Ұзақ мерзімді жоспардың тарауы:

Мектеп: №277 орта мектеп Қармақшы ауданы.

Күні :

Пәні: Сауат ашу.

Мұғалімнің есімі:Борикулова А.А.

СЫНЫП: 1

Қатысқандар саны:

Қатыспағандар саны:

Сабақтың тақырыбы:

Х х дыбысы мен әрпі.

Осы сабақта қол жеткізілетін оқу мақсаттары:

1.2.9.1 Әріпті тану, ажырату және оны дыбыспен сәйкестенді-ру.

1.2.1.2 Оқудың түрлерін (буындап оқу, жиі кездесе-тін сөздерді тұтас оқу, түсініп оқу) қолдану.

1.2.2.1 Мәтінде автордың кім (не) туралы айтқысы келгенін түсіну.

1.3.5.1 Тақырыпқа байланысты керекті сөздер, сызба, сурет, белгілер қолдана отырып, жай сөйлемдер/мәтін құрастыру және жазу.

1.3.11.1 Сөйлемді бас әріптен бастап жазып, сөйлем соңына тиісті тыныс белгілерін қою.

Сабақ мақсаты:

Барлық оқушылар: Х әрпін таниды,х дыбысына қатысты сөздерді оқиды,жазады.

Оқушылардың басым бөлігі: Мәтіндегі автордың ойын түсінуде өз болжамдарын айта алады.

Кейбір оқушылар: Сөз бен сөйлемді ажыратады.Сөйлемдегі тыныс белгілерін дұрыс қолдана алады.

Бағалау критерийлері

• Әріптерді таниды және дыбыспен сәйкестендіріп оқиды.

• Буындап немесе тұтас сөздермен оқиды.

• Мәтіннің негізгі ойын анықтайды.

• Сөйлемдерді тиісті сөздермен толықтырады.

• Сөйлем жазуда бас әріппен тыныс белгілерін дұрыс қолданады.

Алдыңғы оқу:

• Әріп пен дыбысты ажыратады.Сөздерге дыбыстық талдау жасайды.Буынға бөлуді біледі.

Құндылыққа баулу:

Оқушыларды бір-біріне деген құрмет көрсетуге тәрбиелеу.

Пәнаралық байланыс:

• Математика,дүниетану.

АКТ қолдану дағдылары

• Аудиожазба , таныстырылым,

• интербелсенді тақта.

САБАҚ БАРЫСЫ

Сабақтың жоспарланған кезеңдері

Сабақтағы жоспарланған жаттығу түрлері

Ресурстар

Сабақтың басы

(7 мин)

Сабақтың ортасы

( 27мин)

Сергіту сәті

Сабақтың соңы

10мин

4мин

3мин

7мин

5мин

9мин

2мин

5мин

7мин

3мин

І Ұйымдастыру кезеңі:

ІІ Ширату жаттығуы:

Психологиялық дайындық

«Менің көңіл күйім неге ұқсас?» ойыны.

Сабаққа керекті құрылғылардың суреттерін қима түрінде беріп оқушыларды төрт топқа біріктіремін.(суреттердің тустері қызыл,жасыл,сары,ақ)Оқушылар түстер бойынша өз орындарына отырып,қиманы құрастырған сәтте өз топтарының аты айқындалады.

Топқа бөлу

1топ-қарындаш

2топ-оқулық

3топ-санамақ

4топ-дәптер

Ширату «Миға шабуыл» әдісі.

Әр топта бірнеше смартфон(телефон) макеті және хатқалта жатады.Оқушыларға телефонды қолдарыңа ала отырып не үшін қажет екенін сұраймын және аудиожазба арқылы телефонға хабарлама келген дыбысты тыңдатамын. Оқушылардың жауабын тыңдап болған соң сабақтың мақсатымен, критерийімен таныстырамын.Х әрпіне түсінік бере отырып «Хат» сөзіне дыбыстық талдау жасатамын.

1-тапсырма(МкҰ) Тақтада:

-Қарлығаш,

-елтаңба

-ермексаз

-белдемше

-доп

-сиыр,сөздері берілген.Оқушылар сөздерді буынға бөледі,оқиды және суреттермен сәйкестендіреді

Бағалау: «бас бармақ»әдісі.

