы Абайдың 175 жылдығын атап өту

12. Ән: «Желсіз түнде жарық ай»
13. ҚР мемлекеттік туын шығару

14. Алғашқы қоңырау соғу салтанаты
Қорытынды сөз

15.Ата-аналар атынан құттықтау сөз

16. «Мектепке жол» акциясына үлес қосушыларға алғыс білдіру

17. Оқушыларды мектепке кіргізу

Көрнекілігі:     Қазақстан туы, шарлар, гүлдер, ұлағатты қанатты сөздер

   Барысы: Ашылуы: « Шашу» биі

1- жүргізуші:     Қайырлы күн, құрметті ұстаздар, қонақтар, ата-аналар,оқушылар. Бүгінгі «Саналы ұрпақ-жарқын болашақ!» атты алғашқы қоңырау салтанатына қош келдіңіздер! Арайлы жазды мазмұнды да, мәнді өткізіп, сағынышпен алтын ұя  мектебімізге оралып отырған оқушыларды жаңа оқу жылымен құттықтаймыз.

Мектеп деген білім күні, жыр күні

Мектеп деген ғылымның ең үлкені

Мектеп деген тәрбиеші адамға

Мектеп деген даналардың мекені

2-жүргізуші:      

Өмір бойы мектебімді жыр етем,

Бір өзіңде бақыт, білім, берекем.

Шәкірттерің өрістесін, өрлесін,

Құтты болсын «Білім күнің »- мерекең!

Құрметті ұстаздар, қонақтар, ата-аналар, аяулы оқушылар! Бүгінгі сағынышқа, шаттыққа толы «Алғашқы қоңырау» мерекелеріңіз құтты болсын!

1-жүргізуші:

Бүлдіршіндер ертеңгі ел мамандары,

Құтты болсын алғашқы қадамдары

Құтты болсын,болашақ баспалдағы,

Құтты болсын басталған оқу жылы!-дей келіп бүгінгі «Алғашқы қоңырау»мерекесіне арналған салтанатты жиынымызды ашық деп жариялаймыз!

2-жүргізуші:

Көк байрақ иілмесін,жығылмасын,

Көзге жас,кеудеге өксік тығылмасын

Тұрғанда көкшіл Туың көкті тіреп,

Қазағым,сен қашанда тұғырдасың!

Қазақстан Республикасының Мемлекеттік Туын салтанатты түрде әкелу рәсімі

Команда беруші АӘД-тың жетекшісі,ұйымдастырушысы Берденов Ғалымжан: Мектеп түзел! Тік тұр! Қазақстан Республикасының мемлекеттік туы кіргізілсін!

Туды көтеру мәртебесіне ие болғандар мектебіміздің үлгілі оқушылары: Жайылғанов Айдархан

Ассистенттері: 1.Зейнуллаев Тоқтар

2.Сатанова Әйгерім

ҚР-ның Гимні орындалады.

2-жүргізуші:

Құрметті қауым! Бүгінгі салтанатты жиынымыздың қадірлі қонақтарымен таныстыруға рұқсат етіңіздер.

1.

2.

3.

4.

5.

.

1-жүргізуші:    

Жүздеріңнен көрем шаттық арайын,

Болсын солай әрбір күнің, әр айың.

Мерекеңіз құтты болсын ата-ана

 Мерекеңіз құтты болсын ағайын! – деп бүгінгі мереке мектеп    табалдырығын аттайын деп отырған 1-сынып бүлдіршіндеріне    арналады.

 2-жүргізуші:          

 Біраз жылын осында өткізген,

Ұстаздар – ізгі пәк жандар.

Қуана шәкірт қабылдап,

Білімнің көшін жалғаңдар.

Алдарыңызда 1 «а» сыныбы, жетекшісі Исаева Жұлдыз Мақсимқызы!

1 «Ә» сыныбы, жетекшісі Аблакиева Гауһар Дөңесқызы!

