Сауат ашу негіздері «Ғарыш білімпаздары» тақырыбында ҰОҚ

Тәрбиеші: Саркулова З.К

Білім беру саласы: Коммуникация

Ұйымдастырылған оқу қызметі: Сауат ашу негіздері

Тақырыбы: « Ғарыш білімпаздары»

Мақсаты:

Білімділік: - Балалармен ғарыш әлеміне саяхат жасау арқылы   дыбыстарды, әріптерді, буындарды, сөздерді, сөйлемдерді қайталата отырып, балалардың білімін тиянақтау.

Дамытушылық:Сөздерді буындарға дұрыс бөлуге, сөздегі буын санын және орналасу ретін анықтауға, сөз бен сөйлемді ажыратып, сөздің, сөйлемнің мағынасын түсінуге, тыңдалған материал негізінде қарапайым сұрақтарға жауап беруге, сөз, сөйлем сызбасын оқуға, сұрақтарға толық сөйлеммен жауап беруге, Сөздерге дыбыстық талдау жасату арқылы ақыл-ойын, есте сақтау қабілеттерін дамыту, сөйлем құрату арқылы сөздік қорын молайту,

Тәрбиелік: Ұқыптылыққа, мейірімділікке,қайырымдылыққа, ұжымда бірге еңбектенуге тәрбиелеу.

Қажетті құрал жабдықтар: Зымыран макеті, ғарыш әлемінің суреті, Аудио, видеоролик, зымыранның дыбысы үнжазба,Жұлдыздар әлемінің суреттері,

С, А, У, А, Т, А, Ш, У әріптері,буындар жұлдыздарға жазылған, «Сәт, Са-пар!»сөзі жазылған пазлы, , «Сауат ашу » кітабы

Үлестірмелі материалдар: «Буындарды ажырату», Ойын: «Суреттердің көмегімен жасырын сөзді табу», «Кубизм» әдісі (Планеталармен), Ойын: «Буыннан сөз, сөзден сөйлем құрау»

Тәрбиеші: Балалар, бүгін бізде ерекше күн, қонақтар келді. Амандасайық.

Тәрбиеші: Көңіл күйлерің қалай?(Балалардың жауаптары)

(Балалардан жыл мезгілін, ауа райын, көктем айларын, көктемдегі атаулы мереке 12 сәуір туралы қысқаша сұрақтар)

Балалар: 12 сәуір Ғарышкерлер күні

Тәрбиеші:Балалар, ал сендер ғарыш әлеміне барғыларың келеме? (Балалардың жауаптары)

(Слайд көрсетілім ғарыш әлемі,оның тұрғындары Білімпаздардың суреті,

Үнжазбадан хабарлама: Қымбатты балалар, біздер ғарыш әлеміндегі Білімге құштар Білімпаздармыз. Ғарыш әлеміндегі біздің ең қымбат, қадірлі кітабымызды Қарақшылыр ұрлап кетіпті.Бізге сіздердің көмектеріңіз қажет!

Тәрбиеші:Қарақшылардан кітапты алу үшін, берілген тапсырмаларды орындауымыз қажет, әр тапсырма орындалғанда, Білімпаздар бір жұлдыздан жіберіп тұрады.Тапсырмалар түгел орындалғанда, қарақшылардың қандай кітапты ұрлағанын білетін боламыз!

Саяхатқа немен баратынымызды білу үшін, жұмбақты шешейік.

Жұмбақ:Ұшады қанатсыз,

Зырлайды аяқсыз (Шешуі: Зымыран)

Тәрбиеші:Дұрыс айтасыңдар, балалар,сұрақтарға анық, жақсы жауап беру үшін, тілімізге жаттығу жасайық:

Артикуляциялық жаттығу (Бәрі бірге орындайды).

Ға-ға-ға, ғарышқа ұшқым келеді.

Зы-Зы-Зы, зымыранмен ұшамыз.

