«СӘТ САПАР, ЖАС ТҮЛЕК-2017!» (МЕКТЕП БІТІРУШІЛЕР КЕШІ)

«СӘТ САПАР, ЖАС ТҮЛЕК-2017!»

(МЕКТЕП БІТІРУШІЛЕР КЕШІ)

Өтетін уақыты: Сағат 16. 00

Өтетін орны: Мектеп акт залы

Безендірілуі: Түрлі - түсті шарлармен, жалаушалармен безендіру.

Музыка орындалады.

Жүргізуші: Армысыздар құрметті қонақтар, ұлағатты ұстаздар, ардақты ата-аналар және мектеп бітіруші түлектер!
Бүгінгі «Сәт сапар, жас түлек» атты Аттестат алу және мектеппен қоштасу кешіне қош келдіңіздер. 2016-2017 оқу жылында 11 шәкіртіміз білім нәрімен сусындап, қолдарына аттестат алып, балалық шақпен қоштасып, жаңа өмір жолына қадам басқалы отырған мектеп бітіруші түлектеріміз алтын ұя мектебінен қанат қаққалы отыр. Олардың барлығы жақсы оқуымен қатар, үлгілі тәртібімен, қоғамдық жұмыстарға белсене араласуымен өзге оқушыларға үлгі бола білді.

Нұрлы үмітін арқалаған арқаға,

Жан сәулесін тарататын баршаға.

Шын пейілмен құрметімізді көрсетіп,

Түлектерді шақырайық ортаға.

Өнері мен білімін өз бойларына өре білген еліміздің ертеңгі тізгінін қолға алар түлектерімізді құрметпенен қол соғып, қошеметтеп қарсы алайық.

(Музыка әуенімен ортаға бітіруші түлектер шығады)

Қарсы алыңыздар 11 «а» сыныбы. Сынып жетекшісі Амренова Ш.К .

1. Өзіндік көзқарасы бар, сенімі мықты, турашыл, өжет қызымыз – Нурланова Алина Рахатқызы

2. Бой десе бойы бар, ой десе ойы бар, сыныбымыздың сұлтаны – Мубарак Хамза Алибекұлы

3. Үйдің ерке қызы, сыныптың мың бұралған бишісі, нәзік жанды қызымыз – Курмангалиева Мендігүл Курмангалиевна

4. Қазақтың сал – серілерінің інісі, жезтаңдай әншіміз, болашақ тойлардың асабасы – Талғат Жанболат

5. Көркіне аты сай, қызғалдақтай құлпырған, биші қыздарымыздың бірі – Кенишпаева Ләззат Серікқызы

6. Сырбаз жігіттердің бірі, айтқанынан қайтпайтын ақ көңіл – Кеңесханов Дамир Асланұлы

7. Қыздардың көзжанарын өзіне аударған, сылқым сері, мырза жігітіміз Құсайынов Дидар Қобландыұлы

8. Өз ісіне мығым, шаруашыл, еңбекқор, досына адал, ақкөңіл Күнтуғанұлы Сағындық

9. Атына заты сай, жүзіне қарасаң рахаттанып демалатын, достарына адал, байсалды, байыпты азаматтың бірі – Халелов Рахат Викторович

10. Қайсар, батыл жігітіміз, қазіргі кезде Отан алдындағы азаматтық борышын өтеп жатқан – Пазылагзам Ертас Аркарбекұлы.

Жүргізуші: Құрметті ұстаздар, оқушылар, ата - аналар!

«Сәт сапар ,саған, жас түлек!» атты салтанатты жиынымызды ашық деп жариялаймыз.

Мектеп қой Еліміздің қаны, жаны.

Мектептен басталады бәрі – бәрі

Бүгінгі салтанатты кешімізде

Шырқалсын Қазақстан әнұраны.

