Сауат ашу сабағы Ұ дыбысы

Сабақтың тақырыбы: Ұ ұ дыбысы мен әрпі

Сабақтың мақсаты: ұ дыбысы және әрпімен таныстыру.

Жеке сөздер оқуға және тез оқуға дағдыландыру. Ұқыптылыққа, әдемі жазуға дағдыландыру. Жазуға қолдарын жаттықтыру.

Әдіс -тәсілдер:сұрақ-жауап, түсіндіру, әңгімелесу.

Көрнекіліктері: суреттер, слайд, кеспе әріптер, буындар.

Оқу іс-әрекеетінің барысы:

І.Ұйымдастыру кезееңі.

1. Балалар шаттық шеңберіне тұрып, бір-бірлеріне жақсы тілектерімен, жылы лебіздерін білдіреді.

2. Педагог балаларға жұмбақ жасырады.

Шыр айналып биші қыз

Билеп – билеп алады.

Өз бұрымын беліне

Орап түсіп барады. (Ұршық)

Құстардың панасы,

Ағашта ол тұрады. (Ұя)

Ұршық, ұя сөзіне дыбыстық талдау жасау.

ІІ. Негізгі бөлім.

Тіл ұстарту жаттығуы.

Ұс – ұс –ұс

Қарлығаш - киелі құс.

Дәптермен жұмыс.

Ұя, құдық , бұзау сөзіне дыбыстық талдау жасатып, ондағы ұ дыбысынын орның ажыратқызады. Балалардың өздеріне ұ дыбысының сөздін басында, ортасында, аяғында келетін сөздерге мысал келтіру. Дәптердегі буындарды, сөздерді оқыту.

Үлгі бойынша ұ дыбысының кіші және бас әрпін бастырып жазады. Тор көздегі ұ дыбысының орнына қарай сөз ойлап табады. Тор көзді санап, суретті қайталап салады. «Сөйлем құра» тапсырмасын орындайды.

Суреттерге қарап дыбыстық талдау жаса. Ұлу, ұя, бұғы, ұршық.

Тордағы әріптерден сөз құра.

Үзік сызықтарды қос. Буындап оқы.

Ұ – лу, ұ – я, бұ – лан, сұр.

Ұр – шық, құ – лан, құр.

Жаңылтпаштар жаттау.

Тұз – мұздай

Мұз – тұздай

Талап – тұлпар

Білім – сұңқар.

1. Сергіту сәтін өткізу. «Ұшты - ұшты» ойыны.

Ұшты – ұшты қарға ұшты. (Балалар қарға сияқты ұшады).

Ұшты – ұшты етік ұшты. (Қолдарын көтеріп ұшпақ болған бала айыбын өтейді).

ІІІ.Қортындылау.

- Балалар біз бүгін қандай әріппен таныстық?

- Ұ дыбысы дауысты ма, дауыссыз ба?

- Бүгінгі сабақ ұнады ма?