С.Сатыбалдин атындағы жалпы орта білім беру мектеп

«Сауатты жазайық»

элективті курсы

Құрастырушы: Ибадулина Риза Кадырбековна

Бастауыш сынып мұғалімі

І. Түсінік хат

«Сауатты жазайық» - элективті курсы.Бұл курс арқылы оқушылар негізгі пән «Қазақ тілінде» меңгерген білім,білік,дағдыларын жетілдіре түседі. Осы элективті курсы арқылы оқушылардың дүниетанымы кеңейіп,әрі сауатты жазып, дұрыс байланыстырып сөйлеуге үйренеді. Грамматикалық сауаттылықтары артады.

«Қазақ тілі» пәні сияқты қазақ тілінің дыбыстық,лексикалық жүйесі мен грамматикалық құрылымын меңгеру үдерісі қарастырылады.Бастауыш сынып оқушыларын оқыту, тәрбиелеу және дамыту талаптары мен мақсатына сәйкес құрастырылған. Оқушылардың жас ерекшеліктеріне және мүмкіндік өрісіне сай.

Тапсырмалар арнайы топтастырылып, өзіндік жұмыстар мен бақылау жұмыстарын (шығармашылық жұмыс,тесттер) ұйымдастыруға арналған тапсырма ретінде берілген. Мектептің бастауыш сатысындағы басқа оқу пәндерінің мазмұнымен пәнаралық байланыстар ескеріледі.Оқу процесін өтілген материалдардың қолданылу жиілігін ескере отырып ұйымдастыруға және ақырғы нәтижеге жетуді бағдарлауға мүмкіндік береді. Сауатты жазу оқушыларды сауаттылыққа, ұқыптылыққа, оқушының каллиграфиялық қабілетін қалыптастырудың педагогикалық, қоғамдық тәрбиелік мәні зор.Осы курста сабақпен бірге практикалық жұмыс жүреді.

«Сауатты жазайық» курсы бойынша оқу жүктемесінің көлемі:

3-сынып – аптасына 1 сағат, оқу жылында – 36 сағатты құрайды.

Өзектілігі:

• Баламен жеке дара жұмыстар жүргізілу барысында оның жан-жақты дамуына, қоғамға бейімделуіне жағдай туғызу;

• Сынып ұжымында әр түрлі деңгейдегі оқушылардың өздерін емін еркін ұстауға бейімдеу;

• Балада болашаққа деген басқаша көзқарас қалыптастыру.

Мақсаты:

• Оқушылардың қазақ тілі пәнінен алған білімдерін жетілдіре отырып, тіл байлықтарын, өз ойларын нақты, терең мағыналы әрі көркем жеткізе білу дағдыларын дамыту;

• Өз ойын ауызша да, жазбаша да сауатты жеткізе білуін жетілдіру;

• Оқушылардың ауызша және жазбаша тілін дамыту;

• Жазудың түрлі тәсілдері /көшіріп жазу, әріптік, буындық, сөздік, сөйлем, шағын мәтін т.б.арқылы сауатты жазуға үйрету.

• Олардың білімге деген құштарлығын,еңбек сүйгіштігін арттыру;

Міндеттері:

• Байланыстырып сөйлеуге, сөйлеу мәдениетіне үйрету;

• Үлкендерді құрметтеп, олардан өнеге алуға жетелеу.

• Сауатты жазу дағдыларын қалыптастыру;

• Әріптерді бір-бірімен өзара байланыстыра қосып жазуға үйрету;

• Эстетикалық талғамға сай жазу әрекетін игеру арқылы каллиграфиялық көркем жазуын қалыптастыру;

Күтілетін нәтиже:

• Шығармашылық тапсырмаларды орындап үйренеді.

• Сауатты жазу дағдылары қалыптасады;

• Тіл байлығы жетіледі;

• Грамматикалық тапсырмаларды орындай алуға машықтанады;

ІІ. Таңдау курсының базалық мазмұны

Таңдау курсы төмендегідей 5 бөлімнен тұрады:

1. Сөйлем мүшелері - ( 4 сағат)

2. Дыбыс пен әріп - (11 сағат)

3. Сөз таптары - (12 сағат)

4. Сөйлем - (3 сағат)

5. Жыл бойы өткенді қайталау - (4 сағат)

Сауатты жазайық

Пайдаланған әдебиеттер тізімі

1.Қазақстан Республикасының Білім туралы Заңы.

2.Қазақстан Республикасында білім беруді дамытудың 2011-2020 жылдарға

арналған мемлекеттік бағдарламасы.

3.«Жалпы бастауыш білім беру педагогикасы» М.Қоянбаев.

4.«Бастауыш сынып» Республикалық әдістемелік-педагогикалық журналы

5. «Айгөлек», «Балдырған» журналдары