(Қазақстан Республикасының Гимні орындалады)

Жүргізуші:

Балдәурен балалық шақпен қоштасып, болашаққа қанат қағатын бұл жыл - сіздер үшін ең бір қымбат, ең бір қимас жыл ретінде естеріңізде мәңгілік қалары сөзсіз.

Бұл жыл – Қазақстан Республикасы тәуелсіздігіне 25 жыл, бұл бүкіл қазақ үшін ұмытылмас тарихи жыл ретінде ел жадында мәңгі сақталмақ.

Жүргізуші: Бүгінгі салтанатты жиынымыздың қадірлі қонақтарымен таныс болыңыздар

1. Ұлан ауданы әкімінің орынбасары ...........................................................

2. Айыртау ауылдық округының әкімі Калелова Салима Сагидулдиновна ........................................

Жүргізуші:

Өрендер кетті, сендерден енді балалық,

Тұрсыңдар міне, болашақ күнге жол ашып.

Кетігін елдің жетілдірер бол азамат,

Бір кірпіш болып дүниеге мына қаланып.

11 жыл оқып, білімің түсті қорлана

Аттестат алғалы тұрсың мектеп деген ордада.

Аттестат деген – азаматтық куәсі,

Аттестат деген - өмірге берген жолдама.

Көптен күткен қуанышты кезең, 11 жылғы төккен теріңнің жемісі,

11 жыл бойы алған біліміңнің белгісі Аттестат алу кезеңі келгендей.

Сөз мектеп директоры Кисыкова Гульназ Ернисовнаға беріледі.

(Құттықтау,салтанатты түрде аттестат тапсыру)

Жүргізуші:

Шарықтасын шат көңілдің алабы

Шат жүрекке ақ тілектер қонады

Дархандай кең біз қонақжай халықпыз

Әрқашанда төрде отырар қонағы.

Ардақты асыл мекен мектебіме

Аяулы асыл жандар көп келеді.

Құрметпен қонақтарға сөз берійік,

Жақсы сөз жанға ыстық нәр береді

Сөз Ұлан ауданының ..................................................................................................беріледі.

Уақытың ақжелкенді бір кеме бұл,

Қуантып жүрген жолға нұр төге біл.

Алтын ұямектеппен қоштасқан соң,

Алдыңнан тосып тұрар – үлкен өмір –

құттықтау сөз кезегі Айыртау ауылдық округының әкімі Калелова Салима Сагидулдиновнаға беріледі.

Жүргізуші:

Әлі есімде әліппені ашқаным

Есіміңді есте мәңгі сақтадым

Жүрегіме нұрын құйған жылылық

Көрген емес ешқашанда суынып,-

11 А сыныбының алғашқы ұстазы Хасенова Гүлшат Артықбаевнаға беріледі.

Жүргізуші:

Жетекшi деген -ерекше тұлға , дара шың,

Ұмытылмастай көңiлде мәңгi қалатын.

Сарғайып кеткен альбомын алып қолына ,

Шәкiрттерiн оңаша еске алатын - ортаға сынып жетекшiлерiн шақырамыз

Сөз кезегін түлектердің сынып жетекшісі АмреноваШарбану Корпешовна мен Маманова Қарлығаш Нуртаевнаға беріледі.

Ата - ана тәрбиелеп балапаның,

Әлдилеп, аялаған алақанын,

Болашақта бақ тілеп тұрасыңдар,

Ойлауменен алдағы бала қамын – дей отырып сөз кезегі жас түлектердің ата - аналарына беріледі.

Жүргізуші:

Жас түлектер, сендерге артар міндет көп,

Көтеріңдер мектептің атын құрметтеп.

Білімнің көзін аша білсең тереңнен,

Жетелейді армандарға бұл мектеп ,

Ұрпақсыз мына өмірде кім түледі,

Жақсы ұрпақ – еліміздің шын тілегі.

Ортаға шығып, қанекей, тілек айтсын,

Он бірінші сыныптың «Мен» деген әр түлегі.