2-тапсырма(Жеке)

Берілген сөздерді оқы. Көп нүктенің орнына қай әріпті қоюға болады? Сол әріпті қоршап сыз.

Бағалау: «Бағдаршам әдісі»

3-тапсырма:(Т)Мәтінді түсініп оқы: Құлын.
Атам жайлаудан құлынды бие мініп келді. Оны ағашқа байлап қойды. Биенің қасында ойнақтап жүрген құлын әдемі - ақ.Жанына жақындауға бел будым. Құлын менен үркіп, біраз жерге ұзап барып, қарап тұрды. Қайта келіп, есік алдындағы шелекті иіскелей бастады. «Жануар - ай, шөлдеген екенсің ғой» деп ойладым.
Көшедегі су құбырының суын ағызып қойдым. Аузын тосып еді, су танауына кіріп кетіп, пысқырынып шегінді. Суды азайтып ағыздым. Құлын суға тұмсығын тосып, ұзақ ішті. Осылайша екеуіміз достасып кеттік. Жалынан сипасам, сүйсіне қарап тұрды.
(“Балдырған”журналынан.)

1-топ

Мәтінге тақырып қой.неге олай атағаныңды түсіндір.

2-топ
1. Құлын ненің баласы? (жылқының)
2. Жылқының пірін қалай атайды?
3. Төрт түлік малды атап бер?
3-топ

Мәтіндегі тірек сөздермен жұмыс. Математика пәнімен байланыстыра отырып,тірек сөздердегі әріптер санын анықтау.
Құлын
Бие
Ағаш
Су
Көше
Достасу

4-топ Сен өзіңді автормын деп есепте және құлын тақырыбына байланыстырып өзгеше мәтін құра

Бағалау: «Ауа райы»

Дескриптор: Білім алушы:

мәтіннің мазмұны бойынша сұрақтарға жауап береді; -мәтіннің кейіпкеріне қатысты пікірін айтады; -мәтіннің мазмұнына сүйеніп, автордың ойын тұспалдайды.

Сергіту сәті

«Қызыл гүлім-ай»

4-тапсырма(Ж) «Ойлан,жұптас,талқыла»

Ем,дәрі,ауру,наубай,шай,кітап,ас,шебер,ұста,баспа сөздерін «хана» сөзімен күн шапақтары арқылы байланыстырып, оқы.Пайда болған сөздерден ауызша сөйлем құра.Сөйлемдерге сәйкес суреттерді анықта.

Бағалау: «Мадақтау сэндвичі»

Дескриптор Білім алушы - сөйлемдерге сәйкес суреттерді анықтайды; - суретті қатыстырып сөйлемдер құрастырады; - сөйлемдерді толықтырып жазады; - сөзді сауатты жазады.

-5тапсырма:((жеке) Дәптермен жұмыс:Досыңа(ата-анаңа,ата-әжеңе)хат жаз.Тыныс белгілерін қой.

Бағалау: «Көңілді смайликтер»

Рефлексия.

https://www.youtube.com/watch?v=sPX27NNVWCY

Саралау – Сіз қосымша көмек көрсетуді қалай жоспарлайсыз? Сіз қабілеті жоғары оқушыларға тапсырманы күрделендіруді қалай жоспарлайсыз?

Бағалау – оқушылардың үйренгенін тексеруді қалай жоспарлайсыз?

Денсаулық және қауіпсіздік техникасын сақтау

Топтық жұмыс кезінде 3-тапсырмадағы берілген «Құлын»тақырыбына байланысты оқушылардың қабілетіне қарай тапсырмаларды күрделендіріп

беремін.

• «Бас бармақ»

• «Бағдаршам»

• «Мадақтау сэндвичі»

• «Ауа райы»

• «Көңілді смайликтер»

әдісі арқылы бағалау

жүргізілді.

Кері байланыс:

• «Алмалар»

Ширату кезінде бір-бірін итермейді.

АКТ қолданған кезде электр тоғынан сақтанады.

Сергіту сәтінде парта қырынан сақтанады.

Жазылым дағдысы кезінде қаламсаптың ұшынан сақтану ескеріледі.