1 «Б» сыныбы, жетекшісі Ерғазиева Әсия Амангелдіқызы!

1 «В» сыныбы, жетекшісі Наукеева Айым Жарасханқызы!

1 «Г» сыныбы, жетекшісі Үсенбаева Гүлсім Егізбайқызы!

1 «Д» сыныбы, жетекшісі Махамбетова Айгерім Жұмағалиқызы!

1 «Е» сыныбы, жетекшісі Исатаева Әсем Ерсейітқызы!

1-Жүргізуші : Ауданымыздағы іргелі мектеп болып саналатын Ж.Әбдірашев атындағы №62 мектеп-лицейі үшін 2018-2019 оқу жылы табысты жыл болды. Аудандық білім бөлімінің бастамасымен білім ордасында « Мұғалімнің кәсіби дамуы – білім беру жүйесін жаңартудың негізі» атты бастауыш пәні мұғалімдерінің, « «Мәңгілік ел» ұлттық идеясы негізінде тарих пәнін оқытуда белсенді әдістерді пайдалану, оқушылардың құзіреттіліктерін дамыту » атты тарих пәні мұғалімдерінің облыстық семинары жоғары деңгейде өткізілді.

2-жүргізуші: 2018-2019 оқу жылында мектеп бітіруші түлектердің ішінде екі оқушы «Алтын белгі», екі оқушы «Үздік аттестат» иегері атанса, оқушылар Ұлттық бірыңғай тестілеуді ойдағыдай тапсырып, 12 оқушы мемлекеттік білім грантын иеленді. Жаңа оқу жылы да мектеп ұжымы үшін елеулі оқиғаларға, игі істерге, ізденіс пен нәтижеге толы жыл болғай!

Жаңа оқу жылымен құттықтау сөз кезегі мектеп –лицей директоры   Айтжанов Жасұлан Махамбетұлына беріледі.

  Ән «Өнерге ғашық баламын!» Нұрлыбекұлы Қанат (хабарланбайды)

1-жүргізуші:      

Тек жүректен арналар сөзіміз де,

Жақсылықтан жаралған жүрегіңіз.

Сөз берейік құрметпен өзіңізге,

Шәкірттерге арналсын тілегіңіз, келесі құттықтау сөз кезегі --------------------------------- беріледі.

 (қонақтардың құттықтау сөзі)

 2-жүргізуші:               Қадамыңа гүл бітсін деп ал халқым,

Қол соғып бір қошеметтеп тұр жалпың.

 1-жүргізуші:

Ортаға 1-сыныпқа қадам тастаған бүлдіршіндер келеді,

Жүрек жарды тақпақтарын сіздерге айтып береді.

1-оқушы:               

Сәлем, саған мектебім,

Алғыстарым көп менің.

Оқу, білім, тәрбие

Ой санама еккенің.

2-оқушы:    Қуаныш бүгін – мереке,

Шуағын шашып тұр әлем.

Мектепке келген алғашқы,

Жан досым, саған мың сәлем.

3-оқушы:              

 Бірінші қыркүйек күні мен

Аңқыған жұпар гүлімен

Келіп ем, қарсы алар мектебім

Сүйкімді қоңырау үнімен.

4-оқушы:     Биыл мен де мектепке

Біріншіге барамын.

Мақтанбаймын мен текке,

Дайын дәптер, қаламым.

5-оқушы:     Алдыңа келіп, ұстазым,

Тұңғыш қалам ұстадым.

Күлімдеген көзіңнен

Мейіріңді сезіндім.

6-оқушы:                 Отанның біз ұл-қызы,

Халықтың біз жұлдызы.

Оқимыз ақын-жырларын,

Оқимыз еңбек сырларын..

Ән.  1-сынып оқушысы Ән « Мектепке тағзым» (хабарланбайды).