Жұ-Жұ-Жұ, Жұлдыздарға жетеміз

Ой-Ой-ой,Үйге қайтып келеміз

Тәрбиеші: -Жарайсыңдар, ендеше ғарыш кемесімен ұшуға дайынбыз. Балалар, ғарыш қарақшылары зымыранның паролін бүлдірген сияқты, қосылмай тұр? (Зымыранның дыбысы сөніп қалады) Ал мына жерде буындар жатыр екен, буындарды құрастырып көрейікші, қандай сөйлем шығар екен? (Балалар бірге Сәт, Сапар! сөйлемін құрастырады) фон аспан әлемі

Тәрбиеші: -Жарайсыңдар, ал бізге ғарыш әлемінен бір жұлдыз да ұшып келді. (С әрпі) Біздің зымыран ұшуға әзір

(Зымыранның дыбысы, Суретімен)

Тәрбиеші: Біздің жолымызда 3 планета кездесті. Бірінші планетада бір буынды сөзден, 2-ші планетада 2буынды, 3-ші планетада 3 буыннан тұратын тұрғындар болған екен, олар қарақшылардан қашып кеткен, оларға үйлеріне оралуға көмектесейік.

Тапсырма «Буындарды ажырату»

(Балалар картинкадағы суреттерді атап, неше буыннан тұратынын ажыратып, орналастырады.

Тәрбиеші: Жарайсыңдар, міне тапсырма орындалды. Білімпаздар екінші жұлдызды жіберді. (А әрпімен)

Тәрбиеші: Балалар, ғарыш әлемінде жаттығу жасап, демалып алайық.

Сергіту сәті: видеоролик «Космос әлемі»( Жұлдыз түседі У әрпі)

Тәрбиеші: Балалар, тапсырмаларды жақсы орындадық, енді Білімпаздарға кітапты қайтару үшін аспан әлемі туралы жұмбақтар шешуіміз қажет екен

Жұмбақ: Бір халық аспанда ұшқан аяғы жоқ,

Ұстаған қолдарында таяғы жоқ.

Күніне талай жерге кетер кезіп,

Нәрсенің бұл секілді саяғы жоқ. (Шешуі: Бұлт)

Бұлт сөзіне байланысты ребусты шешіп, сөзге дыбыстық талдау жасайды. Білімпаздар (А әрпі) жұлдызын жіберген, яғни тапсырма дұрыс орындалғаны.

( Метеориттер, қатты желдің дыбысы естіледі.)

Тәрбиеші: Балалар, тыңдаңыздар, қатты дүлей желдің дыбысы естілгендей, бұл қарақшылардың біздерге жіберген кедергілері болар. Егер тапсырма дұрыс орындалса,бізге қауіп жоқ деп ойлаймын.

Ойын: «Суреттердің көмегімен жасырын сөзді табу» (Т әрпі жұлдызы)

Тәрбиеші: Қатты желден, тосқауылдан өттік, қарақшылар осы планеталар туралы не білесіңдер деп тапсырма қалдырған

«Кубизм» әдісі.

(9 планета туралы: Меркурий, Марс, Сатурн, Уран, Шолпан, Нептун, Плутон, Жер, Юпитер)

Тәрбиеші: Міне тапсырманы орындадық, жұлдызды алдық (А әрпі) Жолдың жартысын жүріп өттік, Планеталарға қарап, көзімізде шаршаған болар Көздерімізді демалтайық.Көзге арналған жаттығу(Видеоролик «Жұлдыздар әлемі» (Жұлдыз түседі Ш әрпі)

Тәрбиеші: Қарақшылар тағы кедергі жасамақшы, жолымызда тағы да ең қиын, шешуші соңғы тапсырма бар, егер ойдағыдай орындасақ кітапты табамыз.

Ойын: «Буыннан сөз, сөзден сөйлем құрау»

Тәрбиеші: Аспаннан тағы жұлдыз түсті (У әрпі)

Білімпаздардың әлеміне де келіп жеттік,қарақшылардың қандай кітапты ұрлағанын білетін болдық!

Балалар: - Сауат ашу

Тәрбиеші: -Бұл өте қажет, маңызды кітап. Бізді әріп тануға, жазуға үйретеді. Білімпаздар әлеміне Сауат ашу және жазуға үйрететін кітабын табуға көмектестік. Енді үйімізге қайтуымызға болады.

(Бейнероликтен, ғарыштан, Білімпаздың дауысы естіледі: Балалар, рахмет сендерге,Енді біздерде оқуды, жазуды білетін боламыз!

Қарақшының дауысы: Балалар, бізді кешіріңіздер! Енді ешкімге зиян жасамайтын, сендер сияқты мейірімді боламыз!

Балалар: Ғарышқа ұштық,

Қайта айналып, жерге келіп қондық.

Қорытынды: Балаларды мадақтау, жұлдыздар беру.