«Сәнді қолданбалы қолөнері»

Набатбекова Сандуғаш Қалдарбекқызы.

А. Тұяқбаев атындағы жалпы орта

Мектебі коммуналдық мемлекеттік мекемесі

10 – сынып оқушысы .

«Сәнді қолданбалы қолөнері»

Мақсаты:

1. Сәнді қолданбалы өнер саласында әр түрлі жұмыс істеудегі шеберлігін арттырып, білімін жүйелеу.

2. Өз бетінше жұмыс істеу дағдысын қалыптастырып, шығармашылық қабілетін дамыту.

3. Оқушыларды төзімділікке, әдемілікке тәрбиелеп, эстетикалық талғамын арттыру.

Сәнді қолданбалы қолөнері адамдардың көркемдік талғамының қалыптасуына ерекше әсер етеді, жас ұрпаққа эстетикалық тәрбие беруге қызмет етіп, оларды халқымыздың материалдық рухани мұраларын терең түсініп, оны бағалай білуге тәрбиелейді.

Орта мектептегі оқытудың негізгі міндеттері - білім беріп қана қою емес, білім мазмұны арқылы баланың өмірге, еңбекке, адамдарға, айналадағы ортаға, дұрыс қарым - қатынасын қалыптастыру. Оқыту мен тәрбие бір-бірімен байланысты процесс, бір нәрсенің екі жағы сияқты. Тәрбиелік сабақтың мазмұнын анықтай отырып, сабақ барысында оқу және тәрбие міндеттерін шешеді.

Технология сабағында ұлттық тәрбие берудің міндеті жан-жақты дамыған жеке тұлғаны қалыптастыру болғандықтан, жаңа технология бойынша әдістемелік жүйенің басты бөлігі сәнді қолданбалы қолөнерді технология сабағында қолдана білу болып табылады. Сонымен сіздерге мен сәнді қолданбалы қолөнерін ұсынып отырмын.

Бүгін раушан гүлін сазбалшықтан орындалу технологиясымен толығырақ таныстырып және келесі жұмыстардың да орындалу технологиясымен таныстырып өтемін: қағаздан раушан гүлін, қағаздан жасалған қоян, қағаздан жасалған Бәйтерек және тау құсы. Әрине осындай жұмыстрады сабақ үстінде бірлесіп жасаған дұрыс, өйткені сыныптастарыммен қызыққан кезде жұмысты тиянақты аяқтауға тырысамыз. Осындай шеберлік сабағын жиі өткізіп, интерактивті құралдарды пайдалана отырып, өте қызықты етіп өткізуге бүгінгі таңда технология пәнін терең игеруге мол мүмкіндігім бар.