/ 11 сыныптардың әдеби -музыкалық монтажы /

Сәт сапар, жас түлек-2017!

1-ж: Аяулы ұстаздар! Сіздер 11 жылы бойы біздің ақылшымыз, досымыз, көңілімізге шуақ құйған сырласымыз,ақыл айтар ағамыз, қамқор болар анамыз,таудай биік панамыз болдыңыздар.

2-ж: Қоштасар сәтте сіздерге өзіміздің жүрегімізден шыққан ақ тілегімізді арнаймыз.

1-ж: ГҮЛНАЗ ЕРНИСОВНА!

Мектебімнің басшысы да тірегі

Барлығы оны мейірбан деп біледі

Әрқашан да басшы демей ол өзін

Ортамызда күліп-ойнап жүреді

Еңбегіңіз жаңа берсін әрқашан

Құтты болсын мерекеңіз бүгінгі.

2-ж: БАҚЫТЖАН ДАУТХАНОВНА! МАЙРА КАБЕНОВНА!

Ақ жүрекпен сезіп «ҰСТАЗ БАҚЫТЫН»

Шәкіртімен өткен барлық ғұмыры

Сіздерге арнаймыз тілектің ең жақұтын

Даңқыңыздың биік болсын тұғыры.

1-ж:Білдіріп шәкірттердің ақ ниетін

Ұстаздың алып жүрген атын еркін

Сіздерге өлеңмен өріп ұсынамыз

Жүректің алғысы мен рахметін!

ӘН

2-ж:Ұстаздардың арқасында шаттандық,

Сөзін ту қып болашаққа аттандық

Мектебімде ұстаздар бар ардагер

Барлығымыз жүретұғын мақтан қып.

1-ж:Ардагер ұстаздарымыз:АХМЕТ АЛЖАПАРОВИЧ,ГАУХАР АЛИБЕКОВНА,ФАТИМА АНУАРБЕКОВНА,АЙКЕН ҚАНАПИЯНОВНА! Сіздерге дендеріңізге саулық, қажымас қайрат, шығармашылық табыс,бақыт тілейміз!

2-ж:Ардақта деп халықтын ана тілін

Сүйе біл деп құрметтеп баба тілін

Үйреттіңіз қыр-сырын шәкіртіңе

Қадірлеуді Абайдай дана тілін.

1-ж:Тіл мамандары:ЭЛЬМИРА КОНЫСБЕКОВНА, ШАРБАНУ КОРПЕШОВНА, ҚАРЛЫҒАШ НҰРТАЕВНА, БАЙМЫРЗА ШАМША, ҚЫМБАТ ЖЕҢІСХАНОВНА - мына музыкалық сәлеміміз сіздерге арналады.

БИ

2-ж:Мектебім бар балаға білім берген

Шын ұстаз сөзін асыл,ойдан кетпес

Танытқан тарихымды, жер, су атын

Еңбегіне ешқашан баға жетпес.

1-ж: Тарих, география пән мұғалімдері:САНИГУЛ КЕРЕЙХАНОВНА, БАҚЫТЖАН АНУАРБЕКОВНА,ТІЛЕУХАН КҮМІСКҮЛ-Сіздерге мың алғыс!

2-ж:Біздермен ойнап-күлетін

Сырымызды білетін

Қасымызда қашанда

Қамқор болып жүретін

Әліппені алғаш танытқан

АЛҒАШҚЫ ҰСТАЗЫМЫЗ- ГҮЛШАТ АРТЫҚБАЕВНАҒА МЫҢ АЛҒЫС!

ӘН

1-ж:Білімді шәкірттерін аялаған

Жақсылығын ешкімнен аямаған

Саялы бақ,жанашұры жас ұрпақтың

Ұстаз деген аяулы,ардақты адам.

