Сандар айтысы

Ашық оқу іс-әрекетінің тақырыбы:«Сандар айтысы»

Мақсаты:Қарапайым математикалық ұғымдарын қалыптастыру, сандарды ажырата білуін жетілдіру.

Дамытушылық: Сандарды тура санауды, логикалық ойын арқылы баланың қиялын, ой - өрісін, есте сақтау қабілетін дамыту.

Тәрбиелік: Ойынның шартын сақтап ойнауға, ұйымшыл, сабырлы, шапшаң болуға тәрбиелеу.

Пәнаралық байланыс: Тіл дамыту, математика, әлеумет, шығармашылық

Көрнекілігі: тура санауға арналған сандар .

Тәрбиеші :Cәлеметсіңдер ме балалар!Бізге бүгін қонақтар келіпті!Қане барлығымыз амандасайық!

Балалар:Сәлеметсіздерме!

Тәрбиеші:Балалар біз бүгін сандар жайлы айтамыз!.Маған мына сұрақтарға жауап беріңдерші?

Сандар осы бізге не үшін керек?

–Сандарсыз біз бір затты қосып ,ала аламыз ба?

-Сандарсыз біз өмір сүре аламыз ба?

- Сандар жайлы пақпақ білесіңдер ме?

1 саны.

 Мені келсе білгің,

Мен таяқша бірмін.

Сандарға жол бастап

Ең бірінші тұрамын.

2 саны.

Міне екі саны тұр

Қараңдаршы, неткен түр.

Мойнын алға иеді,

Құйрығы еріп жүреді.

3 саны. 

Екіден соң әрқашан,

Үшінші мен тұрамын.

Қағазға сызып түсіресің

Екі ирек саламын.

4 саны.

Үш қашанда тақ саны,

Жұп болғанға не жетсін!

Төрт дегенің баяғы

Төрт түліктің аяғы.

5 саны.

Төрттен кейін бесті

Білу оңай десті.

Төртеуін бүгін санасаң ,

Табасың оңай бесті.

Тәрбиеші: Рахмет балалар!Балалар мен бір шуды естіп тұрмын!Тыңдаңдаршы!

-Осы кезде сандар шуылдап кіріп келеді!

1-бала:

• Тыңдаңдар, тыңдаңдар!Сандардың бірінші басшысы, мықтысы мен боламын мырзалар!

2-бала:

• Жоқ! Жоқ!Өтірік! Сенбеңдер оған! Оның бір ғана басы бар, ал менде екеу. Екі бас бір басқа қарағанда жақсы. Мен ең ақылдысымын! Сондықтан ең мықтысымын!

3-бала:

• Сендер маған қараңдар! Сендер өздерің айнаға қарайсыңдар ма? ! Ең мықтысы – ең әдемісі бұл жерде менмін!

4-саны:

Қарсылық білдіремін! : Бұл жерде тек төрт бар! Менің алдымда сендер бастарыңды иіңдер түкке тұрмайтын сандар!

5 – саны (айғай салды): Тоқтаңдар!Тоқтаңдар!

Бәрінен де маңыздысы – Бес! Себебі мені оқушыларда,балаларда жақсы көреді. Сондықтан мені бәрі жақсы көретін, сендердің патшайымдарың мен боламын!

Тәрбиеші: Балалар біз кішкене видеодан үзінді көрейік!Экранға назар аударайық!

Тәрбиеші:Кімдер жайлы екен!Біз де сандар жайлы санамақтар білеміз!

Кел санамақ айтайық!
1-саны:

Бір дегенім-бесік,

Шықтық содан өсіп
2-саны:

Екі дегенім- елім,

Далам, тауым, көлім.

3-саны:

Үш дегенім – үміт,

Үміт артар – жігіт.

4-саны:

Төрт дегенім – төзім,

Төзе білем – өзім.

5-саны:

Бес дегенім – бақыт,

Бағалайтын уақыт.

Тәрбиеші: Жарайсындар балалар «Егер барлық сандар бір бірімен дос болса, онда бәрі де мықты болады,себебі өмірдегі ең бастысы – достық!» Солай емес пе!

Әрқашан дос,біргеміз! Ажырамас іргеміз. Ілгері жүріңдер, Достық жырын біліңдер. Ту ғып ұстап бірлікті. Еңбекті сүйіңдер!

Күтілетін нәтиже:
Нені біледі: Балалар ертегідегі сандарды дұрыс атай біледі.
Игеру керек: Дамытушы ойындар арқылы ой қабілеттерін дамыту . Меңгеру керек: Сандарды ажыратып, сұрақтарға дұрыс жауап беру.