2-жүргізуші:   

Халқымыздың  Ұлы ақыны, ағартушы, философ, композитор, аудармашы, саяси қайраткер, жазба әдебиеті мен қазақ әдеби тілінің негізін салушы, реформатор Абай (Ибраһим) Құнанбайұлының туғанына 175 жыл толып отыр. Дана ойшылдың мерейтойын ЮНЕСКО мен ТҮРКСОЙ аясында атап өту жоспарлануда. Сонымен қатар Республика көлемінде ХХ ғасыр басындағы ірі саясаткер тұлға, қазақтың көрнекті жазушысы, драматург, публицист, қазақ әдебиетін қалыптастырушылардың бірі – Жүсіпбек Аймауытовтың 130 жылдық ,«Қазақстан ғылым академиясының» тұңғыш президенті, тұңғыш геолог - ғалым Қаныш Сәтбаевтың 120 жылдық мерейтойы аталып өткелі отыр.

Санжардың орындауында Абайдың әні «Желсіз түнде жарық ай»

1-жүргізуші:

 Желбіреп тұр байтақ аймақта,

Елжірей қараймыз байраққа.

 Киелі байрақта әруақ, бақ

Иеді басын ол ардақтап,

Көк туды қастерлеп, сүйіп те,

Көтеріп ұстаймыз биікте.

АӘД мүғалімі: Мектеп, түзел! Тік тұр! ҚР мемлекеттік Туы шығарылсын.

 2-жүргізуші:     

 Қағылмақ , міне, әуенге бөлеп,

Қағылмақ алғаш қоңырау,

Нұр толқып жүзің, гүл толып құшақ,

Шаттыққа толсын омырау

1-жүргізуші:   Қызыл гүл жайнайды төрімде,

Қызықты күнімде кешімде.

Алғашқы қоңырау дауысы,

Қалады мәңгілік есімде.

Алғашқы қоңырау соғылады

Ән.

2-жүргізуші:     

Оқитын әрі жазатын,

Білімге қол созатын.

Оқушы болдың, қарағым,

Білімнің кілтін ашатын.

1-жүргізуші:     

Бүгін қандай шаттық тола күн еді,

Бүкіл әлем ерекше бір түледі.

Балдырған жетектеген ата-ана,

Қуаныштан жарылардай жүрегі,

Білім көзін ашатынын біледі, —  деп сөз кезегін балапандарын ертіп

келген  құрметті ата-ана мектебіміздің ардагер ұстазы Жаңылшақ апайға береміз.

 2-жүргізуші:  

Бала- біздің болашағымыз! Олардың орта біліммен толық қамтылуына жағдай жасау басты міндетіміз. Осы мақсатта жыл сайын республика көлемінде дәстүрлі түрде өткізілетін «Мектепке жол» қайырымдылық акциясы өз жалғасын тауып келеді. Акцияға үлес қосқан қайырымды жандар:

1.Аудандық мәслихат депутаты, аудандық денсаулық саласының кәсіподақ ұйымының төрағасы Арғынбай Балпашұлына

2.Мемлекеттік сатып алу бөлімінің басшысы Жәнібек Жасұланұлына

3.. Мектебіміздің түлегі, жас кәсіпкерлер Әділет Алтайұлына, Дархан Ағадиұлына

4.Кәсіпкер ата-ана Жасақбаева Айгүлге

5.Мектеп-лицей мұғалімі Есенжолова Бибісараға және жалпы мектеп ұжымына «Алғыс» білдіреміз!

1-жүргізуші:

Жаңа оқу жылы жемісті

Мерейі үстем жыл болсын.

Шәкірттеріміз өрісті

Елім дер қыз бен ұл болсын!

2-жүргізуші:Қымбатты ұстаздар,оқушылар,кішкентай бүлдіршіндер!

Жаңа 2019-2020 оқу жылы құтты болсын!

1-жүргізуші: Жаңа оқу жылында мектебіміздің абыройын асқақтатып,шығармашылық табыстарға жетіп,білімнің биік шыңынан көріне берулеріңізге тілектеспіз.!