2-ж:Математика, химия, биология,информатика пәні мұғалімдері:ТАТЬЯНА АКАБАЕВНА, МАЙРА КАБЕНОВНА , МИРА АСҚАРОВНА, МӨЛДІР БАУЫРЖАНҚЫЗЫ! СІЗДЕРГЕ МЫҢ АЛҒЫС!

1-ж:Биік сенің ұстаздық қасиетің

Мінезің жоқ қиынға бас иетін

Үйреткен Үш тілің-үш тұғырың

Жанымызда сақталар өсиетің

Ағылшын тілінің ұстаздары-ГҮЛНАР АЖЫЕВНА, ЯНА КУРМАНГАЗЫЕВНА.

МЫНА МУЗЫКАЛЫҚ СӘЛЕМІМІЗ СІЗДЕРГЕ АРНАЛАДЫ

2-ж:Әскери қатал тәртіпке

Шыдамды,мықты болуға

Төзе біл деп үйреткен

Асқар ағаға мың алғыс!

1-ж:Өнерлі сіздің қолдарыңыз

Ашылды содан біздің жолдарымыз

Еңбектеріңіз жанып әрқашан

Жарқырап өмір сүріңіз.

Технология піні мұғалімдері: ЖАНИМХАН КЕНЖЕБАЗАР,СЕРІКБЕК САЙЛАУБЕКОВИЧ!

2-ж:Әр баланың қадамын

Бақылайтын қарайтын

Көңіл күй мен тәртібін

Ең басты деп санайтын

«Кітап-сенің досың» деп

Үнемі ақыл беретін

Қысылғанда қиналып

Көмекшіге жарайтын Уазиға апай, Алтынгүл апай, Нүргүл апай сіздерге мың алғыс!

МУЗЫКАЛЫҚ СӘЛЕМІМІЗ СІЗДЕРГЕ АРНАЛАДЫ.

1-ж: Жаралған жақсы үміт пен мұраттардан

Жансыз ғой әлдилеген шуақты арман

Сәуле апай,біз сізді ұмытпаймыз

Денсаулық-зор байлық деп тілеп тұрған.

2-ж: Спорттан талай жігіт даярлаған

Балаға бәрін берген аямаған

Жүзден жүйрік,мыңнан тұлпар шәкірттерің

Айтады алғыс рахмет сіздерге мың алғыс.

КАДІР ТӨЛЕУХАНОВИЧ, САЛТАНАТ СОВЕТХАНОВИЧ СІЗДЕРГЕ МЫҢ АЛҒЫС АЙТАМЫЗ.

1-ж:Әнді сүйген,жанын берген өнерге

Жолын ашып өнерлінің өмірге

Құрманғызы,Абай,Шәмші аруағы

Қолдап жүрсін әрқашанда өзіңді.

Музыка пәні мұғалімі:ЖҰМАБЕК БАҚЫТБЕК – СІЗГЕ МЫҢ АЛҒЫС АЙТАМЫЗ . МУЗЫКАЛЫҚ СӘЛЕМ ЖОЛДАЙМЫЗ

Жүргізуші:

Жүрек сыздап жанымызды қинайды
Жүрегіміз лүпілдеп кең дүниеге сыймайды
Еркіндікте, ерлік сенде қалып барады
Қоштасатын сәт жетті, ойлантпасқа қоймайды

Қоштасады алтын ұя мектебің,
Маңдайыңнан сүйіп өтер көктемің.
«Сәт сапар» деп қол бұлғаймыз бәріміз,
Тілейміз біз армандарға жеткенін.

Қиындықтар мойытпасын сендерді,

Батылдық пен асыңдар сан белдерді.

Біліміңмен қуантсаңдар мектепті,

Жақсы іспен қуантыңдар енді елді.

Қонақтар, ұстаздар және мектеп түлектері!

«Сәт сапар, жас түлек-2017!» атты салтанатты кешіміз осымен аяқталды.

СОҢЫ: